【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 比賽開鑼，出師不利
65追釋出
敏：「你好似好唔滿意初音偷晒你啲西米露咁喎？」詩敏一路M字腳䟴一路講。
我：「點…點會…」
敏：「使唔使我搵多三十九個初音返嚟輪你？」
我：「唔…唔好！」然後啲精就忍唔住射晒入去。
結果我哋真係做咗成半粒鐘，兩個人都玩到身水身汗，詩敏下體載住我啲暖笠笠嘅精液攤咗喺我身上面嗦晒大氣。
我：「唔…係…狼來了嚟㗎可？」
敏：「你自己唔識計嘅咩？」
我：「我…未做好心理準備咁快要放個老婆喺屋企…」到時三個人看實我實無晒自由同人權。
敏：「我…會唔會幸福㗎？」
我：「會，一定會。」打死都只可以答會。
敏：「你就想呀！我都未玩夠。」
嗯，女神妳想玩幾耐我都樂意奉陪到底，最緊要個對像係我就得喇。
之後佢入面啲精流返出嚟嘅時候帶住少少血絲，睇嚟詩敏都係一個誠實嘅小妹妹嚟。咁樣個時間都好似啱啱好，即係話到比賽嗰陣佢唔會俾M到影響咗臨場表現，雖然佢唔算係一個有嚴重M痛問題嘅女仔；至少…輸咗嘅話都無咁躁，唔會即場殺咗我先。
跟住嗰一個禮拜都係不停做gym，跑步，同Tiffany文哥隔日練波，無飯食，同埋無愛做…而家我同佢隨時都可以做愛就無謂衝紅燈啦。
好在Tiffany對我都無乜特別嘅舉動，講真我係有諗過同佢認真謦下嘅，我唔想佢唔開心，唔想佢以為我唔鍾意佢；我就係認真當佢係一個好朋友先更加唔可以同佢亂嚟，希望下年同佢都可以維持和諧穩定嘅同班同學關係；結果…我都係拖得就拖，反正同佢一定會見面，就遲啲先算嘞。
嗯，終於都到咗第一日比賽嘅日子。
我同詩敏八點幾就去到一個公眾體育館，由於成個青年錦標賽有成千人參加，所以今日呢個場全部都係嚟自甲組混雙嘅參加者；望一望塊白板已經寫晒我哋每組嘅名喺度，總共有二十四組四十八人，今日會揀十六強出嚟，廿四進十六foul八隊，咁睇嚟進級機會都幾大下。
搭正九點就開始抽籤，由於有咗我呢隻神之手抽計數機嘅經驗，詩敏決定自己出去抽。
敏：「今次仆街了。」當詩敏望到我哋對手個名嘅時候，佢眼定定拋咗句咁嘅嘢出嚟，雖然佢係一個頗為豪放都幾不拘小節嘅女仔，但平時嘅佢其實唔多講粗口嘅。
我：「有幾仆街呀？」
敏：「我哋第一場抽中頭號種子…」
我：「唔好意思…我唔識佢哋…」
敏：「係香港青年軍混雙正選嚟。」
我：「既然打到去國際賽，點解重要嚟呢度玩…」
敏：「攞奬…攞奬金囉…」
我：「咁我哋係咪可以準備定講bye bye喇？」
敏：「第一輪廿四揀十二，即係之後有復活賽，唉…我都唔知喇，盡力而為啦。」
第一輪有十二場，呢個體育館總共有四個羽毛球場可以同時進行賽事，所以頭一圈係要輪三場先打得晒，而我同詩敏就編咗喺第二場打；我哋上咗看台睇人打波等落場，而佢個樣就灰灰地，唔知…頭號種子有幾強呢，我都幾想見識下，不過我諗我哋都可以諗定點樣將啲精力擺落復活賽度好啲。
以前我同佢打學界，其實無諗過要打啲乜成績出嚟，只係為咗參加下同埋希望自己負責嗰場可以贏；好彩嘅話都有四五日可以打，唔好彩就打完三日分組講bye bye；都係我睇下佢打，佢睇下我打，重點係一齊玩，同埋打完波之後成班人飲飲食食，反正我哋學校對我哋無任何要求，隊員良莠不齊都唔會寄望啲乜。
但今次係只屬於我哋兩人嘅戰爭，估唔到一開波就會遇到咁嘅難題；可以做嘅我哋都已經做咗，求神拜佛唔會一直黑落去啦，如果今日被foul我就要忍成個月…
睇住場上面嘅比賽，我同佢好快冷靜咗；無錯，係再諗都唔會有意思，唯有隨遇而安去好好享受比賽；其實重有一樣嘢係我覺得我哋已經喺呢個比賽入面贏咗返嚟嘅，就係贏咗對方，如果唔係因為有呢個比賽，我哋可能重迴避緊大家。
到咗十點幾，輪到我哋兩個落場，亦都見到所謂嘅頭號種子；嗯，睇個樣都覺得係名符其實嘅，兩人嘅身高都比我哋兩個高少少…
順便報下身高，我而家係178，而詩敏就係173左右…點解女神高極都重好似有得高咁嘅，唔係女仔中四五就會停止發育㗎喇咩…
講返對面，重有黝黑嘅肌膚，結實而修長嘅肌肉線條，完全睇唔到身體上面有多餘嘅脂肪，令我諗返起沖繩個教練姐姐；簡單嚟講，其實即係話睇樣我哋已經輸得心服口服；一邊係接近全職運動員，一邊係兩個善良無辜天真嘅中學生。
落到場就例牌握手寒暄幾句搋下波先。
男：「欸…你哋好呀，我都知你哋抽咗枝下下籤…」
挑…勁都唔使咁講呀，未開波已經好似自己贏咗咁，雖然我都搵唔到啲乜理由去反駁佢，但咁樣無端端挑釁我哋係想點先，勁咪勁囉，唔使用把口嚇人先呀？
我：「哈，黑仔都無辦法㗎。」
男：「不如…我哋呢場輕鬆咁打好唔好？」
我：「乜意思？即係話可以好輕鬆贏我哋？！」
男：「唔係，我意思係大家都打得保守啲，唔好浪費多餘嘅體力，咁樣好唔好？」
我：「即係點？唔扣殺？」
男：「欸，都可以咁理解嘅，總之保留身體狀況囉，無謂消耗咁多啦。」
我：「吓…乜打開公開賽嘅運動員嘅體育精神係咁㗎？同我預期有啲落差喎。」
男：「即係咁，我哋聽日重要返體院打場圍內賽，而你哋就可能要打復活賽，大家都係想繼續打落去啫，體育精神…欸…都係盡可能令自己晉級留多喺球場一分鐘啫，雖然，如果你覺得下下跳到拗晒腰扣殺贏面會大啲我哋都唔拘嘅，但係搞到晏晝無力打…或者唔係咁好。」
我：「你咁講不如我哋而家直接棄權等下晝打咪得囉，係咪咁呀？！」
敏：「志華！唔好講喇…唔好意思，多謝你哋嘅好意，就照你哋嘅講法去打啦。」
我：「詩敏…」
男：「Sorry呀，可能係我表達得唔好，其實我哋呢啲全年都要打比賽嘅運動員係無可能場場都出盡全力㗎，分配體力係好重要嘅策略嚟，所以先有呢個提議，如果我哋都晉級嘅話睇怕有好大機會再碰頭，不如到時先出盡全力啦，好唔好？」
我而家先領悟到專業運動員係咁趣緻嘅生物，而對面條女就好似乜都唔想理咁叉住條腰由得條仔喺度同我哋deal；講真係唔gur㗎喇，不過既然詩敏都應承咗人哋咯…
我：「知喇知喇，希望你哋今日下晝有得抖啦。」
男：「話唔埋嘅，要打咪打囉。」真係吹脹…
然後我哋返返去各自嗰邊。
敏：「冷靜啲啦，第一場就硬碰硬，我哋蝕底㗎咋。」詩敏語重心長咁同我講。
我：「我都知…但都無理由咁㗎。」
敏：「聽話啦，呢場當練習，當熱身，準備下晝再努力啦，你唔好一時興起就亂咁殺呀。」
我：「唔會啦，我已經同以前唔同，妳話點就點，聽晒…老婆話。」
敏：「喂！你唔好見到有危難就借啲意喎，我無應承你㗎，再亂嚟信唔信我將你降返級做兵。」
我：「知道…唔敢。」原來係有可加可減機制…
至於呢場波，實在係無乜嘢值得去講，對面無論體能同技術都贏晒我哋，走位靈活反應快，戰術多變落點靚，完。當友誼練習賽都係慘敗，其實已經好咗，由於佢哋無做跳殺同重殺，好多我哋還得好樣衰明明可以怒轟食叉燒嘅波佢哋都只係點殺或者劈返落條邊線等我哋有得可以打下。
第一局輸廿一比九，到咗第二局我哋決定打得再保守啲，太難救嘅波都唔搏到盡喇，輸埋廿一比七；我唔知佢哋有無讓到分喇，睇落個樣就打得好輕鬆，少少氣喘都無，技不如人下呢個比數都唯有接受，對住頭號種子有返啲分都未算太鶻突…
打完比賽又係握手時間。
男：「其實你哋都打得唔錯，希望有機會再碰頭啦。」
女：「行啦…我趕住返屋企瞓覺喇。」
唉，我諗佢哋無惡意嘅，都算係幾得意嘅一對運動員組合。
敏：「喂，我哋都出去啦。」
我：「吓？重有第三場比賽喎，唔喺度睇多陣先？」我哋到兩點先再返嚟抽籤，大把時間都唔知點用好，我就當然想留喺個冷氣場度睇波啦。
敏：「又唔知陣間對邊隊，睇嚟都無用啦…早啲食晏早啲落格呀，係咪想脹住個肚嚟打呀？」
佢又講得好有道理，我就梗係乖乖聽話啦；我同佢嘅午餐係雞胸雞蛋沙律，加一枝葡萄適，原來佢一早已經搵好咗今日晏晝要食乜，而我哋食完嘢之後都只不過係十二點左右。
我：「重有兩個鐘，而家去邊好？」其實我覺得呢啲時間好難捱，又無嘢做到，乜都唔做反而會影響心情消耗精力。
敏：「我想認認真真咁抖下。」
我：「咁…返去體育館度坐下？」
敏：「有錢仔，係時候出招喇。」
我：「吓，就算有錢又可以點？」
敏：「搵間酒店上去抖下啦。」
勢估唔到，平時慳到咁嘅詩敏會想為咗抖下而開房，睇嚟佢真係好想晉級打落去。
我：「但呢附近…好似無乜時鐘酒店喎。」
敏：「使乜時鐘呀？正經酒店都得啦。」
我：「但係咁樣唔會好大嘥咩？」
敏：「有幾大嘥呀？你個敗家仔都唔爭在嗰一千幾百啦，同埋比賽完我哋都可以返上去㗎嘛…如果再輸我可以順便炮製你。」
結果，我喺附近搵到間四星級酒店，重要搭埋的士過去；上到房詩敏做嘅第一件事就係去浴缸放水浸，雖然佢出身寒微，但論到識歎其實係同我或者一鳴呢啲不遑多讓。
敏：「喂，幫我按摩下吖。」
我：「哦，無問題吖。」
敏：「喂！唔係叫你揸波呀！幫我摙下膊頭啦。」
我：「吓，一個係幫我回復體力，一個係消耗我體力㗎喎？」嚴格嚟講揸波係回MP至啱。
敏：「係咪作反呀？唔再當我女神嗱？」
明明…又係妳之前話自己唔再係女神。
我同佢沖完個熱水涼，重有時間可以上床抖下，瞓返大半粒鐘，事實證明詩敏開房呢個決定真係無錯，喺酒店休息係好過戇㞗㞗坐喺個體育館入面好多；唔怪之得奧運要整咁大個選手村出嚟畀啲唔同國籍嘅運動員喺入面扑到無日無之啦；我同詩敏互相用對方嘅身體嚟幫自己補充體力，唔使兩個鐘我哋嘅體能已經恢復得八八九九。
到咗兩點鐘我哋返到體育館抽敗者復活籤，呢個時候已經得返十二隊去爭奪剩返落嚟嘅四個晉級位置，即係呢場一定要贏，贏咗就變成六爭四…
當一個鐘打一場，兩點有四場比賽，三點有兩場比賽，四點就係兩點贏咗嗰四隊再賽，五點就係三點贏咗嗰兩隊再賽，就會有三隊出線，最後一隊好似係用得失球嚟決定，我對於呢啲賽制完全無認識，只係想直落兩場贏埋佢出線。
認真咁講，要打敗者復活賽其實好慘，一日打足三場對體能要求好大，到咗而家我終於明白今朝對手對我哋嘅好意。
抽完籤我哋係打第二輪，即係三點同…五點，如果三點嗰場打贏嘅話；所以我同詩敏又要做住觀眾睇一場先。