【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 那霸的KowLoon糖

160k釋出

真係好景不常，返到國際通walk in咗兩間酒店都話full晒，都唔知係咪純粹夜得滯唔想做生意。
彤：「喂，算啦…唔使急，不如食嘢先。」
我：「咁好啦，曉彤妳想食乜呀？」
彤：「睇下！有焼肉店呀。」
我：「呢間毛乜乜牧場？好貴㗎…」
もXX牧場，第一粒字似毛，讀mo，打機學返嚟。
彤：「即係你食過啦！咁好唔好味呀？」
我：「天上人間。」


彤：「妖，PK，你呢個少爺仔食唔起咩？」
我：「食得起…又唔係我錢，唔係太好啫。」
彤：「做乜呀，趁詩敏唔喺度你可以偷食喇，今晚你唔使再食拉麪或者大碗飯。」
我：「偷食好危險㗎。」
彤：「又唔係叫你食我，食餐晚飯啫。」
我：「係啫，咁樣嘥錢唔多安樂…」
彤：「要慳就唔好嚟旅行啦，詩敏叫你玩得開心啲呀！行啦…」無得我揀已經俾佢扯咗入去。
呢間毛乜乜牧場呢，係類似東京叙叙苑嗰啲style，不過用嘅係沖繩和牛，價錢呢…我同曉彤點咗一人一個西冷牛set，每人八千幾円，真係好彩詩敏唔喺度咋，如果唔係我又唔知要飽受幾多壓力；唉，價錢上反而無乜壓力，有阿媽sponsor，轆完卡唔使自己找數，好多小朋友恨都恨唔嚟，但呢種無力感實在唔係講笑。
不過睇到曉彤食得咁開心，我就安樂晒。
日本啲夜晚set係好大份嘅，曉彤飲完湯，食晒啲牛同沙律已經飽咁滯，重有個甜品…碗白飯無乜郁過，我就幫佢清埋，再攞佢啲豚同雞嚟燒；今日喺海度拖住小妹妹，同警察周旋用得太多體力，幾多嘢都可以食得晒。


彤：「呀！我搵到原來附近有間時鐘酒店。」
曉彤一路㩒住我送畀佢部iPhone一路講，聽到時鐘酒店四粒字我差唔多飯都噴埋出嚟。
我：「妳…有無咁鍾意時鐘酒店呀…」
彤：「乜呀，都係瞓咋嘛，12個鐘6000円，算唔算平呀？」
我：「又真係幾平喎，同普通酒店差唔多，反正我哋都係得返十粒鐘到用，但時鐘酒店…會唔會唔係幾好，畀佢哋知道嘅話。」
彤：「係你自己諗埋啲衰嘢，無人叫你扑我喎，要扑嘢普通酒店都扑得啦！」
佢又講得幾有道理，食完餐好嘅我哋就行路去嗰間叫Blue Moon嘅情侶酒店，都係十零分鐘路程，食到太飽想行下就唔搭的士喇。
我：『敏，我哋食完飯喇，妳哋呢？食咗乜？』
敏：『哈哈，一間叫一直線嘅和牛焼肉，我幫妳食窮咗一鳴，慳返好多錢^___^。』
原來…唔係自己條仔嘅錢就可以任使，不過妳男朋友都啱啱俾佢條女食返窮，只係打個和。


我：『係呢，你哋check in有無攞晒兩間房呀？』
敏：『做乜要攞兩間房咁浪費？』
我：『吓！咁妳同一鳴…咪喺同一張床上面？』
敏：『有乜問題？我同佢喺床上睇緊電視，話時話，乜你諗住同曉彤分房瞓呀？』
我：『又唔係嘅…妳放心啦，我唔會諗無謂嘢，只不過，book咗兩間房臨時唔要都無錢退。』
敏：『係呀，staff有同我哋講，不過唔要間房換咗兩張早餐卷，我係咪好叻叻呢？』
我：『吓…原來可以咁，叻叻豬囉。』
敏：『好喇，聽朝要好早起身食早餐出去玩，我沖涼喇，唔應酬你住。』
其實又無嘢好擔心嘅，一鳴根本就唔會夠膽亂嚟，就算亂嚟都唔會夠詩敏打，呢個女人唔係講笑，論睇蝕嘅話呢幾日都一早已經蝕晒。
彤：「喂，你有無咁癡纏呀，機不離手咁打字。」
我：「等佢放心啲啫。」
彤：「係咩？有乜好膽心呀，明明同我一齊嗰陣你就好似當交功課咁打message。」
我：「曉彤…對唔住，我負咗妳。」
彤：「無辦法，因為你心入面嘅都係詩敏。」
我：「呢個我認…但係…我對妳都係真心…」


彤：「唔緊要啦，明明你喺我手上，都無辦法令你放低女神，只要女神一句話就可以令你嘅心分崩離析，係我嘅問題，我輸咗。」
我：「曉彤，我只係唔明，點解妳要威脅詩敏…」
彤：「呢個係我同佢嘅誤會，亦都係我同佢嘅秘密，不過你唔使擔心，所有嘢都已經解決咗，成為過去。」
我：「嗯…但妳而家又唔message一鳴嘅？」
彤：「佢有同我報到呀，我懶得理佢，等佢擔心下都好。」
我：「女人嘅惡趣味真係令人難以理解。」
彤：「與其我去擔心佢，倒不如等佢擔心我。」
行下行下就到咗Blue moon，門口大大隻字寫住要十八歲以上先可以登記入住，而我…重差兩個禮拜先生日；不過唔緊要，曉彤雖然睇落細粒啲cute cute地，其實四個之中最大嘅係佢，六月生日嘅佢好順利就登記完攞到房。
彤：「嘩！都幾靚喎，唔差過香港嗰啲！」
我就唔知道佢去過幾多間香港嘅時鐘酒店喇，但肯定我同詩敏去過嗰間佢都肯定去過，明明我同佢一齊嗰陣都無帶過佢嚟呢啲地方，睇怕就係俾一鳴教壞，而一鳴就應該係俾Wing呢個淫蕩嘅姐姐教壞…
呢度比起九龍塘嗰間都細一截，唔算有乜裝修風格同佈置，簡潔嘅房間中間有一張大床，浴室用一埲牆隔開咗，入面有個按摩大浴缸，但就細少少咁啦，叫做1.5人用浴缸比較合適。
我：「曉彤妳沖涼先啦，今晚早啲瞓，聽朝要好早起身搭車趕過去㗎喇。」
而家都十點幾，聽朝詩敏食完早餐就會去菠蘿公園，酒店自助早餐係七點開始，當佢食完係八點出發，九點到應該去到菠蘿園；如果我哋喺那霸七點上到巴士，咁應該九點半都可以趕到去菠蘿園join返佢哋，巴士站喺旭橋，呢度過去…
彤：「喂！死人志華去咗邊度呀？」
我：「我咪喺度囉，做乜呀？」


我半邊身搭住埲牆，伸咗個頭埋去浴室嗰邊，曉彤已經剝光豬喺個浴缸度浸緊。
彤：「過嚟陪我呀！好悶呀！」
我：「做乜喎，我睇緊交通吖嘛，妳平時喺屋企沖涼有人陪妳嘅咩？」
彤：「你剩係諗住點樣第一時間趕過去搵詩敏…我都係女人嚟㗎！」
我：「我知妳係女人…妳唔想快啲過去搵返一鳴咩？」其實佢同一鳴都一齊咗九個月，應該…
彤：「咁而家得你喺我身邊吖嘛，過嚟陪我呀！」
我：「咁好囉…乖。」我坐喺馬桶繼續㩒電話。
彤：「我係叫妳落埋嚟同我一齊浸呀！」
我：「曉彤，咁樣…會唔會唔係幾好…」
彤：「點呀，我有邊忽你係未睇過，未摸過？」
我：「無嘅…但係而家…」
彤：「係咪而家掂都唔想掂我？對我零感情喇？」
我：「點會喎，我同妳拍過兩次拖，又有乜可能無感情，而且我同妳又唔係鬧架分手，如果唔係妳記得返晒啲嘢，我哋都只會繼續…」
彤：「咁就落嚟陪我啦。」
我：「曉彤…我哋黐到咁埋，我驚…會傷害到妳。」


彤：「咪傻啦，我唔係上年嘅我嚟。」
既然佢都講到咁，我咪除衫落去一齊浸囉；我揀咗個坐喺佢後面嘅位坐落去，因為我怕望到佢嘅身體我會扯旗，而且我唔太想佢同對視；落到去，我隻手搭落佢大髀上面，呼，好舒服呀。
彤：「喂，抱住我啦。」
我：「唔係幾好嘅，我驚俾一鳴打喎。」
彤：「點會，可能佢都喺度䚎緊詩敏沖涼。」
我：「吓…應該唔會掛，佢都算正人君子。」
一場兄弟，點都幫佢講下好說話嘅。
彤：「咪傻啦，女神沖涼有邊個唔想睇？」
我：「想啫，詩敏可能會插盲佢隻眼。」
彤：「乜你真係認為詩敏會咁做咩？」
又的確唔會嘅，呢個露體狂，我懷疑佢喺畀晒自己身體全世界睇會更加性興奮嗰啲。
彤：「你呀，如果唔係跳落水救個小妹妹，一鳴分分鐘已經要攞埋部相機仆入去廁所打飛機。」
我：「無咁過份呀？喺妳面前喎…」
彤：「乜無呀！控制唔到㗎嘛，下面硬到佢呢…」
我：「咁曳，閹到佢軟返囉。」


彤：「不如跟埋佢去廁所畀佢睇住相屌好過啦…」
我：「咁抵得諗，唔係應該呷醋㗎咩？」
彤：「有乜辦法，鬼叫你影到詩敏同部汽水機咁正，又唔見你同我一齊嗰陣會幫我影。」
曉彤…妳同佢都唔同，同妳一齊嗰陣，只係想妳過得開心啲，而且我都係同詩敏旅行先有機會影呢啲相啫。
彤：「如果而家沖繩地震，裂開上半part同下半part，變成兩個荒島，唔知我哋會點呢？」