【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 永恒小魔女的惡作劇
QQ650k釋出
彤：「吓！你睇下吖，重係微微凸起㗎喎！」
曉彤戽開我張被睇下乜料，呢個女人真係任性到…
我：「我都唔想，條紙底褲無力㗎嘛…」
彤：「咁都有得賴嘅？你唔扯旗咪得囉！」
我：「瞓覺急尿唔得嘅咩…又唔係我控制。」
講堅㗎，我都唔係特別想發春夢見到護士姐姐，可能驚濤駭浪完個人特別多無謂嘢諗。
彤：「明嘅，唔關你事，咁我剩係罰佢囉。」
佢講完就拉開咗我條褲頭，好自然咁攞咗我條嘢出嚟捉住喺手…喂…喂！好似唔多妥喎。
我：「曉彤，唔好啦，咁樣唔係幾好…」
彤：「啊，做乜呀，咁耐無見嚟探下佢都唔得呀？好歹我都畀咗第一次佢又攞咗佢第一次㗎喎。」
我：「咁我哋而家都唔係…」
彤：「我攞嚟懷念下咋嘛，又唔係要強姦你。」
我：「妳又唔係未強姦過我…」
彤：「你好嘢呀下！你有反抗咩？無吖嘛，明明你自己就想失身同埋想同靚女做愛，我先至係蝕底晒畀你嗰個呀，哼。」
我又真係無聲出，其實點講我都係負咗佢；如果無試過同佢一齊，我係唔會知女神喺我心入面嘅地位係幾咁重要，如果我知就唔會同佢開始。
彤：「你呢個衰人，趁我喺醫院瞓緊就走去同詩敏翻雲覆雨，事後就走嚟追我，你會唔會覺得唔好意思㗎？」
我：「欸…呢個…原來妳知道。」
彤：「我哋好姐妹嚟㗎，點解唔可以知喎。」
我：「妳哋和好如初，實在係…太好。」
曉彤重係著住琴日件紫藍色抹胸，又乳溝又小蠻腰又大髀，我不殺伯仁…但小弟唔多唔少都有啲反應，曉彤玉手摸嚟摸去，半硬不軟是常識吧，佢就攞住我條雞肉腸喺度捹嚟捹去…
「咔嚓。」
彤，我：「！」
彤：「Su…sumimasen…」
當然，佢係瞬雷間就拉返埋我條褲，但護士姐姐都係不及掩眼的…護士都呆咗，瞪起隻眼，抿住個嘴唇望住我哋；實在對唔住…呢啲日本AV情節竟然要由我哋兩個香港小朋友上演畀妳睇。
「OK…Chi Wah…please proceed to body check now。」唔好諗住好似發夢咁護士姐姐睇完啲正嘢會深入調查我嘅身體，係唔會嘅，大家唔好發夢，好快佢就帶咗我去見醫生，進行專業正式嘅body check。
檢查啲乜，又係嗰啲啦…照咗幅肺片睇下入面有無水，深呼吸聽下聲，上跑步機郁下量度下呼吸心跳同血壓；當然就pass晒啦，你叫我而家游廿六公里去渡嘉敷島都重得呀，係咪呢…應該得掛，我諗，不過我吹水㗎咋，唔好真係要我游，除非中四嗰陣詩敏話我游到就可以做我女朋友啦。
我明嘅，police refer case，點都要認真做；做完我就返病房，開行李攞返啲衫嚟換，無病無痛我都唔想留喺醫院咁耐。
彤：「好嘢！係咪走得喇？」
我：「未呀，要去搵咗警察先，喺日本偷走會追到你去天涯海角…」
同護士say聲bye之後我哋就離開病房，一齊行去警崗搵警察叔叔埋埋啲手尾，因為佢哋連我passport number都未有，入院登記又未做，重要唔知使唔使畀錢；點知行行下…
彤：「喂，詩敏send咗幅相嚟！」
我一睇…屌！佢兩個喺去名護巴士個站頭度同塊牌自拍，詩敏用隻手疊住一鳴個膊頭再屈隻手上去摸佢個頭，個胸…而一鳴就好似一面委屈咁；唔係呀話…詩敏，妳真係諗住掉低我兩個自己走去名護先？我知道一鳴佢唔會敢有呢個舉動，所以一定係詩敏嘅鬼主意嚟。
我：「點算…詩敏…搞乜鬼。」
彤：「唔緊要啦，你快啲搞掂我哋追上去咪得囉。」佢一面天真咁講。
我：「妳唔擔心妳男朋友嘅咩？」
彤：「有乜好擔心，驚佢俾女神溶咗？詩敏佢有分吋㗎啦…」佢有分吋？哦。如果佢有分吋就唔會做成我同妳當年嘅大戰，我哋唔使repeat嘥咗一年，可以同詩敏，Wing同其他同學一齊恥笑一鳴repeat，但我就唔會重遇Tiffany…
以為警察佢哋會乜都準備好晒，填啲form簽下名就可以走人，點知我去到先問我使唔使要個mandarin interp…咪玩啦，叫我講國語分分鐘衰過講英文，到時可能變成要用寫中文解決，不過漢字可能日本警察都睇得明…當然say no，我會用英文interview；點知…
日本警察真係好好禮貌，可能因為我救咗小妹妹啦，全程當我上賓咁，重保持住非常公整嘅笑容…但我真係心急如焚，佢哋英文差到要對住本日英字典嚟幫我記錄，為咗加快進度，我攞咗紙同筆，一路口講一路用英文寫低等佢哋抄。
問題不外乎就係講小妹妹當時點跌落水，乜嘢時間發生咁，其實好簡單，但就搞咗勁耐；重有張乜入院費waive form，佢哋都填咗好耐，重要堅持等到醫院出埋單釘埋一齊畀我睇先準我簽名走人，我急到想快啲放低幾萬円走人就算…又唔係喎…幾萬円真係有啲多，夠我同詩敏潛多兩個鐘水。
我：「彤，搞掂喇！行得！」
我喺interview room出返嚟，第一時間就想推行李上的士趕去巴士站。
彤：「欸…我都唔想…不過你未走得住…」
妹：「おにいさま！」
我：「…」小妹妹跑過嚟攬住我隻腳…
妹：「ドラえもん！」
我：「ドラ…ドラ…」今次真係唔使走…
小妹妹屋企人當然喺度，雖然語言不通，但佢哋啲禮節呢…先係全家鞠躬感謝我救咗小妹妹，然後邀請我去佢哋屋企作客食飯同埋話要帶我哋周圍去玩，我當然要三番四次話要趕行程所以唔可以赴會，跟住佢哋送咗兩盒沖繩土產紫薯撻畀我，再寫埋地址電話畀我，話如果我有機會再嚟沖繩，一定要帶我周圍玩同埋要探小妹妹。
日本人嘅禮數係真係會令香港人驚，我投降…結果又搞咗廿分鐘先可以離開醫院。
彤：「大英雄你終於功成身退喇。」
我：「而家幾點呀，曉彤。」
彤：「八點三喇，重使唔使趕？」
我：「唔使喇，八點半尾班車，趕到都唔會有飛賣。」日本人德性我好清楚，早知叫小妹妹屋企人揸車送我哋去，但…名護真係太遠，如果開到口一定會送，反而變成我唔好意思，日頭都話吖…
彤：「搭的士去名護？」
我：「有啲貴…應該要千幾港子，同埋我哋今晚間酒店十點last check in，去到都要撲過第二間。」
彤：「咁我哋今晚係咪要瞓街喇？」
我：「咪傻啦，我點會俾妳瞓街喎，就算黑到貼地我都會捉妳去機場住國際酒店啦。」
彤：「乜酒店有分國唔國際嘅咩？」
我：「香港係國際大都會，間間酒店都係國際酒店，但呢度唔係…唔好諗喇，我就餓死，返去國際通搵酒店同食嘢先啦，我就餓死。」
彤：「好嘢！同埋呢度有紫薯撻你可以食住先。」
醫院位於碼頭附近，我當然無心情摷有無巴士搭，所以都係畀一千円到搭的返國際通算。
我：『敏，我搞掂晒啲手續喇，同曉彤返緊國際通，但已經無晒巴士過嚟名護…』
敏：『哦，我知呀，我啱啱到名護喇，check in完準備出去掃街食嘢。』
我：『咁…聽日見啦，詩敏…』
敏：『YO～唔急喎，慢慢，你都玩得開心啲～✧*｡٩(ˊᗜˋ*)و✧*｡』
我：『喂，唔準初音妹妹上身呀！』
敏：『好驚咩？呵呵！╰(*°▽°*)╯ 』
我：『妳唔好惡攪人哋條仔呀…』
敏：『懶得理你，就餓死，同假初音玩住先啦。』
我真係無佢符…唔知有幾耐無同佢享受過呢種有距離嘅愛情感，可能要數返曉彤同佢攤牌之前，真係好懷念日日抽計數機，明明喺身邊但又得唔到嘅嗰種感覺，睇嚟我都幾自虐。
彤：「真初音佢真係好可愛…」
我：「都係嘅…其實…妳都知。」
曉彤以前攞咗詩敏個電話號碼嚟同我講嘢，所有history都睇晒啦…而佢而家就喺的士撓住我隻手。