【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 兄弟如手足，姐妹如衣服
呼…一次過講晒年幾嚟嘅嘢，都咪話唔攰，返嚟現實先…
現實去到邊？唔記得嘅讀者唔該click返去第一章等個廢J作者加下點擊數，如果唔係佢會專登棄故睇你哋個個嗌爛尾。
初音妹妹，其實妳係邊個…想妳想得好苦。
女神同學，點解我抽極都抽唔中，明明上年十月都中咗次，而家都已經十一月喇…
我安慰自己，重有幾個月都會考啦，唔應該著急抽唔抽得中，而係應該專心溫書先，到考完A level點都可以食咗女神，只要沉著冷靜，間唔中俾初音妹妹出下精喂佢食西米露…
我曾經諗過好多次，message又好，親身又好，求初音妹妹畀我更加多；就算我戴住眼罩都可以玩多好多嘢嘅啫，我想揸波，我想惜佢，想舐佢下面，想攬到佢實一實；雖然佢已經好大方俾我掂過佢身體，品嘗到佢嘅體液，但呢種感覺好分離，好唔知點，我係好想主動愛惜下佢，或者呢一刻佢係邊個已經唔重要，普通女仔就得，用嚟彌補一下我失落嘅心靈同肉體需要…唉。
詩敏呀…我鍾意妳，妳應該都有少少掛…而家咁嘅狀態喺精神層面係就係好好，但我都係一個正常嘅青少年男仔，有好多低層次嘅需求…
我覺得自己好仆街，原則上我只會鍾意詩敏一個，就算有第二個靚女嚟追我都可以無視，除非等到有一日詩敏明言拒絕我，否則我諗我唔會出軌；但肉體上我需要代替品，我終於知點解啲情侶分隔兩地就要偷食，或者叫雞，因為死忍爛忍真係好辛苦；呢一刻嘅我好想搵初音妹妹幫我解決問題，因為我知佢鍾意我…就算付出多少少都無理由唔得吖，精都肯吞落肚，應該…我可以永遠唔踢穿佢身份，一真對佢好，喺我真係可以同詩敏一齊之前。
但我對佢其實無感情，應該係掛…
唔敢亂嚟，好驚俾女仔嬲死，就算三唔識七都係咁講，諗到最仆街都係做唔出。
萬般皆下品，唯有…
到咗十二月，天氣開始凍，有一件事令我有啲錯愕，就係我一返到課室見到曉彤纜住咗我織畀佢條頸巾；上年都係玩玩下見織多咗條咪畀佢囉，橫掂佢兩姐妹咁friend，詩敏都只係當我好似兵咁，但係而家…好似有啲唔係幾適合，不過我送得畀佢嘅嘢就係佢嘅，無理由我叫佢唔好纜㗎。
我望一望詩敏，佢當然知我用意係乜，佢嘅表情有啲微妙，大至上係暗示我唔好理。
彤：「嘻嘻，懶得去買頸巾，隨手攞起有得用，都幾暖幾舒服㗎喎。」
我：「哈…妳鍾意就好，唔係嫌佢錯漏百出嘅咩？」
彤：「無辦法啦，第一次織點會完美喎，鬼叫你畀咗你嘅第一次我。」
搞乜鬼，曉彤佢想暗示啲乜，睇到佢無當垃圾掉咗佢我都開心嘅，但我唔知詩敏佢點諗我就好擔心，無諗過當初是是但但會整咗呢個煩惱出嚟。
敏：「搞乜鬼無嚟心機咁呀？」
我：「妳又點會唔知喎…」
敏：「我諗佢無諗啲乜嘅，你唔使太上心。」
我：「其實，妳同佢重係咪朋友嚟？」
敏：「做乜咁問喎…」
我：「因為我見到妳同佢…同上年完全唔同晒。」
敏：「咁佢搬咗屋，見面少咗，有乜出奇。」
我：「但係就連語氣，妳哋講嘅嘢，都係…」
敏：「人會變㗎，咁佢同上年唔同咗，又識多咗其他朋友，而我無變過，咪可能無咁夾囉，放心喎，我對佢真係無嘢。」
我：「如果可以快啲調位就好。」
敏：「都係坐埋呢個月啫，你同佢正正常常就得，我同佢係點你唔好諗喇，又唔關你事嘅，都幫唔到啲乜。」
我：「嗯，詩敏妳係咪唔會變㗎？」
敏：「我，唔知喎，無咁易掛，你唔使擔心。」
我：「知道，而家嘅我哋最緊要係專心溫書。」
敏：「咪係囉，好啦，咁我聽日都纜返你條頸巾先，聽日見啦，bye！」
到咗第二日佢真係纜返我條頸巾，望到我好開心又安心，但兩個女人一左一右纜住我條頸巾嘅感覺硬係有啲暗湧咁，希望係我多心啦；至於呢件事，有啲明眼人係睇得出嘅，當然大部份人都已經食厭咗我花生。
呢日放學我同詩敏一鳴三個人喺自修室溫書，溫溫下一鳴捉我去七仔買嘢食，原來唔係為咗食。
鳴：「呢排詩敏同曉彤兩個怪怪哋咁嘅？」
我：「原來你都覺…」
鳴：「唔係反面鬧緊架呀嘛？」
我：「無，詩敏話曉彤搬咗屋，咪疏遠咗囉。」
鳴：「係咁咋，都好啲。」
我：「但佢哋越行越遠，應該好快無㗎喇。」
鳴：「唓，你而家夠成日唔搵我啦。」
我：「咪玩啦，係咪好想我阻住你拍拖呀？男仔不朽都係有嘢做有嘢玩先約㗎嘛。」
鳴：「咁又係…但我都唔覺得我哋拍緊拖。」
我：「又唔係拍拖，又唔係分手，即係點？」
呢句嘢好似用落我度都得。
鳴：「無呀，咪純粹一齊囉，唔再講乜嘢情情愛愛，諗啲乜浪漫嘢，都係溫書要緊。」
我：「小心人哋又嬲咗你呀。」
鳴：「嬲？我咪㩒住佢喺張床上面，插插插插插，佢就會一路呻吟叫我放過佢。」
我：「Work㗎咩？」
鳴：「暫時嚟講OK啦，佢話如果唔係佢咁淫一早就同咗我分手。」
我：「你估我好想聽到你講呢啲。」
鳴：「唔講囉，但我見你同曉彤好好謦咁喎。」
我：「無㗎…坐隔籬…係咁㗎啦。」
鳴：「你小心女神唔高興呀，佢哋已經同以前唔同。」
我：「佢點會唔知，不過佢話佢無嘢，叫我唔好諗咁多。」
鳴：「你小心女人口是心非呀，你覺唔覺得，曉彤佢其實對你有啲嘢。」
我：「唔會掛，都識咗咁耐，而家先…」
鳴：「估下㗎咋，如果真係兩條女爭你嘅話，我一定買定花生先，重要係兩大美女。」
我：「咪玩啦，呢邊做咗年幾兵，點都唔轉會㗎嘞，你呢啲花生友都唔知係咪朋友嚟。」
鳴：「講笑啫，你邊有咁幸福，慢慢做你嘅青頭仔直到大學畢業啦，我返去執埋嘢去接人放學喇。」
頂你個肺！最多咪到中學畢業，只要一考完A level，但…呢件事我當然唔可以同佢講。
返到自修室佢就執嘢走人，我遞咗盒熱麥精畀詩敏，佢望住我微笑嘅樣真係好溫柔暖到入心，為咗佢我做多幾年處男又有乜所謂！
我：「嗯…真係好想拍拖。」
重好掛住打茄輪，佢個軟熟嘅嘴仔，彈手嘅pat。
敏：「咪你囉，廢到死，抽極都抽唔中，我都想拍拖呀！」
女神，妳真係好有趣…我鍾意，我愛你。
唔知Wing姐淫啲吖，定係淫賤小魔女初音妹妹淫啲呢，真係好好奇，嗯…