【作者榜九位最後釋出】新►♂學校🚺🚽的激情♀◄30/9up！【大衛墮馬羞恥版】: 只如初見的海馬公園

敏：「嘩，做你女朋友都幾好㗎喎。」
我：「如果…妳開心就好。」
敏：「開心呀，點解唔開心？你成日嚟呢啲地方食嘢㗎？」
我：「唔係呀，咁啱嚟開呢頭咪順便囉，如果同屋企人咪會嚟呢啲地方食囉。」
敏：「喂，啲餐牌全部英文你識唔識嗌㗎？」
我：「我咪剩係會嗌自己睇得明又食嘅嘢囉。」
敏：「你咁樣咁我點算呀？」
我：「咁我哋一齊研究下塊餐牌先…」
又未至於要一路查字典嘅，咪東拼西湊砌返每道菜係乜囉，詩敏佢英文當然好過我，ERS都係睇Grade A嘅小說，所以問題不大；我嘅組合係紅菜頭牛肉湯，燒羊膝，甜品焗蛋；佢嘅組合係芝士火箭菜沙律，乜乜蘑菇亞枝竹千層麪，甜品朱古力士多啤梨千層酥，符合返女神鍾意食草嘅一面。
平時同屋企人我都唔多鍾意飲茶，去酒家，食正經西餐，都係嫌麻煩同嘥時間，但今日同女神嚟就覺得好開心，終於可以有一次唔使同佢食車仔麪或者快餐A，最重要係女神都開心吖嘛，食乜都唔緊要啦，有情飲水飽。


佢個火箭菜我當然唔會掂，點知佢食緊千層麪嘅時候挖咗一羹放喺我前面。
敏：「畀你試下吖，我都係第一次食亞枝竹。」
乜話！？係女神用過嘅匙羹，原來！有呢啲咁好嘅服務㗎？我重以為佢都係做下樣玩弄我為樂，點知佢真係誠心誠意做我女朋友…真係太幸福。
我擘大口含住佢隻羹，將啖千層面吞入個口度。
敏：「點呀？食唔食到係乜嘢味？」
我：「草味囉。」
敏：「信唔信我真係喂你食草吖嗱。」
食呀，詩敏妳喂我食乜我都會食㗎…其實唔係草味，係妳口水尾嘅味道，重有妳啲心意，雖然我唔知妳係因為輸咗先努力飾演我嘅女朋友，定係真係享受同我一齊，但無論如何呢個舉動都夠我個心完全融化，軟到好似啲焗熔咗嘅芝士。
禮尚往來，我都切返塊羊膝畀佢。
食完主菜到甜品，兩個甜品都整得好鬼死靚，尤其係佢個千層酥，點菜前經驗話我知千層酥係會整得好啲，不過為咗試多啲嘢就兩款各要一個；詩敏食甜品個樣好開心，笑得好甜，我都唔捨得搶佢個千層酥，但就喂咗一啖焗蛋畀佢試，甜品，如果缺少咗妳嘅口水，又點會夠甜呢？


食完晏晝就落返去巴士站等車。
敏：「喂！你係去海洋公園就早講等我早啲起身吖！咁晏先去咪蝕晒？」
我：「唔會蝕呀，玩到今晚㗎嘛。」
敏：「今晚？點解？咦…係喎！原來…」
我：「妳幾耐無去過海洋公園呀？」
敏：「對上一次去係小學喇…喂！同你講呀，我唔驚鬼㗎！」
我：「唔使特登註明喎，我又唔係想嚇死妳，其實我都係第一次去哈囉喂咋，可能我驚過妳呢。」
敏：「你驚飽佢，我唔會拖住你或者攬住你㗎。」
上到巴士我哋又去返嗰個位，今次佢黐得更加埋，重用左手撓住我隻右手添，拍拖真係好開心，有機會做到妳嘅男朋友實在係我嘅榮幸。
幸福到我已經唔記得晒任何色色嘅事情。


落咗車佢就彈下彈下咁跳入海洋公園，海馬公園對我嚟講唔算有乜特別，有時要陪親戚啲細路或者外國返嚟啲長輩去行甚至嫌煩，但今日同女神嚟就重開心過細細個嗰陣第一次嚟。
嚟到已經三點有多，所以我哋要把握時間玩咗個日頭場先，第一站係熊貓館，除咗安安佳佳之外，今年重多埋盈盈樂樂，詩敏佢望住啲熊貓成個細路仔咁，睇嚟佢好鍾意動物。
跟住就係指定動作搭吊車，雖然今日嚟嘅人都幾多，但工作人員好通氣咁俾我哋兩個霸晒一卡吊車，喺個密閉空間入面得我同佢，無人會睇到我哋做乜，我望住佢，佢望住我，詩敏而家係我嘅女朋友，我…好想好想…攬住佢然後做啲亂七八糟胡天胡帝嘅事…
敏：「唔好諗衰嘢呀！夠膽亂嚟我同你絕交㗎！」
佢真係洞悉先機，有乜壞主意都瞞唔過佢。
我：「我鍾意妳。」嚴格嚟講係第三次同佢講。
敏：「多謝你，我好開心，講多次，大聲啲！」
我：「X詩敏！我好鍾意妳！」
希望…唔會嘈到對線吊車上面嘅人。
佢用羞澀嘅樣望住我，真係好靚，非常引死人，今次真係有一種對女朋友示愛嘅感覺，我個心跳得越嚟越快，而佢塊面都開始紅，由我第一次同佢表白到而家，其實先過咗三個月多啲。
敏：「你一定重…係好掛住我下面。」
佢無端端擘開隻腳坐同我講。
我：「呢個…點解…妳嗰次會…」
敏：「等你打我飛機囉。」
我：「話過唔會就唔會。」


敏：「咁樣你會好辛苦㗎。」
其實，我恨不得即刻將妳就地正法，㩒住妳喺張凳上面亂咁嚟，就算會俾妳打個半死我都唔介意，因為我真係好想對妳表達我嘅愛意；第一次同妳表白，可能因為妳好靚，係公認嘅女神，而到咗而家，係因為妳係詩敏，係我身邊嘅女仔。
好彩架吊車話咁快就到站，否則我真係會因為密室恐懼症而做錯事。