無啦啦有三條女同左我一齊住: 30

「咦...阿豪？」


拎住notebook既阿豪，同樣都發現到我地

「咦係你地呀...」


「阿豪，新地話請食飯呀，你join唔join呀！」






阿豪望一望錶

「可以既...但係我一陣有堂要上，諗住食個三哥算架啦喎」


「吓....唉照殺啦...」

仆街，無啦啦又比人屈請食飯







「懶肉炸將煳辣實少」

「呢度...」


我地三個去左尖東果間三哥食米線






「係喎...點解新地你請食飯既？」阿豪終於問


「椰奶屈我架咋...」


椰奶未等我講完就插嘴

「佢頭先話無左我既話份mid term就炒丫嘛！咁緊係要請我食飯多謝我啦！」


「嘿..你地兩個真係...」

阿豪吞下一口米線：「不過講起上黎，你地兩個都幾夾丫」





「又同一科，講野又投契」


「係呀係呀，我同新地拍埋拖tim啦！」

明知椰奶係講笑，聽到佢咁講都有少少開心

不過我都唔知...我鐘意邊個



「喂！你咪cool豪！？」

一行人，突然依到我地枱前






「咦，原來你有朋友架喎」

帶頭既呢個金毛仔，著哂咩超級我戴哂金鍊，個樣非常mk

而佢身後既果班，衣著都係一撚樣，就好似制服咁


「你都唔差丫...又收左堆新既童子軍」

聽阿豪既回應，似乎都識呢個人

但睇兩人既對答，都知佢地既關係








「嘩，乜你仲cool架...話哂我同你都叫做過hallmate丫」

呢個金毛仔啲口吻串到仆街：「你知唔知呀，你quit左hall之後，我一直都搵唔返個好似你咁好、咁~~有正義感既roommate呀」


阿豪放下筷子

「但係我唔想好似你地呢班人渣咁喎，為左食女乜都做得出」


「我真係好後悔當年無報警」







「嘿，有時我真係唔知話你正義撚好定係天真好」

個金毛仔將頭髮梳後：「不過算啦，你呢啲人去到邊度都唔會受歡迎架啦」


「二五仔」



一講完呢句，個金毛仔就帶住佢班靚離開譚仔三哥


「阿豪...」


「做咩呀..食野啦，我一陣要上堂」

阿豪仲好似若無其事咁食米線


髮型師vincent講既野，再加上啱啱既金毛仔，我就肯定

阿豪以前住hall既經歷，一定唔簡單





「只想找一個伴~~~但崩壞的命盤~~~~」

「呀！！！！嗚......呀！！！！」

今晚阿豪同tyson一如以往，繼續做自己喜愛既事


tyson為左自己想做健身教練既夢想，願意放棄家人安排既康莊大道，先至會入黎暗hall

而阿豪又係為左咩呢...



「唉，今日夠數！」

tyson拎起洗頭水同沐浴露：「我沖涼先！」


tyson走左之後，間房剩係得返我同阿豪


「阿..阿豪呀..」



「嗯？做咩呀...」

阿豪響度tune緊佢支結他


「今日晏晝果個金毛仔...」



「....無乜野，以前識落果啲柒頭姐」

阿豪繼續掛住佢支結他


「上次聽vincent講，你住過hall，係咪呀？」



「...嗯...」

阿豪掃住chord：「住過一個sem咁啦...」


「咁...點解唔住既？」

我再追問：「係咪關今日個金毛仔事呀？」



阿豪停下手，望住我

「你真係想知？」