無啦啦有三條女同左我一齊住: 29

「嗱，你拆開黎d佢咪得囉天才」


「嘩，原來咁易架咋...」


第二日問返椰奶，我下晝戟左好耐既問題即刻響幾分鐘解決








「嘩你真係飛翼高達0識架喎，上堂咪講過囉」

椰奶得勢不饒人：「我無上堂都識啦！」


「唉知啦知啦，唔該哂囉...」


「新地咪算係咁囉」





tyson飲緊果啲大隻奶粉：「果陣year1我直頭無上過堂，全部科都碌過既」


「下...tyson你讀law架喎...」


「無關係架，讀law都唔一定係果啲書蟲姐！」

tyson飲左一啖：「何況，又唔係我想讀law既」






「吓...？」

我同椰奶同時望過去


「做咩呀？好出奇咩？幾年前果個網絡歌手香蕉奶夠讀law啦，咪又係轉行唱歌！」

tyson平淡道：「我老豆同阿哥都律師，咁佢地自然想我做律師架啦」


「果陣我無乜目標，咪求其揀city law囉，又夠分入到...」

「不過依家唔同啦...我搵到我既人生目標」





tyson嘆左口氣：「不過果陣同屋企人講完之後都比佢地屌左好耐架啦，咁我咪搬出黎住算囉！」


「咁你目標係咩呀...」


「我知！健身教練丫嘛！」

睇住電視既愛雯村插嘴：「你講左九千幾次啦！」


「喂，不如唔好咁快爆！比下啲神秘感佢地丫嘛！」

tyson笑道：「不過都真係既，我依家係以健身教練為目標」





「不過我自己都覺得，點都要讀埋個degree佢既..」


原來tyson都有自己既夢想

呢方面我真係拍唔上佢



椰奶索一索個鼻：「咦，做咩咁香既...」


「食得啦！！」





chantal同阿純一齊捧住個蛋糕出黎，放響飯枱上


個蛋糕應該係啱啱焗起，所以仲感受到佢既熱力

外表呈現金黃色，睇到都好彈下


「嘩好似好正咁喎！」

愛雯村問：「點解你地兩個又會識整既？」


「今朝響youtube上面見到，我又見廚房個焗爐無人用，所以特登買料返黎整架...」





阿純答：「你地可唔可以幫我試下味呀？」


「緊係得啦！」

tyson即刻用刀切一舊黎食：「嘩！好軟熟喎！」


我又切左一堆黎食 

嗯...又真係幾好食...



「不過講起上黎..」

椰奶邊食邊講：「我地暗hall呢度又真係好少人煮野食」


「緊係啦，個個都懶得洗野！」

愛雯村食到成嘴都係


「你最懶啦，成日都唔執野！」

「你講咩呀tyson！」




「ok，time's up！」


呼，人生第一次大學mid term終於完


「嘩，咁撚難既...」

肥成伸住懶價


「喂新地，識唔識呀？」


「麻麻啦...」

我雖然咁答阿琨


多得椰奶前幾日教路，唔係既話我應該會交白卷




「喂，頭先識唔識呀？」

放學果陣，椰奶又走過黎yo我



「唉，都ok啦，多得你果日教一教我」


「講到咁firm，請我食飯囉」

椰奶又老實不客氣：「我今日又唔駛返工，食好啲啦！」


「屌你啦又想屈錢，上次chantal單野搞到咁都係因為你屈我請食飯之嘛」


「但係...無我地既話，chantal都仲未個賤男呃緊咋」

椰奶又講得啱既...如果唔係當場斷正，chantal條仔應該都仲想呃住佢