無啦啦有三條女同左我一齊住: 24

「汪！」



「咦...狗聲？」


「唔好意思呀...係我隻狗」

阿純除開果個奇怪既背囊，響入面拎左隻狗出黎





「汪汪！！！」


「乖丫zeze」

阿純摸住佢隻啡色狗


我忽然醒返起，前幾日chantal逐個問我地





「新地呀，你呢...有冇狗毛敏感架？」

「係呢？椰奶你鐘唔鐘意狗架？」


原來chantal係幫阿純問既...


「嘻嘻...」





對住隻狗，阿純笑得開懷



「新地你...鐘唔鐘意狗架？」

阿純撚住隻狗，問我


「...都鐘意呀...」

雖然我唔係話特別鐘意狗，但好彩都唔係驚狗...






「汪汪！！！！」

隻zeze突然跳到去我果度，係咁奶我條褲


「zeze佢好似好鐘意你咁呀...」

阿純第一次對住我笑



仆街，原來阿純笑果個樣


真係幾可愛








無幾耐，其他人都陸續起左身



「好啦搞掂！歡迎你呀阿純！」

作為暗hall現時既「揸fit人」，marie就同阿純搞埋啲入住手續

並為佢介紹暗hall







「汪！」



「嘩zeze好得意呀！！」

zeze係咁痴住成班女仔，睇黎佢都係隻狗公


「一路都覺得暗hall差啲野，原來就係寵物！」

愛雯村似乎好鐘意zeze：「真係好痴人呀！」






「估唔到新地你仲有個靚女組mate喎..」

tyson細細聲笑：「你條友仔收收埋埋，想私食呀？」
「乜呀...不過佢響中o果陣都無乜點講野，所以我先無提起佢丫」



「好彩阿純唔似依家班女咁嘈咋」

狗哥一句，即將引來女仔們既怒視



「你up乜呀苟宏韡！你地好撚靜咩！你地房成日夜媽媽唔戴耳機響度睇av我都無屌臭你啦！」

阿梅繼續展現語不驚人誓不休既性格：「晚晚經過你地房都聽到啲女響度丫丫丫丫咁！你又響度丫丫丫丫咁，十成打緊J啦你！」


「哈哈哈你咁就唔啱啦！！！」

「ching不如戴返耳機比少少公德心先？！」

狗哥比阿梅督爆後，全場爆笑


「屌...屌你呀...依..家睇av犯法咩！」


呢度順便講一講依家房間既分配

我、tyson、阿豪

otto、傻強、肥昇

狗哥、刀仔、larry

愛雯村、嘉桓、阿梅

椰奶、chantal、阿純、marie


本身marie就應該同愛雯村佢地四個同房，但椰奶搬左黎之後就轉左過去



「既然又多個人黎左...係咪即係又要搞多次welcome party呀？」otto問


「唔..唔駛架啦...」

內向既阿純搖搖手：「我...冇所謂架...」


「點得架阿純！你都係我地一份子黎架嘛！」

椰奶提議：「不如黎緊去燒野食丫！」



「好喎！襯依家仲熱，游埋水tim丫！」

tyson都同意


「正喎，好耐無成班燒野食」

嘉桓再問：「但係..去邊度先得架...？」


「蝴蝶灣囉，新地住果頭架嘛！」

椰奶指住我：「到時新地帶路咪得囉！」


「下...」


我未黎得切反應，成班已經起哂拱咁

「掂啦，有新地做地頭蟲！」

「就咁話啦，難得下星期一中秋節假，星期日燒野食啦！」


雖然我住左蝴蝶十幾年姐，但係...

我一次都無響蝴蝶灣燒過野食