無啦啦有三條女同左我一齊住: 23

下？

「第一日呀？頭先新地同chantal話你係佢地組mate喎」

傻強好似有少少醉意：「係咪你嚇親人呀新地！」



「唔係呀...只係我份人...摺姐」







「咁...不如黎我地暗hall度住？」

chantal忽然提出



「吓...？」





阿純一頭問號：「暗hall？咩黎架？」


「其實我地四個依家都係響一個叫『暗hall』既青年旅舍度住」

嘉桓為阿純解釋：「位置就響土瓜灣，價錢都係1600一個月左右」


「玩就一定無hall咁多野玩既，但至少我地成班都叫開心」






傻強亦附和

「真呀，好似前排之嘛，我地成班打邊爐，新地比人嘔到成頭都係呀！」


一聽到我呢單柒事，阿純竟然掩住嘴笑

嘩...都係第一次見佢笑到咁開懷，仲癲過上次響ocamp同椰奶表白
「的確好似幾好既...同埋我黎緊個page都想講下啲宵夜鋪..」

阿純好似有啲心郁：「但係...咁大件事，我都係同屋企人商量下先啦...」


「都係既，始終都要時間考慮」





chantal諗諗下都覺得自己太急：「咁一係你有決定既話就搵我地丫...你仲響中o果個group架嘛」



「哦...好呀....」



阿純都搬埋入黎...？

即係話ocamp識果三條女都會同我一齊住？








「呵呵，如果果個阿純又黎埋住就好囉，又多個靚女！」

返去暗hall既途中，傻強都仲講起阿純


「淨係識掛住睇靚女，又唔見你果陣話『呵呵，新地入左黎住真係好囉』！」

「丫你個嘉桓丫，成日質住哂架喎！」

嘉桓同傻強繼續鬥氣



「點解...chantal你會主動邀請阿純既？」我問






「呃...唔知呀...純粹係覺得...」

chantal傻更更咁摸頭：「阿純黎左暗hall既話會開心啲，嘻嘻」


「雖然我錯過左報hall既機會，但係響暗hall呢度住...好似比起我預想中既halllife仲要開心」

「比果個賤男hurt完都可以咁快好返...都係因為呢度..」

比起平時聽返黎既halllife，暗hall呢度的確係無咁多是非

或者呢個，先係我真正既halllife






chantal之前喊得咁犀利，都係因為真係好鐘意佢個ex

但同時，咁快好得返...可能真係因為暗hall





一星期後


「鈴鈴鈴鈴！！！！！」



「屌.....」

今日七點幾，就比阿豪個鬧鐘嘈醒：「阿豪你較咩鬧鐘呀..我今日dayoff呀」



「今日我有test呀...」

平時好精神既阿豪，都顯得有啲疲態：「你唔見我呢幾日都無唱歌既咩？溫書嘛」

「呢科上個sem fail過，唔想再柒多次」



講講下有好似係，呢幾日得tyson製造嘈音，真係易訓左


「但係你嘈醒埋我丫嘛...」

我同阿豪一齊出去房外：「唉屙個尿先」



「叮噹！叮噹！」

門鐘聲響個不停

我地響房都係開冷氣，所以出到黎先聽到


「邊個咁早禁門鐘呀...」

阿豪指使：「新地你去睇下乜水...我急到瀨啦」


「哦...」



我睇一睇防盜鏡

阿純？！



我打開大門

「阿...阿純...？」


「呃，早晨呀新地..」

阿純手上拖住個喼，咩住個奇奇怪怪既背囊

「我...係咪太早呀？」


「你...拎黎咁多野黎做咩呀...」我問


「我...入黎住....」

阿純一臉尷尬：「我daddy媽咪叫我黎住...」


阿純...真係黎住？



「但係...佢地成班都未起身喎」


「唔緊要呀，我可以響度等架..」

阿純坐左響張凳上面

仆街...好撚尷