無啦啦有三條女同左我一齊住: 12

「原來新地你都住屯門架...」

chantal都開聲：「不過我就近少少，住年中心果邊...」


屯門住市中心既話起碼都叫近西鐵站，同我已經差好遠


「chantal你又係屯門呀？咁點解唔住hall既？」椰奶問







「我男朋友...佢唔鐘意」

chantal苦笑道：「上次我報左ocamp，佢已經嬲到幾日唔理我啦」


哦，唔怪之得上次ocamp果陣佢成日都望住部電話啦






「咁你男朋友呢？」


「佢...有去」



「丫頂佢個肺丫！」

一聽到chantal既答案，椰奶差啲想拍枱：「呢啲男人真係垃圾黎架喎，女朋友做乜都唔得，自己做就乜都得！」






椰奶反應都太過激動，吸引到隔離枱既目光

慢慢較返細聲：「佢仲要嬲埋你果下痴線喎，依家仲要唔比你住hall？你唔係佢件玩具呀..」


「但係...我真係好鐘意佢丫嘛...」

chantal有點難為情：「中五果陣，都係我先追佢...」



「唉咁死得啦！」





椰奶連忙搖頭：「當你比男人食住就玩完架啦chantal...」

「新地你話係咪先？」





雖然聽到椰奶咁講，但我見到chantal個樣都仲係好為佢男朋友抱不平

講真，佢條仔的確係痴撚線，但我都唔適宜比太多意見既


始終呢啲都係chantal自己既私事






「呃...呃....」



「你好，辣肉腸薄餅一個」

好彩，啱啱好有野食黎



「丫野食黎啦，我地食左野先啦！」

chantal即刻對我做個眼色，成功為我解圍






「係囉係囉，我都肚餓啦哈哈」


咁樣一黎就將話題放埋一邊

而椰奶都無講落去，好彩...



「係喎，我仲未正式多謝新地你tim..」


「吓？」





多謝我啲咩呀...



「果日響ocamp...」

哦記得啦！狗公jack抽水單野


「哦...唔駛！哈哈好少事姐」



「喂，都要全靠我開埋聲隻狗公先知驚之嘛！」

椰奶又乘機邀功


「我開聲先架喎」

「你開聲果陣全場靜哂呀」



不過唔係狗公jack既話

呢一刻又唔會同椰奶同chantal兩個食飯




「呵呵，頭先果餐真係好食既姐！」

椰奶捧住肚仔望住我：「係咪呀？新地太郎！」



「屌你，當我哈姆太郎咩...」

無左成千蚊既我呢一刻真係提唔起勁


chantal向我道歉

「新地真係唔好意思呀，搞到要你請我地食飯..」



響chantal面前小器既話太肉酸

「點會呢哈哈...咁依家去邊呀？」



「難得黎到又一城，緊係行下街買下衫啦！」


「好呀...順便一陣佢探下richard..」

聽chantal咁既口吻，richard應該就係佢男朋友


好人好姐改乜撚野rich柒做英文名，你話你係李澤楷就話姐



「又掛住果條粉腸！」

椰奶又開始屌：「好心你就飛左佢啦！做佢女朋友仲慘過坐監呀！.....chantal？」


聽到椰奶咁問，我又望一望過去

chantal成個人呆哂


「chantal？喂咩料呀？」


chantal既目光，正投向前面十幾米既一對「情侶」

果對情侶搭哂膊頭咁，相當恩愛


條仔就同狗公jack差唔多高，個樣仲fuckboy啲

而條女雖然無chantal咁靚女，但係身材就完全拋離，仲大波過椰奶

仲要著埋啲背心摟屌裙


過多幾秒，兩個仲錫埋

嘩屌你日光日白做埋啲咁既野



呢刻既我，仲未察覺到發生咩事

只見chantal手都震哂



而對面果對情侶既男方，都察覺到chantal

即刻鬆開本身繫住女方既手


「chantal....」



「唔係呀話...咁都撞到....？」

椰奶呢一句點醒左我，眼前既呢條撚樣

就係richard！