只有做愛的時候我才聽得見聲音: （53）

美妙動人嘅樂曲在播放，Alex擺動腰軀，向前抽送。

「啊...啊...」晴晴分開雙腳，迎合對方每一下衝撞，嘴裡不時發出呻吟聲，慢慢仲越嗌越大聲。

Alex聽到誘人嘅聲音，固然之好興奮，但係同時都覺得奇怪，奇怪晴晴點解今日咁唔同，好似變左第個人咁，比之前唔尋常嘅佢更加唔尋常。

不過都嚟到最後一日，Alex唔諗咁多，只想好好享受當下嘅性愛同音樂。

佢用好慢嘅速度，一抽一插，心入面唔知點解無端端，有種抗拒射精嘅念頭。



佢好想插耐啲，唔想咁快射，就算有射意都照忍住，問題係有時越係想持久啲，就越容易早射。

喺成隻碟三十六分鐘播完嘅同時，佢終於都忍唔住，喺晴晴體內射出精液。

除左自己高潮之外，晴晴亦都達到高潮

其實第二次Alex都搞左半粒鐘先射，時間都算正常，只係佢仲想再插耐啲，再耐一啲...

射完一刻，即代表Alex同晴晴嘅合約正式結束。



雙方著返衫後，Alex就將提早準備好嘅支票交俾晴晴，面額總共十八萬。

「多謝。」晴晴袋好支票，打字並微笑表達感謝。

晴晴嘅反應係Alex意料之外，佢以為對方收到咁大張支票，肯定笑到見眼唔見眼，無諗過卻只係微微一笑。

「你聽日幾點飛去英國呀？」晴晴用電話問。

「晏晝四點半機。」



「呢個鐘數我要返工，睇嚟送唔到你機啦，咁喺度我祝你治療成功，早日康復啦。」

「多謝，希望承你貴言。」

時間都差唔多十二點，晴晴拎起手袋話：「時候唔早，我走先啦，費事阻你休息。 」

Alex望一望個鐘，打字並揮手講再見：「咁你都早啲返去休息，再見。」

晴晴笑一笑，打字同對方講：「哈，你唔應該講再見，如果你再見到我，咁咪代表你未好返，仲需要合約床伴，你應該調返轉講，講唔好再見先啱。」

Alex諗左幾秒，覺得晴晴好似講得都有道理，對對方講：「Bye bye。」

晴晴點點頭，揮手道別，轉身打開房門。

剛踏出一步門口，就見到豆豆經過，佢抱起貓仔：「豆豆，我要走啦，以後我可能陪唔到你玩，你會掛住我架可？」



「喵~喵~~」豆豆嗲左兩下。

「哈哈，我都知道你會掛住架啦，第日有時間我肯定嚟探你架。」晴晴愛不惜手撫順豆豆身上嘅毛。

一陣之後，佢先放返貓仔落地，擰返轉面，拎出電話面對面發短訊俾Alex：「你記得同我好好照顧豆豆，知唔知呀？」

坐喺床邊嘅Alex面向門口嘅晴晴，回覆話：「知啦，我會帶埋佢過英國，到時等我返嚟之後，你得閒就過嚟探下佢囉。」

「咁就好啦。」晴晴笑一笑，然後離開，喺Alex視線中消失。

呢一刻Alex望住晴晴離去嘅背影，忽然有種若有所失嘅感覺。

以前佢從來未試過有呢種感覺，就算係之前相處一年嘅合約床伴完約，佢都無覺得有任何留戀，亦無任何不捨。



今次係第一次，第一次唔捨得。

佢再摸一摸膊頭位置，回想起頭先濕濕地嘅感覺。

依家先諗到，啱先晴晴會唔會係喺佢膊頭上喊？

但係點解要喊？係因為唔捨得？定係因為解約？

Alex諗左成晚，都判斷唔到晴晴喺佢膊頭留低嘅，究竟係咪淚水。

而心中若有所失嘅感覺亦一直延續到第二日啟程去英國。

坐上飛機，喺地球另一邊等緊佢嘅係希望。

至於另一邊廂，晴晴終於搞掂入院手續，正式接受治療。



接下來，佢所面對嘅係絕望。