只有做愛的時候我才聽得見聲音: （49）

夜幕降臨，月亮高掛。

晴晴心情仍未平復，帶住哀傷嘅心情，嚟到清水灣。

入到房，佢見到Alex坐喺床邊一路拎住結他，一路微微嘴笑。

晴晴好少見到Alex會笑，唔知因咩事咁高興呢？

Alex見到晴晴入左嚟，就拎起電話打字：「有個好消息想同你分享。」



「咩好消息？」

「就係我可能好快就聽到得返嘢。我今日去醫院檢查耳仔，我個主診醫生喺英國返嚟，佢話英國嗰邊有種新療法，用藥物治療結合心理治療嚟幫失聰人士康復，成功率聽講有80%，有啲案例係聾左超過二十年嘅都醫得返。」

見到Alex話自己有機會好返，晴晴替對方感到高興：「真係架？咁你咪好快可以變返正常人咁，隨時隨地聽得到嘢，又可以彈得返結他囉！」

「係呀，我已經約左嗰邊嘅醫生，我諗過多個幾禮拜就飛過去英國做治療，到時我可能會離開香港兩三個月。」

晴晴見Alex要離開香港，個心一沉，問：「你過左英國，咁我地份合同點呀？」



「我想保留返，咁中間我唔喺度嗰兩三個月就唔計錢，雖然個新療法好似好勁，但都有機會失敗，如果失敗左，咁我地咪繼續履行合約。」

晴晴諗左一陣，問：「可唔可以由你單方面中止合約，跟住補返錢俾我？」

佢知道如果由Alex嚟中止合約，咁佢可以拎到補償金，即係雙倍嘅人工。

呢個時候嘅佢好需要錢，而且佢都唔知自己等唔等到Alex返嚟。

Alex見到咁對方咁嘅要求，感到不解：「唔得，如果解左約，萬一我治療唔成功，返到嚟我咪又要揾第個？」



「我相信個治療一定會成功，你一定都會好得返，第時你好返曬，咁就唔再需要我，遲早都係會解約，咁不如你早啲同我解約，等我早啲收到錢好過啦。」

Alex托住下巴思考，佢並唔想同對方解約。

「唔好諗啦，就咁決定啦，最近我有個手袋好想買，你炒左我補錢俾我去買啦。」晴晴同佢講。

Alex諗左一諗話：「一係咁，我同你解除合約，錢我補俾你，但如果我去完英國返嚟，對耳仔都無好返，咁你返嚟同我簽約，OK？」

「得呀。」
 
此時此刻，喺同一間房，有兩種心情。

一人歡喜，一人哀傷。

歡喜嘅Alex揀左隻輕快嘅專輯，配合此刻輕快嘅心情。



哀傷嘅晴晴內心沉重，臉上卻擺出一副若無其事嘅樣。

床上兩人肉體結合，男方在上，女方在下。

Alex望住身下嘅晴晴，緩慢地插入。

唱片機播放著樂隊Blur嘅專輯《Parklife》。

Alex低頭注視著晴晴，佢總係覺得今日嘅晴晴，眼神之中好似帶著黯然嘅悲傷。

佢扶住對方條腰，慢慢抽動，視線仍停留喺對方臉上，腦海浮現今日係醫院門口遇見晴晴嘅情景，佢開口問：「你今日…」

剛開口，成間房啲燈忽然無端端熄曬，周圍變得漆黑一片。



除此之外，冷氣都熄埋，音響同CD機都無曬聲。

「做咩突然黑媽媽嘅？係咪停電呀？」晴晴怕黑，不安地抓住Alex手臂問。

「睇怕係啦。」Alex環顧漆黑四周。