只有做愛的時候我才聽得見聲音: （40）

玩左一個通宵，二人都好攰。

比起晴晴，笠住個飛機杯十幾個鐘嘅Alex就更加更加更加攰。

佢地返上車，啟程回家。

上車前，Alex射埋嗰第十一次，陰莖終於軟到無得再軟，猶如一個漏曬氣嘅氣球，「Pair」曬落嚟，點吹都吹唔起。

唔洗佢掹走個杯，jer jer都自動從杯內滑出嚟。



硬左十幾個鐘，射左超過十次，成個人虛脫咁滯，佢攰到上車無幾耐就訓著左。

佢仲發左夢，夢見返啱先自己喺酒吧台上彈結他嘅情景，耳仔仿佛迴響返自己彈奏嘅音樂以及觀眾嘅掌聲。

而台下仲有嗰一個咬住串燒為自己加油嘅晴晴。

唔洗半個鐘，佢地就返到屋企。

Alex訓到好「num」，到左都唔知醒。



「Alex到啦，醒啦喂！」晴晴搖醒尾座發緊美夢嘅Alex。

除低飛機杯後，無左性刺激，Alex聽唔到有人嗌佢，但就感受到有人搖緊佢膊頭。

幾秒後，佢被搖醒，喺迷糊中慢慢睜開眼。

「終於都醒啦，啱先做咩無啦啦訓訓下喺度笑，發左啲咩夢咁開心呀？」晴晴開口問，佢唔記得左依家嘅Alex係聽唔到嘢。

Alex打一個喊露，見到對方開口，卻聽不見聲音。



「係喎，依家你聽唔到嘢啦喎。算啦，睇你笑得咁鹹濕，唔洗問都知係發春夢架啦。」晴晴無用電話打字追問。

二人慢慢行入屋，突然間晴晴作肚痛，如果唔係隔離嘅Alex扶一扶佢，佢就痛到差啲跪左喺地，今次唔單止喺個肚，連背脊都感受到痛楚。

「啊…」晴晴彎低腰，掩住背脊同腹部，面容扭曲。

Alex立即扶佢到客廳梳化休息。

個痛楚大約維持左一分鐘先消失。

「你無事呀嘛？洗唔洗睇醫生？」Alex用電話問。

「唔洗，無事嘅，我諗可能m痛啫。」晴晴慢慢坐返直個人，打字答覆。

「真係無事就最好啦。」



晴晴打一個喊露，打字話：「眼訓啦，拿拿臨沖完涼訓教啦。」

跟住佢就返上樓上沖涼，事實上佢呢排無嚟m，因此佢肚痛並唔關m到事。

二人沖完涼，就各自返房大覺訓。

晴晴由朝早九點訓到夜晚七點，至於身心耗盡嘅Alex就由朝早九點訓到第二日朝早九點，訓足二十四個小時，期間斷斷續續發左兩個夢。

佢夢到自己耳仔好返曬，可以彈返結他，隨時隨地都聽到嘢。

另一個夢就又係夢見返幾十個鐘頭前自己喺酒吧演出嘅情景。

嗰刻台上嘅佢係好緊張，彈得亦唔算完美，但就好似晴晴所講嘅，喺台上面拎住結他嗰陣，真係做返真正嘅自己，嗰種感覺短暫但美妙。



然而，試過兩次打左十幾個鐘頭飛機，睇怕日後佢真係唔會再掂個杯，以後如果要再上台彈返結他，或者真係要等佢雙耳完全康復先得。

而佢相信，總有一日自己會聽得返嘢。

抖左接近一個禮拜，Alex嘅身體同下體先恢復返正常。

喺休息期間，佢多數留喺屋企，主要都係訓教，有時無聊嗰陣會撚下貓，或者睇下書咁。

晴晴唔洗陪Alex周圍去，做完曬家務，難得悠閒就煲下啲肥皂劇。

有一日，Alex訓完晏教，落樓斟杯水飲，經過客廳見到晴晴喊到「飛（fi）哩啡呢」，心諗咩事，以為對方又作肚痛，痛到頂唔順喊出嚟。

點知對方原來只係煲劇煲到喊，仲係睇啲劇情老土到爆嘅絕症劇。

睇完之後晴晴仲sad左幾日，連做家務都好似無乜心機。



Alex就覺得嗰啲絕症劇好老土，睇完轉過頭就唔記得，唔明呢類片點解咁受歡迎。

不過可能呢啲都係口味問題，所謂鹹魚白菜各有所愛，有人鐘意搞笑片，有人鐘意絕症片，有人鐘意動作片，唔同人鐘意唔同嘅嘢，正如聽歌一樣，有啲人鐘意聽R&B，有啲人鐘意聽Rock，有啲人鐘意聽Jazz，都係各有各喜好。



（故事中所提及的歌曲playlist：https://open.spotify.com/playlist/69OeU06J4hWPml8r3uKGoC?si=d5d4cce469ba48c4）