只有做愛的時候我才聽得見聲音: （35）

有時聽唔到嘢都唔一定係壞事，至少可以避免偷聽到一啲唔啱聽嘅說話。

乜真係彈得咁廢...？彈錯得咁明顯...？

Alex自我質疑，感到沮喪。

返到屋企之後，佢仍然諗緊啱先嗰三個人嘅說話，心裡反問自己係咪真係咁唔掂。

而佢心入面好唔想俾人睇唔起，食完晚飯趁有時間，佢想再加緊練習。



問題係今日佢已經戴左飛機杯三個鐘，再笠落嘅話唔知會唔會好似之前咁收縮，夾住佢碌嘢抽唔返出嚟。

佢猶豫左好耐，最後諗清諗楚，為左唔衰俾人睇，佢把心一橫，決定博一博，chok返硬條jer，再用多次個飛機杯。

今日佢下面硬足三粒鐘，射左兩次，條嘢其實已經扯到攰，變到軟瀨瀨，只係為左唔俾人睇死，佢點都要硬多次。

將飛機杯插入去後，內籠並無收縮，上次有可能只係偶然事件。

依家係夜晚九點幾，晴晴喺廳同豆豆玩緊，突然間聽到書房傳出結他嘅聲音。



佢行入房睇下，見到Alex仲喺度練習。

「你彈左成日都唔抖下？」晴晴問。

「我想練多陣…彈好啲...你幫我睇住時間。」Alex將自己認為彈唔算太好嘅部分，再反復加以練習。

晴晴就坐喺一邊幫佢睇住時間，佢望住對方練習，發覺對方個表情唔同左，表情十分繃緊。

然而個人越繃緊，就越難彈得好。



練左大半個鐘，Alex講得最多嘅就係「唉唔得，再嚟。」

從客觀角度評價，今日排練Alex有時的確係會彈錯一兩粒音，但整體上都有九十分，尤其以佢咁耐無彈，而且練左唔夠一個禮拜，能夠彈咁嘅表現係相當唔錯。

可惜佢太在意啱先嗰三個人嘅說話，太想練到百分之一百完美，反而越練越急躁，越彈越差。

「停！！！」晴晴喺Alex練到中途，大聲叫停。

「咩事要停？」Alex放低結他問。

「我問你咩事先係，你晏晝彈都唔係咁架？」

「可能太攰…搞到越彈越差。」

「我覺得係你心態有問題，平時你彈嗰陣，睇得出你個人好放鬆、好享受，但依家呢個你完全唔放鬆，亦唔享受，反而係好繃緊個人，仲焦躁不安咁，點解無端端變得咁急躁？」晴晴問。



Alex「唉」左一聲，然後將今日喺厠格聽到嘅說話講曬出嚟。

「哦~原來係咁，唔怪得啦。」

「所以我要加緊練習…練到最好最完美…俾嗰三個人睇。」Alex話。

「其實，你唔洗咁在意嗰幾個人講嘅說話，一嚟我覺得你已經彈得好好，二嚟你俾咁大壓力自己，會有反效果。雖然我唔識彈結他，但我覺得如果你上到台，淨係諗住叻俾嗰幾個人睇，咁樣會無左玩音樂真正嘅樂趣。」

聽完晴晴咁講，Alex釋懷地一笑。

對方講得無錯，明明都已經彈得唔錯，點解咁介意其他人嘅說話，同埋佢彈結他係因為鐘意呢樣嘢，享受箇中樂趣，而唔係想同人鬥勁。

玩音樂就係玩，就係開心。



再自私啲講句，上到台只要自己彈得開心，就算其他人唔鐘意或者唔識欣賞，都無所謂，最緊要係自己滿足。

或者佢真係太耐無彈結他，遇到丁點不順就失去信心，導致一時唔小心迷失左，忘記左自己嘅初衷。

最搞笑竟然係俾一個唔識彈結他嘅人教化。

佢放低結他，除低個飛機杯，決定放鬆心情，盡量唔去諗嗰三個人番說話，休息好聽日演出。