只有做愛的時候我才聽得見聲音: （26）

佢兩個驚班差佬未走，所以等多一粒鐘先敢返轉頭攞車。

返到清水灣，時間都差唔多八點。

平時嘅話，呢個鐘數佢地經已食完飯，晴晴都洗緊碗。

洗完碗休息一陣，或者同豆豆玩下，九點左右佢就上Alex房。

而今晚遲左返嚟，食完個飯都九點幾，晴晴拿拿臨洗曬啲碗碟，上房同Alex啪啪啪。



佢希望十二點前搞完，然後可以早啲返屋企訓教。

勞碌左一日嘅佢感覺疲倦。

房間裡，燈光暗淡。

Alex揀好今日要聽嘅CD，同晴晴一齊訓上床。

晴晴今日著左米黃色女裝恤衫，Alex要逐粒逐粒將恤衫上嘅鈕扣解開。



當解開曬啲鈕時，眼前嘅晴晴，竟然攰得滯合埋眼訓著左。

琴晚佢地做完第一次，中場休息嗰陣，晴晴都攰到恰著左，今日都未開波，晴晴「進化」到一噠落床就訓著左。

Alex無叫醒晴晴，見對方咁攰，索性俾對方好好休息一下。

佢明白晴晴日頭打理家頭細務，夜晚又要陪自己啪啪啪，一日幾乎都無乜休息時間，攰其實都好正常。

佢幫對方件衫扣返好鈕扣，冚好張被，便離開房間，由得晴晴安靜地訓一覺。



跟住佢落返樓下，到廚房沖杯蔬果汁飲。

為食嘅豆豆聽到廚房有動靜，行過嚟睇下係咪有嘢食。

「喵~」

貓仔對蔬果汁無興趣，跳上檯面見無嘢啱食就喵喵喵叫，想人餵貓糧。

Alex見豆豆張口搖尾，就知佢肚餓，又係時候要餵糧。

開頭佢唔鐘意有隻貓喺屋企，後尾養耐左，慢慢覺得屋企多隻貓，好似多左一份生氣。

依家佢唔再抗拒收養豆豆。

何管家推住輪椅，入廚房想嚟斟杯水，見到Alex喺度，用手語表達：「少爺，你要飲蔬果汁，可以叫晴晴幫你整，唔洗自己動手。」



Alex用手語話：「晴晴啱先一攤落床就訓著左，家下喺樓上訓到豬咁，睇怕打雷都叫唔醒。」

「咁睇嚟佢好攰。」

「應該係啦。」

「少爺，不如你俾晴晴搬過嚟一齊住，咁佢咪唔洗日日兩邊走咁辛苦。」

俾晴晴搬過嚟住？

Alex搲搲頭，諗一諗。

何管家繼續用手語表達：「佢住都係住一頭半個月啫，而且我地呢度又有多間房，你都唔想見到佢每日朝早要飲幾杯咖啡提神，你知飲得多咖啡都傷身。」



Alex認真思考左一陣，睇在過去嗰個禮拜，晴晴打理屋企打理幾好嘅份上，佢接納何管家嘅提議，俾晴晴過嚟一齊住。

反正屋企都多左隻貓，都爭在俾多人入嚟住。

晴晴喺Alex間房裡，一覺訓到天光，第二朝起身知道自己可以搬入嚟住，感到十分驚喜。

「咩話？真係架？真係俾我喺度住？」食早餐時，晴晴被告知呢個好消息。

何管家點點頭：「係呀，少爺俾你搬入嚟同我地一齊住。」

「哈哈！咁就太好啦！」晴晴開心一笑，即刻用電話問旁邊嘅Alex：「做咩突然咁大方肯俾我搬入嚟住？」

Alex打一個喊露，打字回覆：「唔想你日日遲到，搞到我遲成粒鐘先有早餐食。」

佢琴晚喺客房訓，訓得唔多慣，醒左都無乜精神。



「邊有日日，我淨係遲過兩次，不過點都好，多謝你！」晴晴喺「多謝」兩隻字用粗體加加大字形，以表達感謝之意。

「咁你下晝返去屋企執幾件衫過嚟啦。」何管家同晴晴講。

「好呀！」

「咦，唔係喎，今日Alex下晝約左牙醫洗牙，我要車佢去喎。」晴晴話。

「你陪少爺洗完牙，咁咪你咪順便返屋企執行李。」

「都得啫，橫掂都係喺九龍。」

晴晴目前住緊嘅地方，係一間位於黃大仙，面積不足二百呎嘅劏房。



佢駛到屋企樓下，將車停靠路邊。

「你要唔要一齊上去？」佢問Alex。

Alex唔想一個人留喺架車度，選擇跟晴晴上樓。