只有做愛的時候我才聽得見聲音: （9）
第二日。
Alex八點鐘起身，唔知係咪訓前聽左Pink Floyd，琴晚佢訓得特別好，訓醒都特別精神爽利。
刷左牙洗左面，佢就到飯廳享用何管家為佢準備嘅早餐。
作為一個富家子弟，佢唔需要返工，佢阿爸阿媽所留低嘅遺產，足夠佢用成世都用唔完。
獨立屋有一個地庫，裡面設置左各種健身器材，每日食完早餐，唔洗返工嘅佢都會去鍛煉返個半鐘。
堅持每日鍛煉能夠幫提升精力同增強性能力，咁喺搞嘢陣佢就能夠插得耐啲，聽到嘢時間隨之都能長一啲。
通常做完gym，佢會同何管家一齊開架船出海釣下魚或者去打下高爾夫球。
可惜今日天氣黑黑沉沉咁，唔太適宜做戶外活動，咁佢唯有留返喺屋企，清潔下啲黑膠碟。
黑膠碟好容易沾上灰塵，放得耐又會有霉點，因此要定期清潔，否則如果唱片坑紋有塵嘅話，播出嚟就會有啲俗稱「炒豆聲」嘅雜音。
對佢嚟講，抹碟係用嚟打發時間嘅其中一樣細藝。
除左呢樣，無聊嗰陣佢都會自己睇下書、漫畫，或者開Netflix煲下劇咁，絕大部分都係一人活動。
失去聽覺令佢同人嘅溝通變得困難，嚴重影響左佢嘅社交生活，所以其實佢無乜朋友。
以前佢最大嘅興趣係夾band、彈結他，無奈自從耳仔聾之後，佢都無得繼續夾band，但有時都仲係會㩒下chord、練下指法咁。
彈嗰陣耳仔聽唔到，不過腦海會浮現所彈嘅音階。
等到有朝一日耳仔如果有機會好得返，重新聽得返嘢，咁到時佢再彈返都不至於太生疏。
佢相信現代醫學咁昌明，總有一日自己對耳仔會醫得返。
來到下午時分，佢心血來潮，突然想行下唱片鋪。
油尖旺一帶有唔少樓上CD鋪，間唔中佢就會去尋下寶。
聽歌佢多數都係聽band多啲，平時多數聽外國band，間唔中都會支持下本地樂隊，好似今日咁，佢都買幾隻本地獨立樂隊嘅CD，等遲啲拆嚟聽下。
鬧市嘅街頭熙來攘往，人聲喧鬧，有電訊公司職員喺街口推銷緊寬頻計劃，有男女嗌交嗌到面紅耳赤，有走鬼檔小販叫賣嘅聲音。
Alex企喺街邊等緊何管家揸車嚟接走佢。
佢望住吵鬧嘅人，只有一種睇緊默劇嘅感覺。
無論處於幾熱鬧嘅街頭，世界都係一片冷清。
「Hello先生，阻你少少時間，我地公司依家做緊優惠，1000m光纖極速上網，每個月…」一名女生拎住宣傳單張，行埋嚟俾Alex面前推銷。
「咦！Alex，乜係你呀，咁啱嘅？」
而呢個女仔咁啱就係晴晴。
由於晴晴無化妝，Alex注視左幾秒才認得出對方。
素顏嘅晴晴少左一份艷俗，多一份清純，反而仲靚過化妝嗰陣。
晴晴用電話快速打字：「你嚟油麻地做咩呀？」
「買CD，你又嚟喺度做咩？」Alex在自己電話上打字。
「Sell寬頻囉，你有無興趣幫襯下？」
Alex搖頭拒絕。
晴晴扁起嘴，表示失望：「咁你考慮成點呀？有無諗住幾時同我簽約？」
Alex想回覆「無，還在考慮中。」，而就喺佢打緊呢段字嗰陣，突然有人大嗌：
「走鬼呀！」
四五個差佬大搖大擺出現，過嚟捉「走鬼檔」。
一班無牌小販為左逃避差佬檢控，紛紛慌忙走佬。
其中一個魁梧壯漢抬住裝滿紙皮箱，盲盅盅向住Alex撞埋去：「頂！借歪啦！唔好擋路啦仆街！」
Alex聽唔到有人嗌，無第一時間作出閃避，好彩身旁嘅晴晴反應及時，立刻拉佢到一邊閃避。
只但係現場太混亂，佢地都閃避時唔小心被人撞到。
因而導致出現接下來青春片常見一幕：
晴晴退到埋墻邊，身旁嘅Alex唔小心「Kick」啲地下舊石，不由自由撲向女方，結果唔單止係壁咚咁簡單，直頭係佢成個人嘴左埋去。
背靠墻壁嘅晴晴同Alex嘴唇貼嘴唇，彼此眼神對望左幾秒後，二人不約而同互相彈開。
晴晴即刻擰轉身抹一抹嘴唇，塊面紅到好似個蘋果咁。
至於Alex成個人就呆左，唔知點反應好。
呢個尷尬嘅場面大概維持五秒。
Alex見何管家開車已駛到路邊，佢send左句「再見」去對方電話，然後就行左上車。
晴晴收到嗰句「再見」，慢慢用眼尾睄下後面，見到對方上左車離開後，先至擰返轉面。
佢塊面仲係好紅，心情仍未能平復。
另一邊廂嘅Alex上到車，先戴返個電單車頭盔。
佢坐嘅係四個轆嘅寶馬，並唔係電單車，然而戴頭盔嘅原因係，自從嗰次意外車禍後，佢搭親車都有恐懼，一定要戴返個頭盔先會令佢有返少少安全感。
佢就無好似晴晴咁面紅，只係覺得塊面有啲熱，呢個可能係戴左頭盔嘅關係。
啱先場面確實有啲尷尬，但仔細諗下其實都無咩好尷尬呀，佢兩個琴晚連床都上過啦，全身都睇過曬咁滯，家下錫到下嘴，其實都無咩大不了啫。
完全就唔需要尷尬。
咁樣諗完之後，Alex好快就忘記左件事。
接住嗰幾日，分別都有兩個model嚟到佢屋企「試鐘」。
兩個model身材和樣貌都幾好，床上都算「交到貨」。
美中不足嘅地方係佢地一個就有口臭，一個就無端端用手指插佢屎眼，嚇到鳩縮咁滯。
Agent一路keep住都有send啲model資料過嚟俾佢睇，但呢水啲model質素比較參差，睇得上眼嘅唔算多。
最後經過一番考量，左思右想後，Alex決定都係揀晴晴做合約床伴。