[兩性] [大結局] 叫咗個PTBF，居然撞正係Ex: 第六章、蘋果 (6.3 另一半)

Lindy嘅身份就係成為有錢佬身邊比較重要嘅人，可以輕易咁出入中上流社會見識。
而Desmond身份係ptbf，比起做office入面嘅小職員，做幾年都唔會被老板留意。呢個工作可以為身邊嘅人提供最多嘅快樂，感覺到自已係被需要、重視。

有時真係覺得社會就係鼓吹男女去踏入呢個行業。 

男性肩負起養妻活兒嘅傳統規範。女人相夫教子。當男性嘅收入足够支撐家人嘅生活時，家庭就相對和睦。兩個人在家庭上都有自已的立腳之地，感受到被重視。從古至今，有咩得意過呢樣嘢？
 
但最近家庭結構有重大改變。​社會鼓吹男女平等，更多女性參與勞動力市場，意味著對市場來說增加了競爭。另一方面，制度令更加高學歷青年誕生，工資又多年不變⋯⋯

部分雙職家庭，屋企請個工人，放咗工就當屋企係酒店，沖完涼即刻瞓覺。第二朝又趕住起身返工。對部分人嚟講，錢就係另一半。結婚只係搵個人夾份供樓only……




 
部分因為經濟能力有限，而未能請工人嘅家庭，家務同育兒仍主要由女性負責。雙職家庭下，部分女性在家庭和事業上都難以同時兼顧。兩方面的地位都不見有提升。家庭上淪為免費工人，事業上一世人只係做公司入面嘅小齒輪。
 
我呢？我唔知道。或者錢會做我嘅另一半?

我企係旺角E出口，前面係兩年冇見嘅ex。我又唔係百人斬，點解咁容易俾我遇到ex？

「Hello? 你就係?......」
 
「冰冰呀!望咩望!行快兩步啦，_頭！」




 
佢有啲驚訝咁嘅樣。冇錯，我已經唔係嗰個咁容易氹嘅小妹妹。我拍一拍我嘅Lindy 手袋「一陣唔出糧俾你咖!你唔係要搵奶粉錢咩?」






鍾意嘅請share～呢度係我寫故嘅唯一平台