[兩性] [大結局] 叫咗個PTBF，居然撞正係Ex: 第六章、蘋果 (6.2 目標)

「Cyrus…你話同我結婚咖…」
 
既然Lindy 同Desmod一齊，咁點解個日會咁講…
 
為咗唔好影響自已既生活，我第二日搵一搵 Lindy。
 
「好難得喎，你居然會約我。」
 
我即刻入正題「你男友叫Desmond? 」
 




「你點知ga???」佢有啲激動，成個人彈起身。佢張凳一退後就聽到後面有個女仔大叫。

居然係milk。着住緊身衫嘅佢個波chock咗幾下，手上嘅A4紙跌哂落地下。我見到上面係「AI保險」嘅logo。Lindy幫佢執返之後佢就好急咁去咗另一張枱度。對方係一個40歲嘅男人。原來milk正職係賣保險，兼職係陪老細同model...定係掉返轉呢？陪老細應該搵多啲喎⋯⋯個日聽Elsa講佢已經full pay咗一層樓。

「喂喂」係Lindy把聲。
 
「見係你應該唔會同人講就話你知啦……其實我養緊佢……見佢一家六口住公屋，又冇自已間房咁慘。我依家租咗個單位同佢住緊。」

口水怪Lindy一如以往咁都係講自己嘅嘢多。可能因為咁，冇咩興趣同話題嘅Desmond會成為佢情緒嘅出口。
 




「但我我唔會同佢一齊。我整容整咗十次，嚟緊要識更加多客 ，等更有錢嘅人可以包起我。買裙買手袋，做美容樣樣都要錢。我想要更多更多錢。如果我結咗婚，啲客會冇咁鐘意。怕惹麻煩咖。」
 
「ok ok,咁你要搵多啲有錢人啦。加油。」
 
奢侈品龍頭Hermes 有個手袋個名叫Lindy，或者佢個名就係咁樣改返嚟掛。 就算係做陪客，都係需要付出好多，先至可以做到top個堆。如果唔付出，客人就唔會再搵返自己，名聲唔好亦都好難識到更加多嘅客人。 
 
Lindy手袋同需要配貨嘅Kelly, Brikin手袋去比嘅話，都仲有一段距離。