十年後的舊情復熾: 想開心，要變態

約十年前，MS張背叛了自己當時的男朋友搭上了光。到男朋友向她求婚後，她又狠下決心撇下光。想不到，十年後她再遇上光，竟然令她不能自拔。她想起了那天和蕙第一次談起自己和光的事，令她豁出去和光保持這不倫的關係。她怎會想到，她可以迅速由賢妻良母變成一名淫娃蕩婦，再到今天連兩女侍一男都嘗試過？促成她今天幹出如此荒唐的事，源於前個星期日蕙到她家中作客。
 
那天，MS張邀請蕙到自己家中做蛋糕。當時只得她們兩人在家。兩人在等待蛋糕焗好時，就坐在廳看著有線新聞台。當新聞在報道父母皆非香港永久居民的嬰兒在港出世時這議題時，兩人開始了這段對話。
 
MS張：好心佢地就唔好落來生仔啦。
蕙：好似話有好多都係驚喺大陸因為超生被人罰款。
MS張：但係大陸人梗喺係大陸生架嘛。呢度啲資源唔係佢地個喎。
蕙：咁好多都係去私家醫院生，畀足錢。同埋佢地去政府醫院生都好似要畀足成本價個喎。唔算係佔用香港人資源呀。
MS張：係咩？
蕙：嘩你讀咁多書你唔睇報紙架？


MS張：哈！我多數睇大標題就算。不過點都唔應該畀居留權呢啲人啦。第時又享受咁多福利喎。
蕙：其實點解做媽媽唔可以自由選擇自己喺邊度生BB呢？
MS張：咁個個來晒香港仲得了嘅。呢啲野唔可以講自由個喎。
蕙：哈！妳仲好意思咁講？妳而家咪好自由咁樣自己食緊兩家茶禮囉。
MS張：唉喲，衰女包咁講野都有！
蕙：咁你應該支持雙非家長啦！哈哈！
MS張：點同喎？
蕙：大家都係想有得選擇啫。
MS張：個個都選擇香港，香港咪陸沉囉。
蕙：咁唔會全世界嘅女人都鍾意光仔架嘛。


MS張：嘩，你亂咁來嘅。
蕙：少少啦，係有啲分別嘅。如果大陸冇一孩政策，冇咁多貪污，我估都冇咁多人走過來。但係我估無論你老公係點，你今次都會同返光仔一齊。
MS張：唉……我都唔知。
蕙：唔知啲咩呀？
MS張：講真我都唔知我對光仔係乜野感覺？
蕙：原來你當佢SP 架？
MS張：咁同佢做係好正，正過同我老公好多。但係唔單止係咁。我唔知我係愛佢定係只係覺得欠左佢。總之我唔想傷害佢，想佢開心。
蕙：我陣間幫妳拎啲湯畀佢，佢一定冧死啫。
MS張：唉……但咁樣落去可能都係害左佢。佢都要搵個老婆架。
蕙：我覺得佢想成世做你情夫多啲喎。


MS張：下？我唔想佢第時後悔呀。唉……想一個男仔開心幸福都咁難。
蕙：真係好難咩？
MS張：你都知佢痴情種來架，我唔要佢嘅話佢又會好唔開心。但繼續落去佢最終都會後悔。都唔知點好……
蕙：都未必真係好難嘅。即係我唔想住劏房。政府起多啲公屋又畀我呢啲搵一萬蚊到嘅人申請，咁我咪住得舒服啲啦。
MS張：咪傻啦，政府點會肯！
蕙：咪係囉。有問題解決唔到係因為佢地唔肯大變。你嗰個問題都係一樣。
MS張：即係點？
蕙：點解唔可以畀啲想像力呢？即係佢又搵到個老婆又繼續同你一齊囉。
MS張：嘩！好變態。
蕙：有時你想大家都開心，就係要變態架啦。
MS張：咁到時咪即係要呃嗰個女仔囉。我呃住我老公已經好辛苦架啦。我唔想光仔都係咁。
蕙：咁只要個女仔接受埋你咪得囉。
MS張：嘩！仲變態！
蕙：但呢個唔係最好嘅結果咩？
MS張：係。但得個諗字囉。


蕙：阿雪呀，你唔好嬲我，我做嗰個女人都OK 嘅。