十年後的舊情復熾: 蕙的眼淚

蕙回到房內，MS張叫她坐在牀上，重新開始”儀式”。
MS張：光仔你係咪肯承諾以後都對阿蕙好？
光帶點敷衍的語氣說：”係”。
MS張：阿蕙係咪承諾以後都對光仔好？
蕙：我以後一定會對光仔好好！
MS張：咁到你地兩個交換戒指啦。
蕙主動拿起戒指，拉起光的的左手，將戒指戴在他的無名指上，但光一直低著頭沒有望過蕙。光的左手無名指現有兩隻戒指。MS張將戒指塞到光手中，光低著頭也將戒指戴在蕙的左手無名指上。
MS張：要𡃶啖先得架。
蕙輕吻仍然低著頭的光。
 


MS張也知道光是不情願的，但她要趕時間回家扮演賢妻良母，所以也沒有再糾纏下去。她穿回上班的衣服準備離去。光和蕙都送她到大門。離開前，MS張拖著光的手說：”記住我頭先講嘅野。要信我。”
 
MS張離開後，光不發一言回到房間。蕙跟著他：”如果頭先你只係畀面阿雪嘅話，你可以反悔架。”
光只顧自己穿上衣服，且除下了手上的兩隻戒指，沒有應對。
蕙：你唔出聲即係乜野意思？
光走到書房，開啟電腦。儘管蕙跟著他，但光繼續不理蕙，集中注意力對著電腦。蕙繼續站立看著光。
過了一會，蕙問：”你肚唔肚餓呀？落街食飯？定係我去買餸返來煮？”
光仍然沒有說話，雙眼只望著電腦。蕙見到光還是對自己不瞅不睬就開始落淚。
光聽到蕙的啜泣聲，終於肯對蕙說：”唔好喊啦。”
蕙：你做乜唔理我喎。我做錯乜野呀？我做所有野都係為你好。點解尋日你咁𡃶我，今日就咁樣？


光：有啲野我唔係好接受到。
蕙：你接受唔到啲乜喎。我係幫你解決問題。又係你話你唔想喺背後瞞住阿雪，而家唔駛瞞住佢啦。唔駛瞞住佢之餘你仲可以同佢一齊添。
光：係呀。好似解決左問題但你叫我點接受？
蕙：你接受唔到啲乜呀？
光：你地兩個同我一齊咁……我唔係好接受到。
蕙：你係接受唔到呢樣野咩？你接受到阿雪，係接受唔到我啫嘛。頭先喺牀上好清楚。
光：尋日我覺得你好愛我。但如果你咁愛我點解會肯咁樣？
蕙：阿雪都肯咁樣啦，你又唔質疑佢？
聽到蕙這樣說，光心中就好像被刺中要害一樣，無法回應，連面色也變青。
蕙：答唔到係咪？你愛佢多啲所以無論佢點樣你都接受佢。但我就唔同。


光：我……唔係咁嘅意思。
 
蕙變得更激動，坐在地下邊哭邊說："唔駛唔認啦。我唔會介意你愛佢多啲嘅。但我介意你咁樣睇我。你根本唔信我真係鍾意你。你唔鍾意我做咩前晚要留住我，做乜要同我上牀呀？我睇錯人啦。"
光：唔係呀……但接受唔到。
蕙：接受唔到啲乜？
光：咁如果你真係愛我點解會肯咁樣？我冇聽過有人愛一個人會咁樣個喎。
蕙：下？你自己呢？
光：咩我自己？
蕙：你有冇叫過阿雪為左你離婚呀？
光：冇
蕙：冇呀嘛。咁有乜野分別AR。你愛佢愛到唔介意佢有老公都同佢一齊。我同樣愛你唔介意你係我好朋友個情夫呀。如果我咁樣做換返來嘅係你唔信我，證明唔到我有幾愛你，咁我真係睇錯人啦。
更多的眼淚由蕙的眼中流出來。光趨前伸出手拉起蕙，抱緊她：”對唔住！我唔應該唔信你。”
蕙：你肯信我啦？
光：信。我地過返隔離房，你幫我戴返隻戒指呀。
 


當蕙和光爭辯時，MS張在回家途中一方面為光的態度感到不安，一方面在回顧自己過去幾個月的變化。