十年後的舊情復熾: MS張的湯；蕙的攻勢

 
兩人續在FACEBOOK上聊。
光：畀你講中晒。
蕙：HURT親你？
光：都唔算嘅。
蕙：放心啦，我相信呢一刻，你都喺雪姐姐心入面。
 
光不知道怎樣再回應，就返回牀上躺下。他希望時間過得快點，到明天上班就可以用工作令自己忘掉這個晚上的不快。當然，他更期望下一次與MISS張的約會能快點來。過了數分鐘，手提電話又響起。打來的是蕙。

蕙：你冇野呀嘛？


光：下？冇野呀。
蕙：見你唔覆我又愁，驚你唔知有乜野事。
光：冇。公司多野搞。聽朝要開會要PRESENT，所以要準備下啫。
蕙：咁好啦。唔阻你，我都落街食飯。
光：BYE BYE。
蕙：BYE BYE。
 
好不容易捱過了一夜，光翌日又回到公司辛勞工作。MS張的影子當然間中在他腦海中閃過，但忙碌的工作已令他的心情比情人節夜好一點。晚上六時，光準備下班，他收到蕙的whatsapps：今日開會順利嗎？這刻光才想起，他昨晚無意中跟蕙說了今天開會的事。望著這段訊息，一股溫暖的感覺湧現。自從多月前回復單身後，光就從未有這種感覺。即使是和MS張一起，他也沒有嘗到如此溫暖。他回覆：”很順利，多謝開心。”
 
之後幾天，蕙和光就偶爾用智能手機聊天，內容大多是普通噓寒問暖的說話。而光和MS張之間，這幾天幾乎沒有任何交流。光在電郵問過MS張何時會再見。MS張回覆指這個星期很忙。最後兩人和蕙約好下星期五晚打邊爐。


 
星期日晚上，光參加了大學同學的聚會。他們到其中一個同學的家，吃PIZZA和看剛出世不久的嬰兒。到九時半左右，光還和舊同學一起時，他收到蕙的電話。
蕙：你喺邊呀？
光：我喺朋友度呀。咩事？
蕙：我喺阿雪屋企樓下。我同佢玩完煮飯仔，佢叫我拎啲湯畀你飲。
光：而家？
蕙：係呀。你幾時走？我去你屋企樓下等你好唔好？
光：咁我而家行啦。唔該晒。
蕙：陣間見啦咁。
光：咁BYEBYE先。


光向舊同學告辭。他們問光是否女友急召，光說”不是”。在朋友嘲笑他臉紅的笑聲中，光離開了這個聚會。他趕回家途中，天開始下雨，幸好他有帶傘。他走到家樓下時，見到身上穿上黑色及膝大褸的蕙已到達。雖然有簷篷遮檔著雨，但蕙也顯得狼狽。
光：冇帶遮呀？
蕙：有，頭先唔係好大雨，所以懶得開。
光：哦。係咪有野畀我？
蕙：係呀。不過阿雪好似話聽日要要返個壺喎。我跟你上去，你飲完我拎返個壺走啦。
光：哦。
於是兩人就上樓。這也是蕙第一次進入光家中。蕙將壺放在餐桌上，再坐在沙發。光就走到廚房拿碗，然後將湯倒出來。
光：嘩！啲湯好熱喎。
蕙：攤凍啲先飲啦。
光也走到沙發那邊坐下，但沒有坐在蕙旁邊。
蕙：你應該好多年未飲過阿雪嘅愛心湯啦。
光：係呀。十年啦應該有。
蕙：睇下佢對你幾好。
光：你上左佢屋企？
蕙：係呀。我地整蛋糕同玩煮飯仔。不過啲蛋糕俾佢老公同個囡囡食晒LU。


光：哦……
蕙：佢都叫我拎啲湯畀你呀，幾有你心。
光：唔……我會飲嘅，一定好甜。
蕙：你頭先去左朋友屋企？
光：係呀。大學同學來。有個同學個老婆生左BB冇耐。我地去睇下BB LOR。
蕙：我地搞到你要早走添。
光：唔好咁講。有愛心湯飲呀嘛。麻煩要妳拎畀我就真。
蕙：你對阿雪真係好。
光：下？
蕙：佢畀啲心意你，你一定領情。佢嘅說話你一定聽。
光：咁我鍾意佢，聽佢話好正常J啫。
蕙：如果有個男仔好似你對阿雪咁樣對我就好。
光：梗會有嘅。
蕙：其實你咁聽阿雪話……
光：咩AR？


蕙坐到光身旁，說：”如果阿雪要你攬實我，你會唔會照做？”