十年後的舊情復熾: 蕙的剖白

光聽到蕙這樣說有點愕然：”點解？”

蕙：我細你個MS張少少架乍，我都三字頭。係時候收心養性搵個好人家掛。係咪好老套？
光：少少啦，但都啱嘅。
蕙：咁即係話我之前唔啱啦。輪到唔知係邊個識得話人唔識得話自己啦。
光：唔……咁我太鍾意佢呀嘛。
蕙：身不由己咁話囉喎。
光：係呀。
蕙：我都係啫。
光：點解算係呢？


蕙：你呢啲讀完大學嘅高材生係唔明架啦。
光：又關事？
蕙：關事架。唔好以為我鍾意溝仔就係唔自愛同係壞女仔。我呢啲會考得十分，A LEVEL又得兩科合格。唔似你地呢啲讀完大學嘅人有乜野事業。大佬，做個文員仔，有咩前景呀？返工咁辛苦又悶又冇希望，夜晚唔玩到盡點得？
光：你可以去進修下架？
蕙：痴線咩？鍾意讀書就唔會讀唔成啦。我呢啲屋企住公屋，阿爸阿媽都冇乜學歷，細個唔識功課搵邊個，讀乜鬼。我捱到去中七已經叻過我阿哥同阿妹G架啦。同埋，返工咁Q辛苦，夜晚唔去玩仲讀書，痴線咩？以前有個男朋友真係拎埋啲課程資料畀我睇，我睇到個價錢就問佢係咪佢供我讀啦。
光：咁佢點？
蕙：咁鬼貴，佢都唔願畀啦。你諗下，買件空姐制服畀我，佢都有得享受，畀錢我讀書又有咩意思，真係諗住同我過人世咩。何況我都未必讀得來啦。
光：咁都唔一定去蒲啫。
蕙：蒲係最好架。早幾年我地仲係五個人住間好細嘅公屋，咁大個人都想有啲私人空間。但返到屋企唔會有。咁蒲到夜啲等屋企人訓晒至返囉。同埋，我呢啲人工又唔多，又要畀屋企人喎。去蒲好多時有男仔請，有時著條短裙就免費入場，幾好！
光：咁你今晚又要好夜至返屋企呀？


蕙：呢幾年搬左出來住劏房啦。雖然真係細，但起碼有個私人空間呀嘛。
光：一個女仔住危唔危險架？
蕙：咁我好彩隔離左右都OK 喎。
光：咁如果有壞人搬入來點算？
蕙：冇計個喎。早幾年先想申請公屋，我唔係搵得多都高過入息限額。況且就算合資格都冇咁快排到我。
光：要排好多年架？
蕙：唔知喱你！你呢啲讀書人嘅世界同我呢啲唔同架啦。好少你地呢啲學歷高人工高嘅人會好似阿雪咁同我做FRIEND，仲要真係堅FRIEND底。想溝我嗰啲男仔另計。
光：咁之前嗰兩個都唔得？
蕙：哈！我雖然讀書唔成，但啲男男女女諗緊乜清楚過你地好多LAR。嗰兩個都靠唔住。
光：咁而家冇去蒲啦？


蕙：唔算有啦。同啲FRIEND去飲野都偶然會，但係冇媾仔LU。要媾仔就唔得閒成日陪你地兩個啦。
光：其實成日要妳陪都真係唔係幾好意思。
蕙：又唔好咁講。我悶的話我就唔來。同你兩個出街都幾好玩，好玩過我之前嗰兩條仔添。仲有時有免費四仔睇喎！仲要係現場版！話時話都估唔到嗰晚喺戲院阿雪會咁侯禽。
光：係囉我都嚇親。
蕙：之後就你同佢都上癮。哈哈！
光：下？
蕙：佢同我講GA。畀我睇住零舍刺激呀嘛。
光：佢同你講？
蕙：唔怕喎。佢冇好詳細講你地搞野啲內容GE。哈！其實都唔駛講，我自己親眼睇就得！哈哈！
 
兩人談到深夜才離去。光去搭地鐵，途中經過巴士站就跟搭巴士回家的蕙道別。兩人並肩走路的時候，光發現一個很有趣的景象：因為蕙打扮性感，總覺得很多人在望著他們兩個似的。兩人分手後，光獨個兒在地鐵想：當初第一次見蕙時見到她的打扮就覺得很不舒服，想不到這次兩人單獨約會，卻發現原來蕙比他原先想像有內涵得多。