十年後的舊情復熾: 兩段對話

光約雲在雲家附近的麥當奴吃下午茶。雲帶著三歲大的兒子赴會。光見到小朋友十分興奮，忍不住逗弄他一會。雲買了食物回來，就讓兒子玩著開心樂園餐附送的玩具。玩具在前，小朋友自然沒有理會媽媽和光聊天的內容。況且，即使他有留意，也大概聽不懂這兩個成年人在談甚麼。光告訴雲他已重新搭上了MS張。

雲：你咁樣唔得個喎。之前叫左你唔好惹佢，做乜唔聽？
光：有啲野控制唔到。
雲：咁你唔通真係以後都係咁咩？成世都係咁？你自己都知冇可能GA LAR。
光：我冇諗到咁遠。只係而家咁樣我又開心又辛苦。
雲：你自己都知辛苦啦。快啲搣甩佢。
光：嗰種辛苦唔係你講嗰種呀。我真係冇諗到咁遠。只係我唔知佢個心諗緊乜。同埋佢好似除左咩咩之外就冇其他交流咁。
雲：咁即係SP喎。
光：我唔知呀……


雲：你咁答即係你好清楚係乜野事啦。一早都話左佢唔會愛你。
光：點解咁肯定呢？
雲：信我。女人嘅直覺。係你地啲男人先至以為係女人都好純情好純真。
光：可能係佢冇時間所以我先好難同佢有其他交流。
雲：係又點唔係又點呢其實？佢會為左你唔要佢而家有嘅野咩？
光：我冇要求佢放棄。
雲：咁你點？成世都係做佢SP？
光：咁佢都未必真係純粹當我係SP。
雲：S唔SP唔係最重要AR。係你冇諗住正正常常咁結婚咩？
光：如果正正常常但唔開心咁點？


雲：你之前同第二個拍拖都開心個喎。
光：但MS張嗰種感覺真係特別唔同。
雲：佢技巧好啲呀？
光：呢個係真。但真係唔淨只呢樣野。
雲：你人生唔係淨係得佢掛。你次次見到我囝囝你都咁開心，你唔想自己有返個？
光望著雲的兒子，無言以對。他們有關MS張的討論也就這樣終止。
 
幾天後，MS張和光又相約了在光家中幽會。在家中等待MS張的光心想：今次一定要問清楚MS張當他是甚麼。MS張下班來到，如常地坐在沙發上吃光為她準備的下午茶。吃著蛋糕，MS張很快就察覺到光今天和之前兩次幽會有點不一樣。之前兩次光都是歡天喜地的坐在她旁邊倚偎著MS張，但今次光卻是坐在另一張沙發與MS張面對面，而且表情有點納悶。於是，MS張就問光：”你今日做乜呀？唔開心？”光只是回應兩個字：”冇野”。

光其實早已想到怎樣道出他心中的不安，但這一刻卻是猶豫不決。他其實早就可在電郵提出自己的困擾，但他很怕一說出來就令到MS張以後不再找自己。現在，即使MS張就坐在他面前，他依然覺得很難才可以鼓起勇氣。



MS張見光好像心事重重，就主動坐在光身邊吻他的臉頰，再捉著他的手說：”你好明顯唔開心喎。有咩同我講呀。我唔想你唔開心。”光沒有說話，只是主動將自己送進MS張的懷抱中。MS張緊緊地攬著他。

MS張：傻豬你做乜野AR？
光：MS你知唔知我好愛你AR？
MS張：梗係知啦。
光：我地可唔可以唔好淨係喺呢度見？

輪到MS張沒有說話。這數星期她認定自己已背叛了婚姻，甘願和光保持性關係，她沒有再想過對光的感情究竟是愛情還是虧欠甚至還有別的。光這條問題，令MS張重新思考這個問題。半分鐘後，光回復正常的坐姿：”你唔答我，我估我明。”

MS張：你明啲乜野？
光：我明你諗緊乜。
MS張：你點會明，你都唔係我。
光：咁不如你講俾我聽你諗緊乜。
MS張：其實……其實我都係諗緊你諗乜。你係咪覺得我同你淨係喺度見，淨係識做愛？


光：唔係咁嘅意思。我覺得以前我地可以四圍去開心啲。當然，而家咁樣我都好開心。但係好似爭咁啲野。
MS張：咁而家係同以前唔一樣。有啲野我都冇辦法。而家去街畀人撞到真係水洗都唔清。

光本想說：”你行上來都會畀人撞到”，但又不敢這樣說。於是他便如此回應：”真係邊度都唔去得？我地一世就匿喺呢度？”
 
MS張聽到“一世”這兩個字，更不知所措。她這幾星期真的沒想過長遠要怎麼樣。她只知道她享受和光做愛。可惜，MS張已經知道光的不滿是因為兩人之間現在只有性愛。她唯有想辦法舒解光心中的鬱結：”好啦！我應承你！我諗個辦法等我地可以出街拍下拖。好唔好？”

光：真嘅？
MS張：畀啲時間我諗下，總之我應承過你，信我好唔好？

光用情深一吻去回應MS張的說話。當光將手放在MS張的乳房上時，MS張在光的耳邊說：”今日唔做愛啦。有你攬下我已經好滿足。”