《喺Ocamp入面，我竟然同時成為兩個女神嘅獵物》: 為｜be

（…）
 
WTF！？
 
「喂，做咩咁問嘅？」我直接致電啊宜。
 
「謙哥，你唔好遲啲先覆機？」啊宜急燥的反應，讓我猜想到事情的嚴重性。
 
「梳啊，我慣咗同人出街唔㩒電話，到底咩事？」我問。
 




「你依家係邊？」啊宜問。
 
十五分鐘後，我出現在啊宜家的樓下。
 
「喂～」我走向啊宜坐下的位置。
 
「你今日，真係約咗芷晴？」啊宜單刀直入。
 
「係啊，到底咩事？」我問。
 




「你有冇諗過一腳踏兩船？」啊宜無視我的問題。
 
「冇啊！」然後我將和芷晴約會的經過告訴啊宜。
 
「哦～恭喜你喎，獸！父！」啊宜此時鬆了一口氣，再用特別的方式祝福我。
 
「多謝你喎，老婆！」我笑著回應。
 
「咁你講得咩事未？」我接著說。
 




「今日突然有好多人搵我，問你係咪同時溝緊芷晴同依晨。」啊宜開始道出事情的來龍去脈。
 
「亦有人問我，第二晚你地到底發生咗咩事。」啊宜說到此時瞥了我一眼，她指的是三人同床睡覺的那晚。
 
「之後有人話見到你地三個去咗開房，而今日就係去咗陪芷晴，聽日係依晨，話你一腳踏兩船，食組女。之後我問點知，佢地就話有人係組嘅group入面傳起先，依家都搵唔到個源頭。」啊宜說。
 
那個告密者很清楚我和她們之間發生的事。
 
「唔…」我正努力從中找出一些蛛絲馬跡。
 
「你估，會唔會係你最熟悉嘅人。」啊宜試探式問。
 
「若果排除有其他人見到，我同芷晴依晨今日同聽日出去而件事，得芷晴、依晨同我知。」我緩緩道出這個事實。
 
「所以，你覺得最大嫌疑嘅係佢地兩個？」啊宜問。




 
「係，但我唔覺得係芷晴…」應該是說，我不想是她。
 
「咁如果唔係芷晴，即係...」啊宜說。
 
「依晨…」我補充了她未完成的句子。
 
「但我諗唔到，佢地會咁做嘅目的。」我說。
 
「如果目的係為咗玩，你覺得成唔成立？」啊宜說。
 
「即係你覺得我一直比佢地玩緊？」我問。
 
「我只係唔會排除任何嘅可能性。」啊宜說得認真。
 




要是這樣的話，今天我和芷晴又算是什麼？
 
「Anyway，聽日你都會見到其中一個關鍵人物，你咪睇下可唔可以係佢身上搵到啲線索囉！」啊宜建議。
 
「依家唯有係咁。」我無奈的說。
 
回宿舍的路上，我看到芷晴給我的訊息。
 
「爸組，你翻到去未？」
 
「唔認我嘅？」
 
「衰人，你去咗邊😡😡」
 
芷晴依舊芷晴。




 
「依家咪翻到囉，啱啱瞓咗嘛☺️」我回覆。
 
「衰人！瞓咗咁耐，係咪去咗搵女仔😡」芷晴快速輸入中。
 
「冇啊！你快啲瞓喇，啱啱係車到瞓到成隻豬咁🤪」我說了一個善意的謊言。
 
「哼，唔阻你準備聽日同依晨出街喇😡早！抖！」芷晴生氣的說。
 
「咁爸組要講清楚嘛🤪早抖喇，最可愛動人嘅張芷晴☺️☺️」我說。
 
不單止要講清楚，更重要的是要找出告密者是否就是依晨。
 
「算你喇！你都唔好咁夜瞓喇！🥰」芷晴說。
 




女生果然說變就變。
 
「收到🥰！」我說。
 
回到房間後，原本睡著的啊軒聞聲醒來。
 
「你條仆街仔，搵咗你成日都唔覆機，我就比人轟炸咗一日，係咁問我知唔知你去咗邊！」啊軒直接對我連珠炮發。
 
「得，你慢慢聽我講！」然後我重新將今天所發生的事告訴啊軒。
 
「唔…」
 
「我收翻早排話兩個都揀而句。」啊軒笑說。
 
「頂你喇！咁你聽完覺得點？」我問。
 
「重可以點，好似你咁講，芷晴一定係忠，依晨一定係奸㗎喇，你都有個前設囉。」啊軒說。
 
「咁又唔係，我未確定。」我說得猶豫。
 
「咁我問你，如果最尾芷晴係奸，依晨係忠嘅，你會點？」啊軒說出一個我不想面對的事實。
 
「我就咁聽你咁講，佢地兩個都有機會爆而件事出嚟，雖然我都諗唔明講出嚟嘅原因。」啊軒接著說。
 
「唔…」我明白他說什麼。
 
「花生我就食完喇，班友我都幫你打發哂，你今晚諗下聽日點去處理依晨喇！我瞓先～」說罷啊軒就躺下按手機。
 
有啊軒這個朋友，一切盡在不言中！
 
那天晚上，我想了很多東西，大多都是幻想即將會發生的事情，到後來我直接不想，因為我知道，計劃總跟不上變化。
 
總之在明天的行程結束之前，我要找出告密者是否就是依晨，這就是我要做的。
 
 
被你無情出賣　由細個到大 就算再偉大　仍恨你太像猶大 - 出賣



歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！！！

P.S. 聽日應該1點會係ig更新，3點會係紙言更新～

小弟最近要開始做功課喇，如果真係遲咗更新，請多多包涵～