《喺Ocamp入面，我竟然同時成為兩個女神嘅獵物》: 成｜become

（…）
 
這一下隔手接吻，再一次加重了我心臟的負荷。
 
「就咁咋，我重係好驚喎～」我笑說。
 
「唔緊要，我重有一個方法！」芷晴笑說，然後鬆開放在我嘴上的手。
 
「咩方法？」我問。
 




「就係玩另一個恐怖機動遊戲！」芷晴說罷就拉著我到達傘兵機動遊戲前。
 
「睇落都唔係好高姐，應該ok嘅！」我心想。
 
「Wo...嘩啊啊啊啊啊啊！」當升到高空時，我才知道，這一點也不矮！
 
「哈哈哈～」我身旁的芷晴看著我這個模樣，開心得大笑。
 
「重笑！都話你冇良心㗎喇！你睇下我對你...嘩...啊啊啊～」當我正在抱怨時，傘兵又再一次下降。
 




「鬼叫你今朝講錯嘢～Wo...」芷晴邊說邊攤開雙手，享受自由落體的感覺。
 
我完美演繹了禍從口出的事例。
 
「算喇，唔玩你喇，我地去玩啲無咁恐怖嘅遊戲。」芷晴說。
 
「最恐怖嗰兩個都比你玩咗喇！」我心想。
 
「咁今朝單嘢係咪一筆勾銷？」我問。
 




「唔係喎，我重有一個願望未用！」芷晴說。
 
「吓，快啲講埋佢喇。」我說。
 
「考慮下～我要去睇Winnie the Pooh！」芷晴說罷便拉著我離開。
 
之後我們基本上是在玩迪士尼版City hunt，遊樂設施是主線任務，和卡通人物拍照也是主線任務，更正，幫芷晴和卡通人物拍照，所有園內活動都是必須完成的，如果有足夠時間。此刻，我累得席地而坐，而芷晴依然精力充沛的在我旁邊不停拍照。
 
「嘩，你唔攰㗎？」我伸了一個懶腰，然後問。
 
「攰啊～」她邊坐邊說。
 
「不過有爸組陪我就唔攰～」她接著說。
 
芷晴總是能在不經意的一瞬間融化我的心。




 
「乜原來我係尿袋嚟！」我笑說。
 
「唔知呢～」芷晴笑說。
 
就在這時，兩道閃光從城堡交叉飛出劃破夜空，然後消失。之後繁星般的煙花伴隨著音樂，照亮了現場的每一個人。
 
I can show you the world, Shining, shimmering, splendid, Tell me, princess, now when did, You last let your heart decide?
 
這時芷晴繞著我的手，將頭依偎在我的肩膀上。
 
我，想好了嗎？
 
煙花散落以後，人群開始散去，但她的手依舊纏繞著我。
 




「爸組，我想玩旋轉木馬。」芷晴抬頭對著我說。
 
「哦，好啊～」我回應。
 
「我係而到影你，你陣間記得望過嚟。」到達旋轉木馬後我說。
 
「一齊上去玩喇～」芷晴說。
 
然後，她坐在內圈，而我坐在外圈。
 
「拖住我隻手影一張。」芷晴說。
 
「咔嚓」
 
照片內是我拖著芷晴的手，她的臉上洋溢著幸福的笑容。我們拖手這個動作一齊維持直到旋轉木馬停下。




 
「跟住，我地去邊？」我問。
 
「我想去睇公仔！」芷晴說。
 
是錢幣跌落的聲音。
 
在紀念品店，芷晴就像一個小朋友似的到處尋寶，不過大多都是看看而已，除了那個她抱了全程的Winnie The Pooh毛公仔。
 
「你係咪想要啊？」我問。
 
「嘻嘻，佢好cute啊～」芷晴笑著說。
 
「咁買咗佢喇。」我說。
 




「Nonono！男仔唔可以亂送公仔比女仔㗎。」芷晴說。
 
「但唔知會唔會買哂喎。」我說。
 
「咁你要快啲諗清楚喇！」芷晴說。
 
最後，我們竟然能從那個恐怖的紀念品店空手而出。
 
「話說，你好似重差我一個願望～」剛離開正門，芷晴說。
 
「咁…你諗好未？」我問。
 
「冇啊，原本諗咗個，但諗諗下好似益咗你，所以都係唔好喇～」芷晴笑說。
 
「咩嚟㗎？」我問。
 
「唔話你聽～」芷晴做了個鬼臉，然後快步走向噴水池。
 
「吓，講喇，講啲唔講啲！」我追著她說。
 
「追到我咪講～」說罷芷晴便走得更快，但沒注意到後方的燈柱。
 
「你睇住啊！」我說，然後跑上前捉住她。
 
「嘩…」在她撞上燈柱之前，我拉住了她。
 
此刻的我們，四目交投。看著芷晴，我沒有猶豫，吻了下去，她亦沒有退縮。
 
Let me share this whole new world with you～
 
其實我很清楚，只有對著芷晴，我才有心動的感覺。
 
「你…你好衰…」輕輕一吻後，芷晴便低著頭向我說。
 
「邊到衰，好彩我拉住你咋，如果唔係陣間你額頭又痴多張嘢喇！」我笑說。
 
「你知我唔係講而樣㗎！」芷晴說。
 
「咁我諗清楚喇嘛！」我說。
 
「真係！？」芷晴抬頭看著我問。
 
「係！啊！」我摸著她的頭。
 
「我鍾意你啊，張芷晴！」然後接著說。
 
「但我依家唔鍾意你喎～」芷晴笑著說。
 
「吓？」我疑惑。
 
「講笑咋傻仔！不過我想你同依晨講清楚，之後我地先…」芷晴說，我知道這是我必須要做的。
 
「我明，我會同佢傾㗎喇！」我說。
 
「你明就好～我肚餓喇，要快啲出去食嘢！」芷晴說罷就繞著我的手走向地鐵站。
 
吃過晚飯後，我便送芷晴回家，原來她住在紅磡。
 
「係呢，你啱啱咪話重有一個願望嘅，係咩？」我在她家的樓下問。
 
「你咪做咗囉，重問！」芷晴紅著臉說。
 
「吓，即係咩？示範下～」我笑著說。
 
「唔益你啊，咸濕仔！我走喇，你翻去小心啲！」芷晴說。
 
「知喇！翻到去同你講！」我看著她步入大堂，才安心離開。
 
然後，我打開整天沒有用過的手機，發覺訊息的數量異常的多。
 
「喂，你今日約咗芷晴咩？」啊宜問。
 
「啊謙，你比人傳緊食組女喎，咩事啊？」啊軒問
 
WTF！？

A whole new world, That's where we'll be, A thrilling chase, For you and me － A Whole New World


歡迎大家follow我ig：9.shoots，果邊應該會更新得快啲，同埋會容易覆到大家嘅留言，大家嘅follow同like都係我寫落去嘅動力嚟㗎！！！

P.S. 聽日應該1點會係ig更新，3點會係紙言更新～

小弟最近要開始做功課喇，如果真係遲咗更新，請多多包涵～