因為我個仆街老豆 我被下了一個賓周會變短的詛咒: 47. 錯誤
故事回到兩個多月前全人造星決賽剛完成的第二日。
「紫盈，今晚得唔得閒呀?」Jolian在房內問道。
「ok ar，乘風明天考試今晚要溫書都唔得閒陪我。」對此周紫盈已完全習慣。
「咁啱喇，我啱啱約咗曹子仁今晚幫佢慶祝拎冠軍呀，預埋你㗎喇~」
「下? 應該好多人想同佢慶祝㗎喎，佢咁得閒理你?」周紫盈有點驚訝。
「可能哩度先有佢最想同佢一齊慶祝嘅人呢~」Jolina望著周紫盈露出不懷好意的笑容。
「費事睬你…」周紫盈當然明白她意有所指。
「咁預咗你㗎喇~不過佢依家唔方便喺出面露面,，所以地點會喺哩度，我一陣會出去買定酒同食物~」Jolina繼續奸笑說道。
其實在早一段時間，當周紫盈和曹子仁越走越近，有一天曹子仁終於向她表白而她亦意識到問題的發生因而產生了迷茫。不過在和李乘風那天的對話後，一來她知道了曹子仁原來已經有女朋友，二來她亦覺得自己要及時修正錯誤避免事情惡化，所以那次之後，周紫盈都有努力抽身迴避曹子仁。不過這次適逢曹子仁真的拿了冠軍，而且又有Jolina在,場而不是單獨二人，她覺得自己再推卻又好像有點說不過去。最重要是，周紫盈想知道那首歌的意思，在看完曹子仁的演出後這心癮一直纏繞著她。
於是這一晚，她們三人便躲在房內飲酒談天慶祝，誰知去到中途，Jolina接了個電話後便說屋企有事要先離開，任周紫盈怎樣挽留她她亦沒有理會。房間只剩下她和曹子仁後，氣氛立時變得詭異。
「再恭喜你成功奪冠，正式成為一個明星~」為了打破尷尬，周紫盈舉杯再和曹子仁慶祝。
「多謝~ 其實我贏到有好大功勞係因為你…」曹子仁笑著又帶點落幕地說。
「我? 關我咩事?」明知不應該問，周紫盈還是忍不住面紅紅地問道。
「因為你，首歌我先可以唱得咁有感情…」曹子仁望著周紫盈深情說道。
「曹子仁…」其實當周紫盈看到電視畫面的時候也有這疑惑，她有個感覺對方好像是唱給自己聽，無可否認，那刻她確實有點感動。
「就算妳的愛 屬於他了 就算妳的手 他還牽著 就算妳累了 我會在這… 紫盈，我呃唔到自己，我真係好鍾意你，你明唔明點解我決賽要唱哩首歌?」曹子仁用他優美的歌聲唱了兩句，然後藉著酒意突然上前抱著周紫盈說。
「你唔好咁啦… 你有女朋友，我有男朋友㗎…」雖然感動，但反射動作周紫盈想推開曹子仁。
「我唔理我唔想諗，我淨係知我依家好鍾意你! 你都唔好呃自己啦，我知你對我唔係無感覺…」曹子仁抱得更緊不讓周紫盈推開。
「我地咁係唔啱㗎…」還想掙扎但感受到對方的溫度周紫盈已經開始動搖，反抗力量亦越來越細。
「就算係錯，就算要同全世界做敵人，只要可以得到你我都唔介意…」感受到周紫盈的動搖，曹子仁沒放過周紫盈直接吻上了她的櫻唇。
由於Jolina之前一直存在，周紫盈沒特別戒心下不知不覺已喝了不少的酒，在酒精作用下，再加上曹子仁高超的手段和深情的說話，本身好感值又早已刷滿，周紫盈再掙扎了兩下不果後，亦開始動情然後回應著曹子仁，結果這晚曹子仁成為了周紫盈生命中第二個男人。
到到二天，當周紫盈醒來看見曹子仁和自己正赤裸裸地躺在床上後大吃了一驚，心裏亦感到萬分後悔和內疚。當李乘風打來時，她完全不知該怎樣回應和面對李乘風，只好先推卻李乘風的約會。
而不知自己其實早已陷入了Jolina的圈套，在晚點當她看見Jolina回來後更立即哭著把和曹子仁發生了關係的事告訴了Jolina。
Jolina強忍著奸計得逞的喜悅，開始安慰周紫盈
「你冷靜啲先… 李乘風依家仲未知道發生咩事，你唔好自亂陣腳住，我反而覺得你應該襯機攪清楚自己感覺先，問心嗰句，你係咪都鍾意咗曹子仁?」
「我承認對佢係有感覺…. 但唔代表我唔鍾意乘風呀…」周紫盈徬徨地說。
「先唔好諗啲道德枷鎖問題先，你自己諗下點解會鍾意咗曹子仁? 除左因為佢charming外，好大原因就係因為你同李乘風嘅感情都開始變淡，你諗下你地見面次數係咪越嚟越少? 佢係咪好似無以前咁緊張你同著緊你? 同時間，你同曹子仁呢? 你同佢相處開唔開心?總有啲嘢係佢先吸引到你嘅… 話唔定只係習慣同埋道德觀念，令你以為自己仲好鍾意李乘風，而事實上早已經唔係咁?你自己諗下近排你係咪都唔太想理佢?」Jolina裝作很認真地分析。
「唔係㗎...我唔想放棄李乘風，我唔想對唔住佢呀…」沒經思考周紫盈便否認。
「傻女，我唔係叫你放棄李乘風呀，我只係叫你攪清楚自己感覺先咋… 男未婚女未嫁，你仲咁後生無話一定要一生一世，最緊要係揀得啱。反正錯已經造成，你咪將錯就錯再觀察下先囉，唔駛即刻扼殺咗左曹子仁嘅機會㗎。你唔想對唔住李乘風，無人叫你再同曹子仁攪嘢，但都可以照同佢傾偈相處下，認清自己個心先再算格。到時如果都係覺得自己鍾意李乘風，你咪可以好安心咁繼續同佢一齊囉…」Jolina繼總下藥。
已經有點六神無主的周紫盈竟聽從了Jolina的意見，起初她也嘗試努力去重拾和李乘風的關係，可惜李乘風的忙碌總是經常讓她失望。相反，曹子仁自從那天後，對周紫盈展開了更猛烈的攻勢，再加上Jolina暗中幫忙，周紫盈的心亦慢慢由罪疚變成了享受。她開始放開自己的道德枷鎖和曹子仁越走越埋，然後有一天，他們藉著酒精再次發生了關係，自此，曹子仁漸漸取代了李乘風在周紫盈心目中的地位，而之後每次看見李乘風後所產生的內疚感亦讓周紫盈越來越想逃避對方。
-------------------------------------------------
「乘風… 對唔住…」回想起整件事，周紫盈其實都覺得有點匪夷所思，自己以前曾經是那樣地深愛著眼前的這個男人，但原來當面對著引誘和考驗，一切都可以是如此的不堪一擊。
到底感覺是從何時開始改變? 是二人感情不自覺慢慢丟淡? 還是曹子仁出現那一刻已經開始?周紫盈自己也不知道… 不過一邊說著整件事情的始末一邊她亦突然意識到自己好像掉入了自己好姊妹的圈套。
「你記唔記得我地初初一齊嗰陣你同我講過啲咩?」也許這幾天早有心理準備，李乘風這刻雖然心如刀割但還能保持理性未至於失控。
「我記得… 」
「你講過只要我個心有你，你永不相負，永遠都會愛我唔會離開我... 依家呢? 我個心從來無離開過你，但你呢? 係，我可能係忙間中忽略咗你… 但係咪咁就代表你要搵第二個? 你同佢一齊嗰陣有無諗過你當初嘅諾言?」李乘風問道。
「係我對你唔住…」想起昔日自己信誓旦旦，這刻周紫盈只覺得異常諷刺和充滿著愧疚。
「點解你地一個二個都要咁對我… 我到底做錯咗啲咩? 係咪本身全心全意愛一個人就係錯， 所以我要換嚟永遠傷心嘅懲罰? 你係咁Miss Lui又係咁… 你仲記唔記得當初係你叫我唔好唔信愛情叫我唔好變? 估唔到變先嗰個竟然係你自己…」越說越激動，想起以往的回憶，這刻李乘風已經淚如湧泉。
「或者大家嗰陣都好天真，以為感情真係淨係鍾意同唔鍾意咁簡單… 但原來除咗哩樣嘢，仲有好多其他因素，係我諗得太簡單…」周紫盈嘗試去解釋，事實上這件事亦確實令她對愛情有了另一番見解，又或者說是對自己有了另一番見解。
「係… 或者係因為我地都太年輕，我竟然會相信你，仲會相信愛情… 不過變心就係變心，唔駛咁多解釋，周紫盈我地分手啦... 多謝你為我上咗寶貴嘅一課… 」不想再留在這房間，說完李乘風便站起來離開了這房間。
望著李乘風的背影，周紫盈猶豫過想留住李乘風，因為他知道當他離開了這房間，他們便再沒有挽回的可能。可是話到嘴邊，她發覺自己已再不能給他甚麼承諾，與其將來可能讓他再傷心一次，倒不如現在為他做最後一件事就是讓他離開。
這件事後，周紫盈對自己亦彷彿有了全新的認識，原來自己並不是專一，只是一直眼角太高沒有多少男人能讓自己動心而已，當有一日這個人出現了，自己還是會三心兩意。
當日愛慕萬分的男神，不知是因為得到了，還是因為自己眼界不同了，不知不覺間原來自己對他已經再沒有當初那種怦然心動而只有日積月累的感情，而這並不足夠滿足自己。
李乘風傷心地離開的時候，卻在樓下碰見了另一個人。
「走喇? 睇你個樣紫盈應該都作出咗決定喇喎~」Jolina收到曹子仁通知便趕了回來等看好戲。
「其實我真係想知道，我到底幾時得罪咗你…」李乘風望見Jolina，恨意十足，因他知道對於周紫盈的變心，這個女人背後肯定出了不少力。
「你記唔記得我地第一次見面嗰陣發生過咩事?」Jolina用一種像玩弄寵物的眼神看著李乘風說。
「我自問應該無得罪過你…」李乘風不明白。
「第一眼見你其實我就已經兩眼發光，但當我扮唔覺意掂到你嗰陣，你就好似遇到洪水猛獸咁即刻縮開… 之後嗰一晚我有試過message想約你食飯，點知你狠狠咁拒絕咗我，話要叫埋周紫盈先得，哩兩個拒絕對我簡直係天大侮辱! 然後有次你仲寸我配唔起你啲醫生同學…之後越見你同周紫盈越恩愛，我就越妒忌越睇唔過眼，暗地裏我同自己講總有一日我一定會令你地分手，睇下你地恩愛得幾耐! 」Jolina突然露出了滔天恨意地說道。
「就係因為咁? 你痴線㗎? 紫盈係你朋友嚟㗎，亦係我女朋友，避忌係好正常啫!」不是Jolina提起李乘風亦真的記不起這件事。
那時純粹覺得有周紫盈會合適一點，而那次後Jolina亦再沒有找過自己所以很快自己便沒再把這件事放在心上，李乘風從沒想過竟是因為這樣把這個妖女得罪了。
「我唔理! 由細到大我睇中嘅嘢就一定要得到，我唔容許有人睇我唔起! 講你聽，曹子仁其實曾經都係我嘅入慕之賓，不過之後大家都玩厭咗，我地就有個agreement以後要互相幫大家獵食。本身其實你地感情咁好都真係唔係咁易介入，直至有日我見到佢喺全人造星見到曹子仁後兩眼發光個樣我就知機會嚟喇~今次我幫左佢咁大忙，佢有排還喇哈哈！」Jolina說到後段突然又放聲大笑。
聽到這裏，李乘風為周紫盈心痛了一下。認識到這個朋友，也是她的不幸吧... 霎時間，他好像沒再那麼恨周紫盈，因為很大的一部份恨都已經轉移到眼前這女人和曹子仁身上。
「不過雖然係我推波助瀾，但其實都要你個ex本身本性係咁先得嘅， 就算無我，將來你地都一樣會有哩一日。」感覺到李乘風的恨意，Jolina雖然有點滿足，但同時間她的心突然又有點痛楚和失落，不想把話說得太絕，於是稍為改了語氣嘗試說出一些修補的話。
這時，李乘風突然醒起Kenny曾經對自己說的一句話。
「你女朋友好靚女，不過好好睇實佢啦，特別係當有一個可以同你匹敵或者比你更優勝嘅男人喺佢身邊出現嘅時候。」
(原來Kenny見咗佢一面就已經睇通睇透，相反自己同周紫盈一齊咗咁耐竟然仲唔敢Kenny了解佢…)
確實，一隻手是拍不響，雖然是有人設計，但亦不能說周紫盈完全沒有責任。當然歸根究底，最錯的還是自己竟相信真的有一生一世不變的愛情。
李乘風沒有再回應Jolina，這刻他只是覺得很累，很想找個地方好好冷靜下來。