因為我個仆街老豆 我被下了一個賓周會變短的詛咒: 35. 再見Miss Lui

暑假過去，這天李乘風亦直式踏入了最後一年的中學生涯。懷著忐忑的心，他踏入了班房，是的，經過了接近兩個月的時間後，他終於會再次見到Miss Lui。
 
「大家好，好耐無見喇，今年係你地中學嘅最後一年，亦係你地要考公開試嘅一年，所以好好珍惜今年，不過記住享受喺哩間學校同同學仔一齊上堂嘅時間之餘，都要比心機溫書呀，老師希望你地全部都入到自己想入嘅大學同科目。」
 
久違了的聲音讓李乘風有點彷如隔世的感覺，曾經這個和自己親密無比的女子，現在卻已變得陌生。不過當他細看她的臉容時，雖然比暑假前好了點，但明顯地，她還是帶著點憔悴和哀愁。而當他正在注視著Miss Lui的這刻，突然Miss Lui亦注視著自己，然後兩人都把目光刻意移開。
 
Miss Lui當然不時亦會扮不經意地望向李乘風。直覺讓Miss Lui覺得李乘風的心情比之前好回不少，甚至有時竟然帶有點春意和戀愛的笑容，縱使每次當他望向自己，心情還是會驟然低落一會，然後她又發現另一位同學的笑容整天都比蜜糖更甜蜜，這讓她有了點不好的猜度。
 
「嚟緊我會單獨約見你地同你地傾下你地嚟緊考試同揀科嘅事，希望可以比到啲意見同幫助你地，今日就由全班第一嘅李乘風先啦，放學之後嚟搵我。」Miss Lui還是忍不住宣召了李乘風想和他說幾句話。
 




事實上MIss Lui這兩個月當然過得不會好，失去了李乘風後讓她更是抑鬱，幸好多了Daisy的陪伴和安慰，她才能挺過來。Daisy亦盡力在自己的工作編更上做些手腳，多了即日來回的航班，或是故意在晚上前回港好讓David 難以去找Miss Lui。雖然不能做到100%，但至少也大大減少了Miss Lui痛苦的時間。
 
因為這傳召，李乘風整天都沒有專心上過堂，好不容易捱到放學，在教聯室外來回踱了數次步之後，他還是鼓起勇氣進入去找Miss Lui。
 
「Miss Lui... 」他艱難地說出這個稱呼。
 
「嚟左喇?我地去另一間細房度傾啦。 」看見李乘風，Miss Lui拿起了份文件便和李乘風走到旁邊另一間細房並關上門。
 
二人各自坐好
 




「你... 近排幾好嗎?」Miss Lui首先問道。
 
「還可以啦... 你呢?」
 
「我都幾好...」Miss Lui言不由衷。
 
「但點解我覺得你面色仲係咁差，個樣仲係唔開心咁?」李乘風關心問道。
 
「係咩? 可能係累同啱啱開學未適應返啫... 好啦，我地講返正題先，你諗住大學揀咩科?」Miss Lui不想在自己的話題上糾纏。
 




「可以嘅我想讀醫或者藥劑。」李乘風認真答道。
 
「雖然收好高，不過以你嘅成績，唔失手應該都可以嘅，點解想讀哩兩科?」Miss Lui好奇。
 
「因為我想發明一種手術，可以幫人換咗個心或者腦，等佢地唔駛再記住啲唔開心嘅記億，又或者發明一種藥，等人飲完可以忘記晒所有唔開心嘅事...」李乘風直望著Miss Lui雙眼說。
 
「乘風...」這讓Miss Lui心裏驟然又一痛。
 
「講笑啫... 因為我媽係病死，所以我希望可以救返多啲人。」李乘風沒有咄咄逼人。
 
「係你嘅話一定可以做個好醫生... 哩年比心機做多啲 past paper，唔好粗心大意應該問題不大㗎喇...」Miss Lui聽後鼓勵道。
 
「多謝Miss Lui...」
 
「咁今日傾到咁先，有咩問題隨時再搵我啦...」雖然不捨得，但話題既已說完還是要道別。




 
李乘風走到門口前，猶豫了一會然後又突然回頭
 
「Miss Lui你仲同緊David 一齊?」
 
「嗯...」Miss Lui呆了一呆，然後很細聲答道
 
「明白...」李乘風失望地說完便轉身打算開門出去。
 
「你係咪同咗周紫盈一齊?.」就在李乘風的手已搭上門柄預備開門時，Miss Lui又突然從背後問。
 
「你點知?」下意式李乘風轉回身問。
 
「睇佢同你嘅表情唔難估到啦...」Miss Lui 心一痛裝作沒事。
 




「件事唔係你諗咁㗎... 係意外...」李乘風帶著歉意想解釋。
 
「係點都唔緊要啦，亦唔需要同我解釋... 你可以move on，Miss Lui替你開心， 不過記住唔好掛住拍拖唔溫書呀...」Miss Lui 勉強笑著作最後叮囑。
 
「Miss Lui...」這不是李乘風想聽到的答案。
 
「好啦，有咩遲啲再傾，你走先啦...」Miss Lui把李乘風趕走，然後兩滴淚水從眼裏開始流下。
 
 
 
「Daisy我話你聽呀，李乘風有新女朋友喇...」這晚Daisy在香港和Miss Lui在家吃飯，Miss Lui緩緩說道。
 
「下，咁快!?」Daisy有點吃驚。
 
「係囉，好快呀可?」Miss Lui苦笑道。




 
「are you ok?」
 
「唔開心係實有，但另一方面我又替佢開心，至少佢唔駛沉溺係我比佢嘅傷痛之中，又搵到個更適合佢更有將來嘅女仔...」Miss Lui說出不知是真心話還是安慰自己的說話。
 
Daisy:「個女仔係?」
 
Miss Lui:「Musical個女主角，其實都暗戀咗李乘風好多年㗎喇...」
 
Daisy:「但我記得你嗰陣講過話佢好似同好多男仔都有來往，驚佢花心㗎喎...」
 
「佢應該係鍾意靚仔同埋鍾意啲人對佢好，但或者我睇錯啦，不知不覺其實佢都鍾意咗乘風咁多年...」Miss Lui想了想後答。
 
「咁可能只係因為李乘風暫時係學校最靚仔嗰個啫... 不過哩個李乘風，變心變得咁快， 我睇錯佢呀!」Daisy為Miss Lui憤憤不平。
 




「緣份嘅嘢有時好難講，可以突然間嚟，亦都可以突然間走... 點都好，我會祝福佢地，始終哩一刻我根本無資格去留住佢...」
 
「唉...我個傻婆...」Daisy放下碗筷走過去抱著Miss Lui。
 
「再比啲時間我，我開始查到啲嘢㗎喇，可能好快，我地都可以從個人渣手上甩難...」過了一會，Daisy安慰Miss Lui。
 
「有發現?」Miss Lui帶點期望問了句。
 
「嗯...經過我努力調查，我大概知道佢啲嘢係save喺邊，但我要確保我搵到所有location先可以行動，如果唔係delete淨一度都係無用，仲要打草驚蛇之後想再搵返都難...」Daisy解釋。
 
「應承我，最緊要係你安全。同埋...如果無100%把握，個行動一定要等乘風入咗大學後先可以做...」Miss Lui語重心長答道。
 
「知喇...我個家寶真係太偉大...」Daisy把Miss Lui抱得更緊。
 
「有人同我講過，鍾意一個人就係事事以佢為先㗎啦...」Miss Lui陷入了回憶中，然後嘴角又不期然笑了一笑，只是這笑容在Daisy眼中卻只是讓她感到心碎。