嘉姐(32) 斷正: 爆房

同嘉姐行，經過酒店時見到好多人，嘉姐講：「點解咁多人嘅？」

「個個嚟酒店爆房囉。」

「睇完燈飾爆房？」










嘉姐（10）爆房
________________



同嘉姐Kiss…



竟然會同嘉姐kiss。

曾經有諗過，估唔到會發生。

唔諗喇…

嘴喇！

決定唔諗咁多，專注响嘉姐嘴唇質感。嘉姐嘴唇柔軟，有種芳香味…



芳香味可能係唇膏。

品嘗到芳香味，再去啜嘉姐個嘴。

當啜果時feel到有口水啜出…

嘉姐係kiss到張開口？

既然擝大口，咁我就伸條脷入去。

當脷伸出掂到嘉姐嘴唇時，嘉姐即刻縮開：「伸埋脷咁狼？」

吓？

嘉姐個甜絲絲咁，知道佢唔係怪我，我就講：「妳嘴唇好甜，我想舔舔自己嘴唇之嘛。」



「真係？」

「係。」再嘴嘉姐一嘢，嘉姐笑笑推開我：「你係咁錫，我啲唇膏甩哂喇！」

「甩哂咪再搽過囉。」

「哼！」

嘉姐哼一聲，然後行開去。頭先拖住佢行街，而家點可以放佢走呀！

即刻走上去拖住佢。一拖嘉姐望住我：「又想保護我？」

「係呀，得唔得？」



「咁呀？」嘉姐諗一諗，之後講：「咁好喇，俾你保護我。」

嘉姐俾我拖住，我覺得好開心，望住佢笑哂口。我熱烈笑容下，嘉姐望住我都笑…

大家好開心，嘴完再拖手睇燈飾。

其實話就話睇燈飾，我個心都唔响燈飾到…

响嘅梗係嘉姐喇。

佢一身性感成熟打扮，實在靚到超班。黑絲高衩响行走時不斷勾引男人目光，個個拖住女友都望嘉姐…

如果佢哋知道嘉姐著T back，會唔會背住條女抄嘉姐牌呢？

肯定會！



不過死心喇，嘉姐响我手上你哋抄唔到牌！

嘿嘿！！

拖住嘉姐咁靚嘅女，真係無得輸！！

當自豪時行過間酒吧，嘉姐講：「行到好攰，不如坐低飲杯抖吓吖？」

「好喔。」

嘉姐揀咗個露天圓枱高櫈位坐。一坐低裙擺垂得更低，露出更多大腿。黑色絲襪、絲襪邊、絲襪帶、白淨大腿盡現眼前，多重誘惑之下睇到我扯旗！

唔得，俾嘉姐知道一定會嬲。



為分散注意力，我唔望腳望向嘉姐個樣。佢飲咗杯酒塊面少少紅，好似搽咗胭脂咁好靚。

嘉姐咁靚，吸引到我望實佢。

望到嘉姐講：「我發覺你成晚望住我喎。」

「係咩？」

「你咪唔好認囉。」

「認，咩唔認呀。」我講：「嘉姐咁靚，我無可能唔望囉。」

「哼！又口花。」嘉姐笑笑呷啖紅酒，當紅酒沾濕嘴唇，我好想試試紅酒…

試試嘉姐嘴唇紅酒。

我想試嘉姐嘴唇紅酒時，有幾個鬼佬都俾嘉姐吸引到，行埋嚟搭訕。

「Hi，pretty girl。」

「Hello。」嘉姐回應。

「You are so hot！」鬼佬講：「May I sit next to you？」

鬼佬擺明撩嘉姐，嘉姐唔受收起笑容搖搖頭。

鬼佬食檸檬，講：「Come on，we just…」

佢未講完，嘉姐插嘴：「I just want to be with my boyfriend tonight。」鬼佬聽到就啤住我，我都啤住佢講：「I just want to be with my girlfriend tonight。」

我一講完，嘉姐即刻爆笑咗！

嘉姐笑我學佢講英文…

哈哈哈！！

佢笑我又笑，笑到啲鬼佬無哂癮自己耍退。

「妳都好大魅力喎。」

「你而家先知，遲唔遲啲呀！」

「成日惹到啲狗公，睇嚟我要做妳body guard。」

「狗公…」嘉姐聽到狗公兩字，若有所思咁靜咗…

嘉姐到底咩事？

「妳…」

「我哋走囉。」嘉姐提議走，聽佢話埋單之後走。當埋單後，嘉姐主動拖住我隻手。

拖住靚女嘉姐行街，我又陰陰嘴笑。

我笑俾嘉姐見到，講：「又响到傻笑，你以前唔係咁格。」

「拖住嘉姐，開心到傻笑正路喇。」我講：「係喎，頭先妳同啲鬼佬講我係妳男朋友？」

我講完嘉姐嗡嗡鼻無答。

算喇…

都錫過嘉姐，同佢拖咗成晚，賺哂喇。

同嘉姐行，經過酒店時見到好多人，嘉姐講：「點解咁多人嘅？」

「個個嚟酒店爆房囉。」

「睇完燈飾爆房？」

「係呀，浪唔浪漫呢？」我用手踭推推嘉姐，嘉姐笑笑講：「咁叫浪漫咩？」

「梗係浪漫喇，睇完燈飾錫完嘴仔…」未講完嘉姐就打我。

「哈哈。」我講笑：「去唔去浪漫吖？」

「哼！」嘉姐哼一聲回應。

「不過就算想，咁多人爭都未必有房。」我想拖嘉姐走，但係嘉姐企定定唔郁。

「妳企定定做咩呀？」

「試吓囉。」嘉姐講：「唔試吓，點知有無房？」

試吓有無房？

嘉姐意思係，佢肯同我去爆房？





                                                                                                   待續