嘉姐(31) Goodbye Stephy: 做咗我條女？
「係…」嘉姐一講就俾人撞到佢跌一跌，我梗係即刻扶佢。
「有無事呀？」
「無事。」嘉姐講。
「真係勁多人。」我拖住嘉姐講：「等我保護妳喇。」
「哦？」嘉姐笑笑講：「唔該哂喎。」
「唔駛客氣。」
同嘉姐笑笑拖手，一路行大家一路互望…
個feel好似拍拖。
嘉姐（9）做咗我條女？
_______________________
响餐廳，我同嘉姐兩個人食飯。
自從果晚揸過嘉姐個波，而家同佢相處好似有啲唔同…
有少少尷尬。
望向嘉姐，嘉姐又望住我。
大家對望一陣，嘉姐先開聲：「呀神，你都畢咗業，搵工未呀？」
「有呀，去咗interview等消息。」
「如果無消息嘅，嚟我間公司做吖。」嘉姐講：「橫掂唔夠文員。」
「去妳間公司？」我問：「妳做經理，不如請我做秘書喇。」
「有秘書喇。」
「唉，真可惜。」
我把口話可惜，其實唔想去做。唔係因為嘉姐高級過我，而係一齊做嘢實有拗撬，到時反面就唔好。
「唔。」嘉姐輕哼一聲，就𠌥低頭食飯。佢著住件白恤衫，响領口位見到少少波罅…
响個白色bra中夾出。
個bra係咪細咗啲呢？搞到波罅夾出，唔似平時咁自然…
係嘉姐返工戴個bra唔啱size？
係我問題，成日買啲sexy bra，應該買返個俾佢返工戴。
我望住嘉姐波罅，碌嘢開始有反應時佢食完抬起頭，講：「我夠鐘要返工喇，你食完未？」
「我都食完喇，一齊走。」
「好。」
埋咗單之後我陪嘉姐返去，同住著白恤衫、黑短窄身裙、黑絲黑高踭鞋嘅OL嘉姐一齊行，個感覺唔錯…
唔錯原因當然係勁索OL喇！
如果配埋眼鏡，真係J死人！
望住嘉姐側面，我响度諗。
望住嘉姐，俾佢發覺到：「做咩係咁望住我？」
「無呀，覺得妳好靚。」
「覺得我好靚？」嘉姐講：「點解無喇喇咁講？」
「唔係無喇喇，咁妳個OL look係靚吖嘛。」我氹氹嘉姐，佢聽到就擰返個頭向前望，嘴角一絲微笑，然後輕輕嘆氣。
嘉姐嘆氣…
Why？
想知，不過唔會問佢…
知道問都唔會講…
所以繼續前行。
當行多幾步，見到條街好多聖誕裝飾。
「嘉姐妳睇，好多聖誕裝飾呀。」我指指裝飾，嘉姐都跟住我手指望。
「係呀，就快到聖誕。」
「妳聖誕有無假放？」
「有呀。」
「咁妳…」我講講吓就去到一幢大厦，有幾個OL見到嘉姐就同佢打招呼，嘉姐都禮貌回應。
「呀神，我返上去喇，bye bye。」
「Bye bye。」
同嘉姐say goodbye，班OL望住我好似發現新大陸，對我好有興趣吱吱噚噚…
睇嚟都係是非精。
唔理是非精，望住嘉姐行入電梯大堂背景…
佢黑絲高踭鞋，行响大堂發出噠噠聲…
係高踭鞋踩落地下發出嘅聲音。
配合住嘉姐身軀行動時扭動姿態，靚到身邊既人都望住佢。
嘉姐平時都咁吸睛？
佢咁靚女，都唔出奇嘅。
如果我真係同佢一齊返工，咪會引起哄動？
哈哈，靚仔靚女係惹鬼啲。
到平安夜黃昏，嘉姐已經出咗去拍拖，而我都有約會…
對象係Fiona。
其實都唔算係約會，只不過無聊，佢又約我所以應承同佢出街。
今晚平安夜，佢會唔會想失身俾我呢？
當打扮完畢，啱啱出門時收到嘉姐電話：
「呀神，你係咪响屋企？」
「都算係嘅。」一隻腳响門外、一隻腳响門內，所以我咁答。估唔到我模稜兩可答案激嬲嘉姐。
「係就係，唔係就唔係！」嘉姐頗激動咁。
「我啱啱一隻腳出咗門…」我講：「妳有咩事？」
「我…」嘉姐語氣急轉，無嚟氣色咁講：「你去街？」
我去街？
嘉姐好少咁問，加上怪怪哋咁，我再套套佢：「去買報紙啫，妳係咪有事搵我？」
「我…」
嘉姐性格唔會吞吞吐吐，一係講、一係就完全唔講，憑佢咁肯定有事！
「妳有嘢發生咗？」
「我…」嘉姐講：「無嘢喔。」
「妳…」原本想再問佢發生咩事，不過再追問肯定會收我線，所以我講：「妳响…」
想問嘉姐响邊果時，佢先講：「你得唔得閒？」
我得唔得閒？
「OK呀。」
「可唔可以嚟尖沙咀陪我？」
去老尖？
係喎，約咗Fiona去旺角…
不過Fiona係攝時間，難得嘉姐約我梗係去喇！
何況嘉姐好似有啲事…
就放Fiona飛機，去老尖陪嘉姐喇！
「好呀，而家出門！」
「好喔，我哋响地鐵站等。」
同嘉姐確定地點，打俾Fiona講甩底。
「Sorry呀，我有事嚟唔到。」
「吓，我哋約好咗喎…」Fiona失望語氣。
「真係sorry，下次請妳食飯補數。」
「請食飯補數…」Fiona講：「你約咗第二個女仔？」
約咗第二個女仔？
咁都估到？
「唔係，唔係。」係嘉姐約我，唔係我約。
「唉，咁算喇…」Fiona講：「下次食飯唔準放我飛機呀。」
「好，應承妳。」
同Fiona收線之後，諗諗吓點解我好似背住Fiona偷食咁…
Fiona同嘉姐都唔係我條女…
奇？！
出門搭車，好快就到尖沙咀。去到地鐵站見到有個靚女淺啡色長髮，一對明麗桃花眼，鼻尖尖面尖尖，櫻桃小嘴配一粒淺淡銷魂墨…
佢著住條呆帶黑色連身裙，吊帶唔係低胸，只係見到少少波罅，但係條裙都貼身，顯出身材玲瓏浮凸…
條裙長到膝頭附近，而裙下係黑絲黑高踭鞋…
一身配搭，加上美貌勁吸睛！
咁靚嘅女，唔駛講都知道係嘉姐！
「Hi！」見到靚女嘉姐，我笑哂口同佢打招呼，嘉姐禮貌式回應。
「妳著到咁靚嘅！」我讚嘉姐，嘉姐講：「你都唔差吖。」
「多謝！」原本同Fiona出街，所以都著靚仔啲…
雖然本身都靚仔。
「妳想去邊？」
「你餓未？」
「咁我哋去食嘢？」我提議，嘉姐say yes，咁就一齊去食dinner。
嘉姐一起步條裙就擺動，一擺動見到條裙前面右邊開高衩，衩位見到黑色絲襪帶扣住黑絲…
Oh！！
So sexy！！
嘉姐條絲襪帶好吸引男性目光…
引到我忍唔住係咁偷望！
偷望時嘉姐發現到，我就即刻將視線轉移；隔一陣又偷望，嘉姐見到我又擰轉面…
大家一輪攻守後去到間餐廳，坐低後我問：「妳自己一個出尖沙咀？」
沉默一陣後，嘉姐點點頭。
「早啲同我講，等我陪妳吖嘛。」
「你而家咪陪我囉。」嘉姐講：「叫嘢食先喇。」
「好，收到。」
同嘉姐食嘢傾計，大家有講有笑，個氣氛都唔錯。
我無追問佢點解一個人著到咁靚嚟老尖，亦都無問佢點解要我嚟陪佢。
唔係唔想知，而家唔想迫佢講。
所以全程講嘅都係無特別話題。
响餐廳坐咗好耐，我講：「不如去睇燈飾？」
「好吖。」
埋咗單就去行街。街頭好多燈飾，响幽暗天色下照映出滿街路人。好多拖友嚟哂睇燈飾，聖誕節真係浪漫節日。
响浪漫節日，睇住啲男男女女拖哂手。望住身邊嘉姐，有啲想拖佢行街街。
想拖時條街越嚟越多人，個個迫住哂我就講：「小心呀。」
「係…」嘉姐一講就俾人撞到佢跌一跌，我梗係即刻扶佢。
「有無事呀？」
「無事。」嘉姐講。
「真係勁多人。」我拖住嘉姐講：「等我保護妳喇。」
「哦？」嘉姐笑笑講：「唔該哂喎。」
「唔駛客氣。」
同嘉姐笑笑拖手，一路行大家一路互望…
個feel好似拍拖。
就响哩個時候，有個少女捧住啲花過嚟講：「靚仔，買花送俾女朋友吖！」
「買花？聖誕節唔係情人節喎？」
「唏，咪孤寒喇。妳條女咁靚，唔捨得送花唔驚俾人媾咗呀？」
我條女？
聽到佢咁講，我自然望向嘉姐。嘉姐無乜特別反應，只係嘴角粒墨微動。
見到微動，我收到喇。
「好，我買。」買咗花送俾嘉姐：「送俾妳。」
「多謝喎。」嘉姐始終係女性，收花難免露出微笑。見到佢笑我就講：「咁妳唔好俾人媾咗喎。」
「蝦！」嘉姐笑笑打我，我就捉住佢隻手唔俾佢打。拉拉扯扯下捉住佢雙手舉高，亦因此將嘉姐拉到我跟前。
嘉姐對波頂住我胸口，應該係誘惑舉動，但哩刻不存在歪念。
存在既係溫馨氣氛。
嘉姐抬高頭望住我，大家收起笑容互望…
時間停頓於這一刻。
10…
9…
8…
7…
停頓時聽到倒數聲，原來係啲人開始倒數。
6…
5…
4…
3…
2…
1…
「Merry Christmas！！」
倒數完啲人大叫merry christmas，啲情侶都錫哂嘴仔。
望住眼前嘉姐，我講：「merry christmas。」
「Merry christmas！」嘉姐講完就雙手搭响我頸背，趷起雙腳同我Kiss…
接觸到嘉姐柔軟雙唇，我都將手放响佢腰間攬住佢…
同嘉姐响聖誕節第一分鐘接吻。
待續