念念不忘 都冇迴響: 十二月

嗰年十二月，我有機會去廈門交流。深刻嘅係十二月果陣，遊爍嵐無啦啦冇應我DM，果陣我覺得佢唔再應我好合理，雖然我心裡好難受，但係我都冇得主動叫佢應我，因為呢個根本就唔係佢嘅責任，佢肯定中我差唔多成一年已經算係咁。

我記得去到廈門嘅第一日佢無啦啦又應翻我，嗰陣我真係開心到彈起左。

反正而家回想起，果年12月我哋兩個好似冇見。因為我去完廈門交流之後，緊接着就同屋企人去咗韓國旅行。我非常之討厭喺香港過大時大節，一方面因為香港冇乜節日氣氛，二方面我係一個極度注重儀式感嘅人，除咗同遊爍嵐一齊之外，我諗唔到有邊個朋友可以比我一個完美嘅節日體驗，所以我不嬲都會出個避風頭，費事俾人發現我一個人過節日，好似好孤單咁。

反正Year 1 sem 1果陣一齊對我來講都係一個全新體驗，只不過我度遊爍嵐念念不忘，打破咗時間同空間嘅阻隔，令到我依然會一日會諗起呢個人，令到我從來都唔覺得同佢疏遠左。直到後來我碌佢IG發現有佢follow左好多我完全唔認識嘅新人，我先開始realise 到其實我哋個生活圈子已經好唔同，好似留意到我鍾意嘅人其實都有新嘅生活，佢唔係我老海裏永遠凝住嗰個中學嘅佢。不過即使係咁都好，我依然都係咁鍾意遊爍嵐，亦因為佢重新開始每日應我DM而覺得好幸福。