念念不忘 都冇迴響: 十年

其實點解係十年呢？

我估我十年後，或者佢十年後啦，已經成家立室左。到時點都唔會好似以前咁在意，可以當係開玩笑咁講返出嚟，我覺得到時就可以俾佢知。

當年我地學校有寫時間錦囊，我喺佢封信上面都輕輕寫咗我鍾意佢呢個事實，但係我又太懦弱，所以寫完之後用塗改帶封住左。事實上我哋兩個之前有討論過，塗改帶其實同唔晒啲字，做方法可以睇到本來寫咗乜。我諗諗吓成件事都好戇居，十年後喎，就算佢有心用嗰啲方法都未必睇得返啲字。不過我個原意就真心係10年之後俾佢知嘅。

咁除咗呢個方法之外，其實我每年喺佢生日都有保持寫一封送俾佢，打算十年後一次過交俾佢。係啲信裏面我都有寫到個真相，所以如果我夠膽俾佢，佢畢竟都會知。

至於點解我會諗到啲咁荒謬嘅方法，係因為幾年前我有個friend出國讀書，我整咗成本圖集俾佢；嗰陣我有幾本野遊爍嵐睇，佢叫我整本俾佢，但係我又覺得一時三刻好難爆10頁紙俾佢，所以靈機一觸就用咗每年寫少少嘅方法。老實講竟然諗到啲咁嘅嘢我自己都好驕傲，如果有人咁為我做我諗我都會好感動。





同埋我咪講過有機會考完dse同啲人中斷聯絡嘅，我有諗過有個情況就係我將份嘢全份寄俾佢，等佢知道10年來我都冇忘記佢。

依家咁睇我做嘅一切其實真係好幼稚，不過又好似好有心咁，哈哈都唔知我係低能定係有心了。