念念不忘 都冇迴響: Last day 一

我成日都覺得畢業係四部曲嘅：Last day, grad din,惜別會同grad day. 四日做嘅嘢雖然多多小小有分別，但係全部不外乎係影相同做儀式嘢。

Last day果日其實係好唔真實嘅，一切來得太猝不勝防。起身果下，習慣性手忙腳亂刷牙洗面扎辮，搵兩隻一模一樣嘅襪，三步併作兩步出門口；今日依然匆匆，但係匆匆中帶有一種認真，希望以最好嘅模樣，最後一次以學生身分返學，同埋知道要影全日相，廢是太樣衰。（雖然後來回望，當時個樣都係fail嘅）。

出門口一路行，聽著首《那些年》，覺得一切都好應景。

「又回到最初的起點 記憶中妳青澀的臉 我們終於來到了這一天
桌墊下的老照片 無數回憶連結 今天男孩要赴女孩最後的約
又回到最初的起點 呆呆地站在鏡子前 笨拙繫上紅色領帶的結
將頭髮梳成大人模樣 穿上一身帥氣西裝 等會兒見妳一定比想像美




好想再回到那些年的時光 回到教室座位前後 故意討妳溫柔的罵
黑板上排列組合 妳捨得解開嗎 誰與誰坐他又愛著她
那些年錯過的大雨 那些年錯過的愛情 好想擁抱妳 擁抱錯過的勇氣
曾經想征服全世界 到最後回首才發現 這世界滴滴點點全部都是妳」

日常搭翻07:42班車，好好彩，最後一日都比我見到游了嵐。我一如以往都係冇主動同佢打招呼，最後一次嘅一如以往，想好好記得最後一次嘅日常。

翻到學校早會，校長不忘提到中六同學今日last day,要比指出同鼓勵我地。其實佢每一年都會咁講，只不過到原來要走嘅人係自己果陣，我寧願佢唔好特別講，特別強調今日真係最後一次返學，強調今日同平日唔同。

翻到課室第一二堂係數學，個老師要講解埋份mock 卷，不過好明顯冇人聽緊去講嘢。大部分人都寫緊紀念冊，影緊相，或者好似我咁心不在焉。其實都last day啦，與其教書，不如分享下D人生經驗，講下感言。不過個數學老師一向都比較低調，同我地從來都唔講自己嘢，都唔係太friend。所以好不容易終於落堂果陣，終於開始周圍搵人影相，簽校服，果一下我先覺得我個last day正式開始。





六年來有無瓜葛過，認唔認識都好，一見到係同屆就開始合照，簽名。其實每一個畫面都好青春，彷彿係青春電影D截圖，加埋D感性旁白，絕對可以拍一套《我的少女時代》。當時其實個腦冇思考太多野，只係見人就影，見人就簽名，暫時將離別嘅傷感同對未來嘅擔憂放埋一邊，last day其實係一場虛幻嘅嘉年華，而大家都同心合力營造快樂嘅氣氛。

無幾耐，我同遊爍嵐終於系走廊見到面。佢系我個恤衫衫嶺寫左D嘢，佢一路寫果陣，謝嬭陵經過，不懷好意咁望著我，實際佢知知地我鍾意遊爍嵐，所以我都有D尷尬咁笑左，雖然當下我又真係幾開心。

到遊爍嵐終於寫完果陣我地一齊影左一輪相，佢就同陳珊蕾請繼續搵其他人影相，而同時我都同我另一位朋友組左隊，唯有分道揚鑣各走各路。其實自從圈子唔同左，我已經接受左陪佢最多，系佢身邊嘅人唔係我。只不過如果成日都可以一齊過，可能我會開心D。當時嘅我係咁覺得嘅。