回到過去，破我未婚妻個處: （4）
入到房後，Veronica喺半推半就嘅情況下，幫我除褲打飛機。
我訓喺床上，佢就坐喺床邊，用佢嘅纖纖玉手溫柔咁chok我「細佬」。
「繼續…唔好停…好舒服呀…bb…不如你試下用口幫我？」我打蛇隨棍上，想氹佢幫我含。
對方卻一口拒絕：「唔得，講過結左婚先幫你用口架嘛，你想我用口嘅話，咁你就快啲娶我啦。」
「我都想呀，不過都要等我地買到樓先結到。」我答。
「又係呢一句，點解一定買樓啫？租樓都得架。」
我無聽錯，大家都無聽錯，Veronica真係無樓都肯嫁俾我，無奈礙於附喺我身上嘅家族毒咒，唔係嘅話，我諗我早早就買左戒指求婚。
「仲咩唔出聲啊輝輝？唔通你唔想同我結婚？」Veronica扁嘴，縮開手停左落嚟。
「梗係唔係，我講過話同你結婚就肯定會同你結婚。」
「你次次都咁講，但又成日得個講字，究竟你幾時先真係娶我架？」佢追問。
「快架啦，總之你放心，我一定會同你結婚！」
「快即係幾時啫？你唔講咁我就唔幫你，哼！」佢鼓埋泡腮，翹起雙手問我。
呢刻嘅我谷精上腦，為左出火，有理無理求其噏啲嘢氹住對方先：「今年！今年內我一定娶你！」
「你話架，今年內結婚，你唔好呃我！」
「全部係真話，絕無半點虛言，咁我地依家可以繼續未？」我「細佬」已翹首等待暢快嘅摩擦。
「哈哈！係真嘅先好講，講得出就唔好反口！」Veronica笑左一聲，伸手摸落嚟。
溫暖白滑嘅手掌包住我碌jer jer，上下上下挪動，感覺暢快非常。
爽到我忍唔住發出呻吟，但就喺一個咁快樂嘅時刻，個肚突然發出咕咕聲。
仆街！絞肚痛！
「輝輝，你無嘢呀嘛？」
「我個肚…肚…肚…好痛…」
我掩住個肚，表情扭曲，褲都嚟唔切著，衝入廁所，一邊屙個肚一邊絞住咁痛。
莫非係啱先食左啲壽司刺身，所以搞到肚痛？唔係喎，Veronica都有份食，而佢一啲事都無。
唉！我知啦！肯定係因為日頭飲左嗰啲生雞血。
頂佢個肺！嗰個道士果然真係江湖騙子，掠左我皮幾嘢都算，家陣仲搞到我又肚屙又肚痛。
「輝輝，你無事呀嘛？」Veronica喺廁所門口問。
「無…無事…」講完呢句，我掩住個肚繼續屙。
之後成晚落嚟，我屙左七八次，屙到腳都軟埋。
Veronica一早就喺我張床度訓著左，本來我應該係開開心心咁出火，而唔係屙到出水。
我摷勻屋企個藥箱，揾到盒喇叭牌正露丸，啪左幾粒後，先勉強叫做止到肚痛。
望下個鐘，差唔多凌晨三點半，屙到無曬力嘅我攤落床，好快就訓著左。
訓左無幾個鐘，大約朝早七點，我個肚又再痛過，痛到我醒左。
當我擘大眼時，發現隔籬嘅Veronica無左人影。
對方喺枕頭貼左張字條，寫住：「輝輝，我返屋企換衫沖涼先，你慢慢訓。」
我睇完就放低張字條，又仆去廁所解決。
最後真係屙到頂唔順，請左假去睇急症。
原本朝早有個緊急會議都無去開，俾上司「柄」左一大餐。
醫生檢查過後，話我急性腸胃炎，結果我住左兩日醫院先好返。
一日最衰係小曼，帶我去見埋啲神棍，搞到我無得同Veronica「依泣」，仲累到我俾上司鬧兼且住左兩日院，認真無好帶挈。
出院後返工第一日，我約小曼出嚟食lunch。
我同佢都喺觀塘返工，間唔中都會約出嚟一齊食晏。
我地多數係去工廠區某間冰室，貪啲嘢抵食夾大件。
「…唔怪得呢幾日都揾你唔到，原來你入左院咁大獲。」
「咪多得你好帶挈囉，都唔知你揾嗰個係咩道士，逼我飲埋啲生雞血，搞到我腸胃炎，個肚足足痛左幾日呀陰功。」
「咁都入我數？話唔定肚痛係解咒嘅一部分呢？」
「我就話條友擺明就係假道士昆錢，根本就唔識解咒。」
「呢個師傅唔得，咪揾下個囉。」小曼含住飲筒，飲一啖凍檸茶。
「咪搞我，見過一次鬼仲唔怕黑，到時又遇到神棍，咪又瀨多次嘢。」
「隨你啦，反正係你話想解咒同Veronica結婚，咁我先幫你。」
我吞一啖飯，「唉」左一聲：「講起結婚就煩，呢排Veronica又催婚，我同佢講話等買到樓先結，佢就答我租樓都無所謂，我聽完都唔知比咩反應好。」
「咪直接同佢坦白囉，你話你背負住家族詛咒，唔可以同唔係處女嘅女人結婚，否則就命仔不保。」
「呢啲說話講出嚟邊有人信，講真嗰句，如果唔係親眼見過，我自己都唔會信。」
中學嗰陣，我同唔少人講過家族毒咒嘅事，問佢地信唔信，大部分人聽完都當我鳩噏，信嘅五隻手指數得曬，小曼都算係其中一個。
我飲啖可樂繼續講：「查實諗嚟諗去，始終都係覺得，如果時光可以倒流嘅話就最好，等我喺Veronica隻豬俾人食左之前捷足先登，到時自己老婆嘅處變左係自己破嘅，咁結婚就肯定無問題。」
同非處女結婚結唯一條件就係，女方個處要係自己破嘅。
小曼開完笑咁話：「你試下對住前面，大嗌一聲『哈利路亞 Chance』，話唔定真係穿越到過去，哈哈！」
「哈你個頭，有咩咁好笑，家下啲科技一日千里，你唔俾過多兩年『Elon Mask』發明到時光機架？」
「哈哈！人地叫Elon Musk，唔係Mask囉，你連個名都讀錯，人地點肯幫你發明時光機！」
「頂，一時講錯啫…」
「叮！」小曼嘅電話突然響起收到message嘅聲音。
佢拎起電話望左一眼，跟住無回覆就放返低喺檯面。
幾秒之後，部電話又喺度叮叮聲。