《平行軌跡》: Episode 34 - 到此為止

「搞咩？無啦啦過大海，想睇我示範賭術？」

「你記唔記得今日係咩日子丫？」

「梗係記得啦，慶祝我呀，我嘅處女勝利一百日嘅大日子嘛，禮物都準備埋啦。」

「算你啦。咁我哋外遊慶祝都係好合理嘅事。」

Shirley拿著一個心形吊墜發呆，吊墜刻著VS兩個英文字母。雀鳥鳴叫的聲音在窗外響起，睡不著，實在是沒有這個能力。輾轉反側將愛活埋，要把你印象減退，重提舊人物，我卻開心得帶恐懼。





以前的這個時份，兩人可以談電話談得由天黑到天光，再由天光到天黑。如今，只剩下一個失眠的小女子。是什麼時候改變了這個狀況？是有什麼改變了兩人嗎？答案並不一定存在。肯定的只有是，為你將睡眠忘記，通宵傾談，但已經頓成往事。

一個又一個過去的場面有秩序地浮現在Shirley的腦海，她努力不去想，努力制止自己的腦袋，卻事與願違。

在懷緬過去的同時，天又漸漸光起來，碰巧這一天幼稚園那邊放假，Shirley得以不用帶著一副憔悴的樣子去見同事和學生。

縱然如此，她還是化了個淡妝，好好的打扮一番，外出走一趟。她沒有堅強得一股腦兒乘船去重新感受當年的紀念之旅，但也被下意識帶來碼頭附近。

「傻妹，妳唔係暈船浪下嘛，嚟嚟嚟食粒糖先。」





「嗯……少少啦。」

「妳訓吓啦，到咗我再叫醒妳。」

「手，膊頭。」

「捉實啦。」

…





「嘩…好靚丫，你快啲過嚟睇吓啦！」

「邊度呀睇過…妳又會一落船就咁精神呢。」

「咩喎…咁係好靚丫嘛，我要同佢影相！」

「好好好…預備…一…二…三！」

…

「你識唔識路架，會唔會賣咗我架。」

「梗係唔識啦！橫掂都無諗過去邊，都係亂行架咋。」

「搞錯丫，我要你快啲帶我去好玩嘅地方丫。」





「知喇，應該行多兩步就到架喇…嗱，咪到咗囉。」

「呢間餐廳有咩咁特別呢？」

「入去食吓咪知囉。」

…

「好好味丫，你點知有間咁嘅餐廳架？」

「呢個世界有咩係難到我嘅呢？」

「好叻咩，之後去邊好呢？好多地方想去添…」





「全部去晒囉，我哋大把時間。」

「唔得丫，我哋仲要趕船返屋企架。」

「唔係啩，今日就返去咁掃興？」

「好掃興咩？」

「梗係啦！起碼都住返晚，玩夠本佢嘛。」

「唔滯。」

…

時間又回到現在，看到Shirley一副落寞的樣子在大道上漫步。Shirley漫無目的，不知何去何從，跟自己現在的感情狀態一樣。





…

「兩週年快樂！」

「兩週年快樂！」

「敢問芊芊公主有何願望？」

「我希望…以後都可以同呢個傻佬過著平凡得嚟又幸福快樂嘅生活！」

「妳嘅意見，本公司已經收到，之後會有專人再同妳聯絡。」

「死人頭，妳即係咩意思丫。」





「即係…呢個簡直係全宇宙最容易達成嘅願望。」

「好啦！等本公主賞賜呢一對布公仔俾你啦！」

「咦喂幾盞鬼喎，同我哋好似樣。」

「整咗幾晚架！你要小心保管添丫！」

…

事實上，兩個人在一起，根本就可以像梁靜茹的《分手快樂》一般，其實愛對了人，情人節每天都過。又何需在意什麼週年，什麼節日？然而，戀愛中的人不會這麼理性，每個特別日子、值得紀念的日子，總會很容易浮現於腦海，沒有慶祝的節日，也特別容易牢記。兩人之間獨有的慶祝，也讓兩人的感情更加緊密，這一種別人不會明白的情趣，其實也不失為一件壞事。

就像現在的Shirley，原來她不知不覺間在外面遊蕩了一整天，突然發現自己身處於住所附近的公園。今夜的公園跟平時大有分別，燭光處處，也有不少大人小朋友在散步，在遊玩，在喧嘩。Shirley卻與現場的熱鬧氣氛格格不入，她在公園的入口徘徊，就像不敢沾染到公園的氣氛一樣。

「原來今日係中秋節…」這句自言自語，反映出無限唏噓。沒你的動人時節，喧譁歡騰亦已經並無意義。Shirley覺得這一刻的自己不屬於這個公園，遂向公園的相反方向離去，從公園的點點燭光所映照出的Shirley的背影，是充滿無奈與傷感。今天，她沒有流過一滴眼淚，或許，是一早已經流乾，或者是強行抑壓著自己，還是她的感覺過份強烈，知覺一時間被麻木了？

閒話到此，遺憾到此，結論是回憶總要到此。Shirley又再凝視著掛在手鏈上的VS吊墜，雖則你難忘記，這戀愛遺物終需棄置…？不對，雖然二人的關係到此為止，但也不用把前塵往事都丟棄才能再好好過日子吧？Shirley是這樣說服自己的。

（Next：Episode 35 - 成長說明書）