《我強姦咗個女同學》: 《我強姦咗個女同學》（十八.十五）

《我強姦咗個女同學》（十八.十五）






一返到去，我就鋪張格仔檯布喺佢張床度，再放晒啲嘢上去。
「點解要擺喺我度？」宛兒叉住條腰。



「呢度你用㗎咩？」

「都唔應該擺喺度。」

宛兒好快手咁將所有嘢搬晒落地下。

我鬧佢：「食物嚟㗎，擺地下。」但唔係好惡嘅。

「唔可以咁㗎，我唔鍾意咁樣，係喇，攞對耳環出嚟俾你睇吖。」



宛兒跨過擺晒喺地下啲嘢，走到床頭櫃嗰邊攞個盒仔出嚟：「睇下，無咩款，不過都還可以啦。」

佢對耳環真係唔稱得上有任何設計款式，單純一粒銀色嘅圓珠加一支針。

「你幫我戴吖。」

「吓？幫你戴？」

宛兒坐低，縮埋去床頭嗰邊角落：「係啊。」



「唔識喎。」

我背住佢坐低，攞起個電視機搖控係咁㩒，想揀個比較啱睇嘅節目，但揀極都無咩俾幾個係特别有興趣。

「就咁篤落去，好簡單㗎咋。」

宛兒篤一下我手臂。

我擰過去，望一望佢。

電視機剛好轉到一個講飲食嘅節目度，影住一班人喺度討論緊一啲類似係唔同種類麵食嘅嘢。

「試下啦，戴得唔好我會原諒你。」宛兒坐埋嚟。

我攞起對耳環幫佢戴。



插支針落去嗰刻其實好驚，好似篤穿佢耳珠咁。

「痛唔痛？」

「唔會啊，點解你手勢咁好嘅？」

「戴埋另外一邊。」

宛兒喺我幫佢戴埋另外一隻耳環時，隻手指就係我手臂度慢慢咁畫圈。

「你寫咗咩喺度？」我問佢。

「無啊，畫下公仔之嘛。」



「咩公仔嚟？」

宛兒擰頭，無答我，個樣突然變得無咩表情咁，唔知諗緊咩。

我㩒住佢膊頭：「睇下好唔好睇先。」

「點啊？呢對好普通咋，唔會好怪呵？」

我攬住佢：「唔會啦，好好睇。」

「好睇你又唔睇嘅？」

「你講咩？」

「攬住係睇唔到對方㗎。」



「傻嘅，突然講呢啲咁懶係感性嘅嘢。」

「我而家睇緊電視啊，講緊啲人去餐廳試食，係呢，轉下其他節目睇有無啲講旅遊行山嗰啲，有啲風景嘢做背景襯返我地野餐都好。」

我放開佢，攞起個搖控：「唔係喎，應該搵下有無鬼片睇。」

宛兒揸實我手腕：「唔要，做咩睇鬼片？」

「去露營要講鬼故你唔知咩？」

「唔制啊！一係熄咗佢。」

「熄咗個畫面照返你自己咪仲恐怖，睇啦，都未必會有。」



「唔要，唔好再轉台喇。」

「咁你求我吖。」

宛兒嬲嬲地咁放手，縮返埋一邊：「唔睬你。」

「唔睬我......咁食嘢喇。」

「我喺地下攞起一份三文治，搣少少出嚟，擺入口咬住：「食嘢吖。」

「你攞住我點食。」

「呢度啊。」

宛兒過嚟，咬走我咬住嗰啖嘢。

「跟住想食邊樣？」

宛兒指住雪櫃：「我想飲汽水。」

「一早攞咗出嚟喇。」

我喺地下攞起嗰罐第一嚟到就買嘅汽水，打開飲咗啖。

宛兒錫咗我一下。

「好唔好味？」

「嗯。」宛兒點頭。

…………………….