《我強姦咗個女同學》: 《我強姦咗個女同學》（十八.十四）

《我強姦咗個女同學》（十八.十四）






宛兒好乖咁一路自己攞晒啲嘢返去，中途會經過一個鐵路轉線嘅大站，我地特登落車去睇下附近有啲咩可以添加，雖然之前喺街市已經買咗睇落都足夠嘅嘢，但硬係覺得唔夠咁。
經過一間鞋店時，我話宛兒嗰對都唔係去郊外嘅鞋。



「唔係啊，而家話去野餐之嘛，其實啲人著到好靚咁去㗎，都唔使行嘅。」

「唔得，你攰啊，買過對俾你啦。」
我係都要佢坐低，揀咗對又唔算波鞋，有少少厚底，綁帶嘅鞋俾佢。

「你第二次跪我。」

「吓？」

「話緊你。」



「咩啊？」

我幫佢除咗隻鞋，試對新嘅時候佢咁同我講。

記得嘅，第一次係幫佢搽藥膏喺隻脚嗰次，嗰次佢都係著住條同而家類似長度嘅裙。

「行兩步睇下？」我掂一掂佢膝頭。

宛兒企起身，剩係行咗兩步，跟住就擰頭。



「唔鍾意啊？」

宛兒無答，坐返低，自己除返對鞋落嚟。

「走喇，唔好再跪喺度喇。」
「你隻脚仲痛唔痛？」

「我都無話過痛。」

我喺佢身後面攬住佢，突然喊咗出嚟。

宛兒放低晒啲嘢捉住我對手：「發生咩事啊？」

又未至於喊到講唔到嘢，但嗰刻我唔想講嘢。



宛兒攞我隻手捉返住佢自己隻手，我摸到佢嗰隻戴喺中指、好幼嘅戒指，諗起成日喺我面前喊嘅佢。

「做咩啫？唔好嚇我啊？講句嘢啦。」宛兒有少少緊張。

「無嘢。」

「咁你做咩喊啊？」

「無事啊，攞齊嘢返去喇。」

「哦，咁快啲返去啦。」
其實佢又做咩同我一齊時會成日喊呢？

我好似一次都無問過。



……………..