《我強姦咗個女同學》: 《我強姦咗個女同學》（十八.十二）

《我強姦咗個女同學》（十八.十二）






走嗰陣，我地無搭返鐵路，喺車站度問咗職員除咗呢樣方法仲可以點返去，佢教我地可以搭巴士，個車站就喺附近。
喺巴士站等咗唔係好耐架車就到。



我同宛兒揀咗最後一排嘅櫈坐，佢坐路口位，我就靠窗。

「人地見到會覺得我無風度㗎。」

「唔會啦。」宛兒擰我個頭望向窗：「你坐好啲。」然後挨落我膊頭。

「做咩啊？」

「好舒服。」



「唔好瞓啊，好快就到㗎喇。」

「我無啊，咁樣打側睇嘢好得意，全部嘢都打斜咗，睇嘅嘢又會慢咗咁。」

「會咩？」我挨住佢頭頂。

好似佢咁講，打斜咁睇啲嘢，其實都依然係同一樣嘅嘢，但角度唔同咗產生嘅分別就令到有返少少新鮮感。

「又係喎，好似得意啲。」



宛兒郁一郁，感覺佢抬頭望一望我：「咁樣睇你都好得意，你細個係點㗎？」

「我細個？咪普通細路一個囉，好聽話㗎，叫我做咩就做咩，放學會去學課外活動，所以其實都好少去玩。」

「例如呢？會學咩？」

「我對紙呢樣嘢好有興趣，摺紙、剪紙、造紙、畫畫......關於紙我都鍾意。」

「紙？」

我用手指喺宛兒手背上面畫咗個正方形：「呢種，你唔係見過我畫嘢㗎咩？」

宛兒點頭，啲頭髮喺我膊頭上面係咁擦：「有啊。」

「唔好咁，好痕啊。」



「你怕咩？」

「咁你又唔怕咩？」我係咁摸佢條腰。

佢又真係好似無咩反應咁，仲可以周圍望。

「嗰度有個街市咁嘅地方，不如落車睇囉。」
宛兒無等我答好定唔好，就已經拉咗我落車。

……………..