《我強姦咗個女同學》: 《我強姦咗個女同學》（十八.十一）

《我強姦咗個女同學》（十八.十一）



走嗰陣，宛兒好開心咁同接待處嘅人講再見。

佢地都好開心咁同返我地揮手講拜拜。
「死喇，人地實會幻想我地頭先做咩。」

「唔會，一日咁多人出出入入。」



宛兒攞住個膠兜，裡面放嘅當然係條手鏈。

佢好似攞盤栽咁雙手捧住。

「佢地一定好羨慕我喇。」

「唔會，你有咩值得人羨慕。」

「吓，你咁開心咁行出嚟喎，佢地一定諗我地頭先係咩畫面。」



「無聊。」宛兒擺個膠兜喺下巴度。

「你估啲人有無偷拍吖嗱。」

「唔准再講喇，乞人憎。」

「唔講，咁而家做咩好？」

宛兒指一指前面：「頭先窗口望出嚟係呢個方向，我地行去睇下係咩嚟吖，問你有咩又話唔知。」



「你怪我啊？」我掂一下佢塊面。

宛兒笑一笑：「無啊，我想同你一齊去搵答案咋。」

我摸一摸佢條頸後面，笑佢：「唔使講到咁高深㗎，你同我一齊就得㗎喇，去做咩都唔係咁重要。」

「你笑人嘅。」

宛兒攞住個膠兜行前幾步撇低我。

我追返上去：「使唔使幫你攞呢個？」

「唔制，我自己攞。」



「咁你一隻手攞啦，想拖住你。」

「唔制。」

唔知點解，佢喺度咪咪嘴咁笑。

就算佢唔俾我拖，個氣氛都好幸福。
喺房度望出去見到嗰啲細細間嘅舖頭，有好多係租單車，或者係啲賣下雜貨嘅家庭式小店。全部好統一地，入面都係深色木造嘅屋咁，無咩點開燈，暗暗地，一種懷舊嘅感覺，有少少鄉村氣息。
「附近係咪一啲行山睇風景嘅地方呢？」宛兒好好奇咁望入啲單車舖。

「租嚟玩下囉。」

「都唔知啲路，租咗踩去邊？」

「唔去太遠咪得，我都好耐無去過啲郊外少少嘅地方。」



宛兒表情少少認真咁搖頭：「唔好喇，唔識路好危險㗎。」

「有邊個地方係未去之前就已經識路。」

宛兒拍咗我隻手一下：「蝦我嘅。」

「小心啲揸。」我捉實佢對手：「跌咗就無㗎喇。」

「跌咗咪執返。」

我望一望佢條裙：「都係唔好喇，你今日著裙。」我摸一摸佢個肚：「同埋如果你已經俾我搞大咗，整親無咗點算。」

宛兒踮起脚，攬住我：「唔會啊，無啊。」



「放心喎我一定會認㗎。」

宛兒落返嚟，錫咗我一陣先停。

「最放心係你。」
之後佢遞個膠兜俾我。

「幫我戴。」

我會好小器咁擺對手喺身後面：「又話唔要嘅。」

「戴住方便啲吖嘛。」宛兒踢一踢我隻脚。

「咁你自己戴囉。」



「我想你幫我戴。」

我學佢：「唔制。」

宛兒又踢一踢我：「我諗咗樣嘢，要你幫我戴先得㗎。」

「咩？」

「你幫我戴完之後即刻拖住你囉。」

「使咩諗到咁復雜。」

我攞起條鏈戴上佢隻手，然後拖返佢，個膠兜就袋入衫袋。

我叫佢以後都用呢個兜嚟擺呢條鏈，唔知有無真係咁做，但個兜係帶走咗，嗰陣無掉到嘅。

……………