《我強姦咗個女同學》: 《我強姦咗個女同學》(十七.十)

《我強姦咗個女同學》(十七.十)

「咁㗎你，又塞啲垃圾俾我。」我接咗個杯。

宛兒成個人挨埋嚟，又勾隻手指入我褲袋：「咩話？塞垃圾俾你？」

我摸一摸佢個頭：「唔係啦，喂，搵個地方掉咗佢先，唔想揸住。」

「就係難搵先俾你吖嘛。」



宛兒奸計得逞咁，笑一笑就行咗開去。
佢行喺我前面，睇佢脚步同姿態都行得好輕鬆。

我地身處嘅係一個城市大街，但呢刻周圍唔多人，剛剛又行完公園嚟，呢度空氣又好、天氣又好，感覺真係好似去咗郊外咁舒服。
「咩嚟㗎？」

宛兒指住一座灰銀色長方型嘅建築物，其中一面係玻璃，其餘係磚牆，喺玻璃隔離掛左幅好大嘅介紹舞台劇嘅海報。

「藝術館？或者劇院？」



「咁細咁嘅？」

我唔識分辨一間標凖劇院應該幾大。

「可能......唔知呢？入去睇下？」

宛兒點頭：「好啊，咁你可以掉垃圾。」

「去一個咁有文化氣息嘅地方就為咗掉垃圾，你真係叻。」



宛兒伸隻手出嚟：「咁你要奬勵我。」

「無問題，奬你錫我一啖。」

宛兒皺一皺眉：「唔制。」

但佢就拖住我，唔快、但稱得上係跑咁樣去咗呢間唔大唔細，好似個鋼造嘅盒咁嘅地方。

……………….