《我強姦咗個女同學》: 《我強姦咗個女同學》（十七.四)

《我強姦咗個女同學》（十七.四)
嘉欣安排俾我地嘅行程，食完飯之後係去座觀光塔度睇風景。佢一樣係搵晒路線教晒點樣搭車，仔細到甚至連幾錢車費都寫埋。
「搭一個站？」宛兒睇下張行程表。

「係啊。」

「咁應該好近，不如唔好搭車，我地行過去囉。」

呢個提議幾好，但寫得話係搭車就應該有當中嘅道理，可能係中間無路行又或者實際上要行好遠。



「行啊？」所以我有少少猶豫。

「唔想？」宛兒好明顯地唔想我話唔想。

「無，諗緊第啲嘢。」

宛兒篤住我鎖骨位：「啊！你唔識路。」

「我又唔係呢度嘅人，識路先唔正常。」



「如果驚行行下無路行我地先再搭車。」

宛兒好似能夠睇穿我心諗咩咁。

我抖咗啖氣：「都係嘅。」

「咁行吖。」宛兒笑返。

「哦。」
行緊嘅時候宛兒問我。



「你諗緊咩重要嘢？」

「我？」

呢度天氣好好，個天幾乎完全無雲，成個天空好似個海調轉咁擺上去，好清透。

就算無雲，都唔覺得晒同熱，唔怕凍嘅宛兒件外套由頭到尾無除過。

「我公司啲魚。」

「你公司啲魚？」宛兒一頭霧水：「你養魚？無聽你提過。」

「係啲好細條嘅雞泡魚，佢地成日游咗去喺啲水草裡面，有時我都會醒唔起佢地。」



「連你自己都唔記得，咁有無話俾人知要俾嘢佢地食？」

我無直接答佢，心情有啲亂。

話擔心啲魚，好似有又好似無。

話鍾意雞泡魚又好似唔緊張咁。
宛兒攞咗隻八爪魚公仔塞落我隻手。

「俾你揸住。」

「唔要呢啲。」

「揸下心情會好啲。」



「唔覺。」我塞返個公仔俾佢。

「嗯......唔好唔開心啦。」宛兒摸一摸我手臂。

「無嘢嘅，我覺得其實而家已經死晒。」

「嗯......突然講呢啲嘢㗎。」

原本想順手拖住佢，不過佢避開咗。

宛兒跳下跳下咁行快幾步行咗去前面，一路啦啦啦咁哼一啲旋律，有啲大概估到係咩歌嘅咩部份，有啲就估唔到，佢應該係亂咁唱啲音出嚟。
沿路一路行，會經過一啲住宅民居，係一間間好似以前住宿舍咁嘅屋，有啲好大，但都唔夠以前住嗰間咁大，至少唔似有咁多間房。

不過啲窗都係大嘅，可以望到入屋，睇到裡面大概係點。



我問：「喂，知唔知以前宿舍而家點？」

宛兒已經無再唱落去，不過依然行喺我前面。

「無理到啊，你地遲搬過我嘅，反而問返我。」

「突然諗起咪問下。」

「啊。」宛兒做咗個覺得好奇怪嘅表情出嚟。
行多陣之後，我又問。

「咁你平時同你男朋友會做啲咩？」

「問嚟做咩？」宛兒無嬲又無盛，反應平靜到好似呢條住宅區嘅路。



「以前我地一齊住，都無咩特别嘅拍拖活動，問下學下嘢咁囉。」

「你想學佢？」

「學下無妨，有咩係佢有做而我無嘅？」

宛兒行返過嚟：「有啲嘢係你有做但佢無。」

佢輕輕搭住我膊頭，錫埋嚟。

我又諗咗陣，係咪要攬住佢俾返啲回應。

但佢又未必想，成日覺得佢唔鍾意我掂佢咁。
我地企咗喺路中心。

諗幾耐，佢就錫咗我幾耐。

如果有人經過會點，會唔會叫我地行埋一邊，又或者只會望下、跟住唔理我地。
「我地繼續行吖。」

宛兒掂一掂我手背，但無拖我。

佢都係行返喺我前面，唔係同我並排行。
佢應該多多少少會諗，點解佢咁樣做，我都無咩反應。

阿峰係咪已經唔鍾意宛兒喇。

唔係嘅，想收斂下扮下嘢啫。

一路我都想行上去拖返佢㗎，不過人地尋晚先講完佢男朋友啲嘢，所以唔做啫。

…………….