《我強姦咗個女同學》: 《我強姦咗個女同學》（十七.三)

《我強姦咗個女同學》（十七.三)

喺餐廳度，宛兒將啲公仔吊飾放喺檯。
「又話送俾人，唔怕整污糟咩？」

「唔怕，小心啲咪得。」

宛兒好開心咁望下啲公仔，又睇下餐牌：「好多嘢食，樣樣都想食，但又好似唔係樣樣都好食。」

「啊！你咁講，話俾嘉欣知。」



「唔係呢，真㗎，我都係講心諗嗰句真話啫。」

「如果唔想食就去第度。」

「咁又唔好，我想食呢個。」

宛兒指一指餐牌上面啲圖，點咗幾樣。

「又話覺得唔好食，唔使夾硬嚟喎。」



宛兒合返埋份餐牌：「無所謂，我都未食過，同埋唔係話咩，食咩唔重要，最重要係同咩人食咩？」

「嘩......你咁講嘢嘅。」

唔知點解，覺得呢一兩日嘅宛兒同平時認識嘅佢硬係有啲唔同，好似比平時活潑咗咁。

係咪呢？定係我嘅錯覺。

到底佢有咩唔同咗？



我諗咗陣。

宛兒：「如果係平時，我唔敢咁樣擺啲公仔出嚟陪我食嘢啦。」

「啊？係咩？點解唔得。」

宛兒搖下頭：「無嘢喇，講下，考你吖，我話想食啲咩你記唔記得？幫我叫吖。」

諗諗下嘢，我魂魄都未返齊嚟。

佢叫我幫佢點頭先指嗰幾樣嘢，講真邊度會記得晒吖，大概係咩就或者講到嘅。
最後我大概同佢點咗幾樣嘢食。

宛兒無講到叫得啱定唔啱。



都係一餐啫，同咩人食先最重要。

食飯時我有諗返呢句說話。

應該用咩心情去解讀呢句嘢呢？開心、感慨、甜蜜......是但啦，有人同自己食咪得，理得佢係邊個陪邊個。
「係咪真係唔好食？」

宛兒夾咗我碗入面嘅嘢食咗啖。

「唔係吖，味道唔錯，無咩調味咁，清清地幾好。」

「你個樣唔開心。」

「無啊，可能太清，同平時食開味精嘢唔同。」



「係啊？唔好呃我喎。」宛兒笑咗一笑。

「點會呃你。」

宛兒攞筷子夾一夾我個嘴：「嗱！你話㗎，講過要記得。」

佢放開對筷子之後，我話。

「記得，有無紙筆？我寫低。」

「無。」宛兒擰下頭：「佢地聽住做證。」

佢意思係檯面嗰幾個公仔。



唔知佢之後送咗啲公仔俾邊個呢，嗰幾個應該係我唔識嘅人，因為之後都無再見過呢幾隻嘢。


………………..