《我強姦咗個女同學》: 《我強姦咗個女同學》（十七）

《我強姦咗個女同學》（十七）
第二日行程係去水族館。

宛兒孭住個背囊，拉鏈扣上面掛咗個手掌咁大嘅公仔，係隻長頸鹿。

「你咁大個人仲掛隻咁大嘅公仔。」我揸住隻長頸鹿條頸。

「買左好耐㗎喇，之前都有掛過，你果然無留意我啲嘢。」

「咁以後我留意多啲囉。」



宛兒呢日扎咗條馬尾辮，當然佢頭髮唔長，所以條辮都係到頸嘅位置，唔知咁仲算唔算係馬尾。上衫係件白色短袖衫，配件淺粉紅色、銀色鈕嘅外套，半截裙係深寳藍色牛仔裙，質料偏硬同粗糙，襪係米白色棉襪，鞋係差不多顏色嘅杏色平底布鞋，背囊係泥黄色皮背囊。
宛兒：「我地今日去水族館，咁之後嗰餐係咪要食海鮮。」

「點解咁講。」

「睇完跟住就食佢地吖嘛。」

我皺一皺眉：「個概念咁變態嘅。」



「有啲餐廳咪係咁，外面係魚缸，啲人坐裡面食飯，啲魚圍住嚟游，一路睇住一路食佢啲同類，又或者係啲魚睇住人食佢啲同類。」

「咪講到咁核突啦。」

宛兒補充：「仲要俾火燒或者熱水滾到變晒色甩晒皮。」

「咦......好變態。」

「你會唔會第時食嗰陣諗起？」



我諗咗陣，諗起公司度養嗰幾條迷你雞泡魚。我會食魚，但無食過雞泡魚，連零食產品嗰啲唔知真定假嘅雞泡魚乾都無。

「諗咩諗咁耐？講下㗎咋，唔使咁認真。」
好彩宛兒截住我，唔係可能我會一路諗落去。

………………