《我強姦咗個女同學》: 《我強姦咗個女同學》（十六.六)

《我強姦咗個女同學》（十六.六)

又或者，出返去嘅時候宛兒已經瞓咗，咁就咩都唔使煩。
結果，佢梗係未瞓。

而且仲非常精神。
宛兒掛咗套衫喺牆上面個掛衣架度。

「聽日著呢件好唔好。」
套衫都係佢平時著開嘅款，普通一件上衫，襯條裙，有件外套。



「幾好吖。」

「帶咗對新鞋嚟。」

「著新鞋，唔怕痛咩？」

「唔會，其實都唔係新，已經著過，不過唔多。」佢指一指門口擺嘅一對杏色布鞋，睇落質地都係棉布嗰類，應該都舒服，不過隻色同布料似好易整污糟：「嗰對，有無見過。」

「邊會留意你著咩鞋。」



對於呢對鞋，我確實無印象。

都已經唔係一齊住又點會知佢有咩鞋，以前擺埋同一個鞋櫃就話日日見到啫。

「你......」

「我咩？」

原本打算講下啲無謂嘢，突然又唔知講咩好。



「都係算喇，早抖。」

頭都無吹之下，我即刻瞓落床。

宛兒摸一摸我啲頭髮：「你未吹頭喎。」

「是但啦，我想瞓。」

「咁聽日個頭咪會亂囉。」

「聽日先算啦。」

「除咗個頭會亂，濕住咁瞓會頭痛㗎。」



我感覺到宛兒瞓埋嚟我度，我死都唔想理佢，扮無嘢。

「唔好瞓住，不如我講故仔俾你聽吖。」

「唔聽得唔得。」

「你可以唔聽，但我想講。」
宛兒瞓喺我隔離，其實唔係貼得好近，佢攬住咗個枕頭，我地之間就隔住一個枕頭嘅距離。

佢將個枕頭擺喺下巴上面，貼住咁講咗喺房搵到嗰本書仔係咩内容。

本書係一本黑白印刷嘅書，裡面得數字同圖畫，畫咗一百隻棉羊，每一隻都一樣地面向左邊，個身好似一舊雲咁，半隻尾指指甲大細，羊下面係一至一百嘅數字。

講解完本書仔係咩之後，宛兒講咗佢男朋友係個咩人。大概係，個男仔大佢一年，喺間佢成日去嘅餐廳度識。佢形容個男仔應該係個各方面都唔錯嘅人，比一般人靚仔、高大，鍾意墨綠色、鍾意車，對生活要求唔高，但份人又有少少執著。咁即係要求高定唔高，執著定唔執著，唔知。



宛兒鍾意佢啲咩，佢又無講。咁佢鍾意宛兒啲咩，宛兒話，貪佢嗰排成日去佢做嗰間餐廳啩。

哈！

我聽聽下忍唔住耻笑式咁笑咗聲。

「咁即係點？」

我問宛兒。

宛兒話：「有少少唔開心。」

「係咩？但我搵唔到你唔開心個點係咩。」

「你無留心去聽我講啫。」



「我好専心咁聽你數一至一百，加一堆廢話。」

「咦！」宛兒隔住枕頭推咗我心口一下。

我隔住個枕頭攬住佢：「咪郁啦，呢度好窄㗎咋，跌死你。」

………………….