原來真係有樣野叫「戲假情真」。: 五

「兩個都幾似中學生呀，咁就啱哂，我哋依家拍啲溫書嘅shot先。」 

「係喎，Jimmy呢？」 
「哦，佢今日唔得閒呀。」 

就這樣我們找了一個沒什麼人的common area來最景。 

「弊。無拎到啲notes比你哋扮溫書添。」 
「等我問吓嗰班人可唔可以借啲notes嚟用先，你哋等一陣。」 





我和Angela就坐在一起，靜靜的等候著。 

「咦，你邊間中學架？」 

她盯著我恤衫上的口袋的校徽。 

「名校仔喎！」 
「無咩特別啦，依家咪一樣同你做同學。」 
「我repeat咗一年架啦。」 
「咦，咁啱嘅，我都讀咗一年asso先上嚟。」 




「有冇覺得我哋都好老。」 
「或者可以係我哋都好後生嘅姐。」 

離開中學兩年了，好不容易才升上大學，數數手指原來自己都快要廿歲了，偶爾也會覺得自己不再年輕，望著街邊的中學生吵吵鬧鬧也非常的懷念過去，只希望自己的年歲增長時，但心境也不會老得太快。 

「搞掂啦，借到啲notes啦。」 
「Koey姐真係勁，啲男仔咁輕易就就範。」 
「人哋咁啱唔洗溫喱啲住咋。」 
「靚女真係好。」 
「收聲啦你。」 





不消一會Koey已經借到了一疊厚厚的notes回來，樣子生得不錯的女生果然有著數。 

「我set吓部機先，一陣呢你哋就扮吓好專心咁溫書先啦。」 
「嗱，喱度有啲廢紙，隨便寫吓嘢又好，禁吓計數機都得。」


看著Koey姐一個人對著那部CANON相機左按右按，又要打開腳架調教好高度，調教了白平衡又要扭focus，如果還要打燈就真的是忙過不停，幸好現在的光還算充足；不幸的是group project要一個人扛下，又或者今天Jimmy真的不空閒吧。 

「咦，乜原來你用左手寫字架？」 

我坐在Angela的左邊，用右手寫字的我不小心與她的左手碰到，才發現她原來是個左撇子。 

「係啊。」 
「其實我細個都係用開左手架。依家打乒乓波都係用左手嘅。」 




「細個嗰時用左手會比老師打架，不過我死都要用咋嘛。」 
「乜你咁固執嘅。」 
「有時啦。」 

拍攝的期間，我們不經不覺知道對方更多，特別是一些小習慣。 

「好，溫書喱個散shot搞掂。」 
「依家Alex你試吓整蠱一吓Angela呀。」 

「吓，即係點呀？」 
「你自己諗吓 ... 嗯 ... 姐係 ... 例如 ... 」 

「咁樣得唔得呀？」 

我襯Angela還在埋頭寫字的時候，偷偷往她原子筆上的按鈕按了一下，把筆嘴收起了。她回頭來盯了我一眼，又再把筆嘴按出來低頭寫字。 





然後隔幾秒我又再往那按鈕按下去，她終於抵不住我的幼稚，半笑半怒的把我的手推開。 

「喱個shot掂呀，一定中學嗰時成日咁搞啲女仔啦。」 
「唔係呀，哈哈。」 
「Angela又咁好戲喎，啲reaction好好。」 
「哈哈，多謝。」