多謝OPEN DAY，令我鍾意咗妳: 終章

［九年後］
「想你的時候抬起頭看看星空 你應該就在不遠的地方也看著我 說好了 等等我 我們要一起……」

呃放心，雲雲冇死到！只係我哋一個喺加拿大，一個香港。雖然分隔兩地七年讀書，但係當我哋一齊諗起大家嘅時候，都會抬起頭向天仰望。知道雖然唔係起同一個地方，但係其實我哋都係望住同一片天空，就好似雲雲喺我隔離，我喺雲雲隔離咁。

兩年前，即係2027年，我終於喺加拿大讀完大學返嚟香港。一返到嚟香港，雖然好多嘢多唔同哂，物換星移，但係慶幸我同雲雲對大家嘅愛仲喺度，冇唔同到。

「有時候有啲嘢，完美就會變得唔完美；唔完美反而會更完美架。」

所以，兩年前我就同雲雲結咗婚。當大家都猶豫點解我哋要咁早結婚嘅時候，我同雲雲反而覺得我哋實在結得太遲，可能因為我哋已經我去咗7年嚟周圍拍拖周圍玩啩。





而今日，就係我哋個女嘅百日宴。即係100日之前，雲雲已經順利誕下我同佢嘅結晶！

「Congratulations!」細細粒一望到我同雲雲個BB女就大嗌。

時至今日，細細粒已經一啲都唔細粒。所謂：矮仔特別有潛力。

「嘩！好得意呀！」Ava都走埋嚟抱下BB。

跟住仲有幾啲朋友都嚟咗，大家就「安然無恙」咁喺度傾陣偈。





不過大概5點幾，細細粒突然氣急敗壞咁講：「大家快啲走啦，你哋睇下！」佢展視部電話比我哋睇。

「好好好！」大家聽罷即刻執嘢，然後同我哋拜拜。

「你哋都快啲啦，比BB聞到就唔好啦！」細細粒都催我哋快啲返屋企。

「唔～我快快手執開啲嘢就走啦！」我即刻用最快速度執返開哂啲嘢。

「得啦，等我哋嚟啦，快啲揸車返屋企啦。」一個好後生嘅工作人員同我哋講。





「唔該。」我同雲雲多謝完之後即刻落停車場攞車，然後揸車離開灣仔。

揸緊車返屋企嘅時候，雲雲緊張咁問我：「究竟你喺加拿大做咗啲咩唔見得光嘅嘢呀？快啲講！」

「好好好，但係唔係啲咩唔見得光嘅嘢囉。」我無奈咁講。

［2020年8月26號，香港國際機場］
「小心啲呀喺加拿大，著多啲衫呀。」雲雲雙手攬住我講。「仲有唔好唔記得我呀，唔好走去識其他女仔呀！」

「唔～」我回應。

「咦哈囉～」Ava攞住個大篋行埋我哋度。

「哈囉。但……但係點解你會……喺度嘅？」雲雲問。





「佢同我一齊去加拿大囉。」我答雲雲。

「上年個交流團我同毛仁希一齊去架嘛。」Ava補充。

「吓……哦……」雲雲失魂落魄咁自言自語。

「做咩呀你？」我問雲雲。

「冇……冇嘢。」雲雲答。

跟住經歷完十幾個鐘頭嘅飛機，到到第一日開學。

「HI, Adrian.」Ava一入到班房就同我打招呼。





「Hello.」我同佢打返招呼。

「你同雲雲而家點呀？」Ava冷不防問我。

「咪日日FaceTime下，傾下偈咁囉。」我已經好掛住雲雲。

「哦……」Ava好似好失落咁走咗去。

第二日…

「你仲好鍾意嚿雲咩？」Ava問我。

第三日…

「其實嚿雲有咩好呀？」Ava問我。





第四日…

「嚿雲有咩係好過我架？」Ava問我。

終於到到第五日…

「究竟嗰嚿雲有咩好過我姐？點解你個心會仲放咗喺佢到架！？」Ava激動咁問我。

「吓……」我仲係唔知佢想做咩。

「我鐘意你。」Ava雙瞳翦水咁望住我。「忘記咗佢啦，你哋都唔會維持到架啦！」

「咁但係……」我開始有小小被動搖。





「你哋維唔維持到你自己心入面最清楚。仲有，我哋邊個先可以比到愛同幸福你，你自己都最清楚。」Ava哄到勁埋，搞到我紅都臉哂。

［2027年，屋企］
「吓………………」雲雲仲係呆咗咁望住我，比唔到任何反應。

「不過，我真係好衰。」我內疚咁講。「同Ava一齊咗幾個月之後，我哋就分咗手。同佢一齊嘅時間，令我明白到，原來我心裏面真係裝唔落兩個女仔，我淨係鐘意你一個。」

「賤格！」雲雲大喝一句。「竟然傷害我哋兩個女仔嘅心，衰人！」

「『告咩』（ごめん，對唔住）。」我誠懇道歉。

「哼，看上你識得返返嚟香港揾返我嘅份上，我就寬恕你啦。」雲雲無啦啦又哄個頭埋嚟。「不過，你而家冇同佢仲有交情架啦呵！？」

「冇！梗係冇啦！」我緊張到牙都震埋。

「唔～咁煮嘢食啦。」雲雲說罷就走咗入廚房。

到到夜晚10點幾，本來熟睡中嘅女女都被嘈醒。

「嗚嗚嗚……」女女喊得好凄厲。

「砰砰砰……」煙霧溺漫。

「唔使驚架，我哋喺你身邊呀。」雲雲攬住女女安慰佢。

「砰砰砰……」白煙籠罩香港。

「希望你，唔好比強權壓倒。」我輕輕摸摸女女個頭。

「唔好比絕望壓倒。」雲雲接住講。

「相信希望，喺呢瘋狂嘅堅持到底。」我同雲雲異口同聲講。

「年輕人，呢個世界本來就係瘋狂架，儘管去做你認為正確嘅事啦。」——《天氣之子》

「砰……砰……砰……」

香港人加油。