毒撚大挑戰之女神要離開了！？: 番外(一)-阿兒之死

5年後 釜山

是咁的，我去緊旅行，今日係最後一日。而家要搭巴士去機場。

喺巴士站等緊車去轉車站轉車去機場嗰陣突然見到有架跑車高速駛過。

「嗶嗶嗶嗶嗶嗶嗶嗶！！！」

「啪！」





呢個時候巴士埋站，我坐咗喺窗口位。

被撞嘅係個札馬尾嘅女仔，裝束好似好熟，唔知喺邊度見過咁。

---------------------------------------------

幾日後

上上下連登見到有Post寫住「釜山」同「炒車」，我㩒咗入去睇。





出Post嗰日正正就係我返香港嗰日，而車禍位置exactly就係嗰個巴士站附近嘅斑馬線。

張相入面個女仔滿面鮮血，仲流到成地都係。

但係個樣我覺得勁似阿兒。

之後仲收到個令人震驚、極度唔想接受，但係都係要接受嘅事實:阿兒瓜咗。

原來嗰日巴士站嗰個人就係佢...





--------------------------------------------------

再5年後重陽

我特登由長沙灣去土瓜灣麥記買嘢去探佢。

其實我係一個善忘嘅人，每次講咗要做最終都係冇做到，即使自己搬咗出嚟都係成日漏呢樣漏嗰樣。但係過咗5年終於都記得要去探阿兒。

買完嘢就坐106去柴灣再轉車上山。

琴晚2點先瞓，而家都仲係好眼瞓，上咗車冇耐就瞓著咗。

一醒就聽到坐車頭件廢老播抖陰片。

「細聲啲啦你老母！」有個女人屌佢。





「我憑乜細聲呀？/@+#!?*# 」

唉...

去到墓前，我擺低咗啲嘢。

「幾年冇見...... 」都係講返佢離開咗之後發生嘅事。

最後燒哂啲嘢俾佢，希望佢可以收到哂所有嘢...

坐坐下車突然諗起以前仲細個嗰陣嘅嘢，喺車喊咗出嚟。

唉...點解我會咁易喊...





之後抱住一個唔知點形容嘅心情返屋企。