毒撚大挑戰之女神要離開了！？: 柒-開學

9月1號

我F1嗰年嘅9月1號係禮拜日，唔使返學。但係作為一個典型嘅deadline fighter依然趕緊啲暑期功課。可能會有人話:暑期作業抄答案咪得囉，使乜自己做㗎。咁你就天真過天真嬌啦。可能係學校一早已經意識到呢個問題，所以我本嘢係冇得抄嘅，只可以自己做。

其實我覺得暑期功課係一個累贅嚟，成幾百頁，又難，啲老師又唔會收嚟改，都唔知做嚟做乜。嘥錢、嘥時間、嘥精神，最後竟然叫我哋自己改，咁做嚟做乜。

21:55

我:搞掂！





老豆:做完好瞓喇。

我:哦。

做完本濕鳩暑期作業我覺得我自己成個人都鬆返曬。


9月2號

第一日正式開學依然都係要聽校長嘅肺腑之言，即係鳩噏。





喺校長鳩噏嗰陣我就即刻搵阿兒嘅身影。好，係搵唔撚到嘅。不過算，陣間都約咗小學班友返小學探老師，阿兒應該會出席嘅。

返到入課室，都係搞啲班務嗰啲嘢啦，我就一直坐喺度玩手指。

放學

阿兒:行啦喂。

今次人數有大概十零人，除咗兩三條女(熟嘅仔一係唔嚟一係去咗其他中學深潛)之外，其他好多都係唔熟，甚至一句嘢都未講過。





我哋學校嘅分2隊人返小學，我同阿兒，阿靈，仲有一個男同學，搭西鐵直隊小學。另一team就買完嘢食先搭車過去。

廿分鐘後

阿兒WhatsApp另一team:你哋到未呀

佢哋:仲坐緊車呀

個死人前班主任沖咗出嚟:好耐冇見喇，今日返嚟探我呀？

我心諗:我探你個死人頭咩探，畀我就探哂學校其他老師先到你啦。仲要將我個朋友調走，調阿兒過嚟同我坐。好彩阿兒唔係過界撚啫，唔係實畀你鬧到仆街呀。

兩個好人老師:嚟咗啦。





呢兩個先係我想探嘅老師。頭先嗰個，算吧啦，係咁侮辱人邊個會想探佢，叫佢收下把口先啦。

其實原本都有一個老師好好人，但係佢嗰年退咗休，冇得探。

越嚟越多人返嚟，但係冇一個我係同佢講過超過十句嘢嘅。

之後我哋去咗教員室，見到個好黑人憎嘅主任(聽講今年仲升埋做副校)，冇計啦都係要照say hi。

我淨係喺個教員室度飲檸檬茶(定菊花茶)，咩都冇做過，究竟我嚟係做乜。

跟住我就搭車返天水圍。

早知就唔哂咁無謂嘅時間，直接返屋企打機算。