毒撚大挑戰之女神要離開了！？: 貳-開始熟落
小六4月頭影畢業相，影相嗰日有老師借咗佢部手機比我哋自己影相。嗰陣我依然同班女仔三唔識七(影相嗰啲都係女仔)。所以冇影到。
影完相之後嗰個禮拜，有人開咗班group，另一條友掉啲相入group。跟住我就創造咗個紀錄:史上第一個係group入面send voice message嘅人(冇計小學雞係咁)，內容大概係邊個電話號碼係邊個咁，跟住得知開group嗰個人就係阿兒。
2日之後，我無啦啦被人踢咗出group，我即刻WhatsApp阿兒叫佢add返我入去同將踢我走嗰條友解除admin身份。
同時抄咗牌之後佢就起勢咁Send動態，於是我就手痕㩒咗入去睇，跟住我都起勢咁覆。 於是佢都係咁用Voice message覆我，一直重複咗好耐。同時亦都開始互相認識對方。有時傾心事都會搵佢。