一篇潮文改變一生: 第二章
「小姐，請問無撞親你丫嘛？」
我以一個梁朝偉式……呀！咁講可能唔夠潮，加上呢度係大陸，改返個殺傷力更強的黃曉明式電眼，深情咁望住眼前的四眼囡囡。
「無…無事。」
HA！面紅，正！都話皮膚白的女仔零舍好玩，動不動就面紅，一陣同佢啪啪啪時一定紅到成個小蘋果咁，正！
係我不切實際地幻想的時候，佢搶住話：「等我幫你執返D野。」
當佢一蹲下把其中一隻碟拎係手上之時，動作突然僵住左……
仆街！唔記得左仲一地都係咸碟！我記得之前睇過篇教人追女仔既文，好似話係你同一個女性未發展到可以飲同一杯水之前，記住唔好比佢知道你咸濕，雖然聽說後來証實篇野係個四十年來都溝唔到女o既毒撚寫的……
但係比一個初見面o既女仔見到我成袋咸碟，一定唔會有好印象，名副其實金翅仆街鳥！
我快快手自己執返，不住口：「唔洗唔洗，我來得架啦！」
但見四眼囡囡低頭望住封面，慢慢企返起身，唔通明步吸引力真係咁大，男女通殺？証明我有眼光，無入錯貨。
我都企返起身，想係佢手中拿回咸碟：「我自己來得架啦！」
點知輕輕一拉之下，佢捉得好緊，我細心留意一下，雖然佢低住頭，我見唔到佢個表情，但係聽到佢發出輕輕的喘氣聲……
「嗄…嗄…」
喂喂喂，唔係下話？睇下個咸碟封面都搞成咁？跟住落o來仲唔係佢出曬水，哄埋來係咁話我要我要，跟手就入廁所搞掂埋？
老老柒柒，呢D咁唔合理又超現實既情節發展我至鐘意架啦！唔好比佢停呀！
「小姐……」
我帶住幾分淫賤又夾幾分深情咁開口，佢一抬頭，電光火石之間就發生左以下的事……
啪！
我右邊面比人打左巴，成塊面火辣辣，而我亦呆在當場！
「你有無廉恥架？你知唔知有幾多大好少年就係比呢D野搞到無心向學，思想偏頗呀？」
小姐！唔係下話，失驚無神咁樣車人一巴，妳好彩我雖然係賤，但係我唔打女人，如果唔係妳荒我唔一巴車妳轉體三百六！
嬲到我都懶得再扮君子：「呀姐姐仔！我袋住咸碟又關妳咩事呢？人各有志，俗語都有云『有容奶大』，我見妳奶奶咁大，但係容人之量又咁細，實在唔係咁合符邏輯同道理喎！」
佢塊面紅一紅，反手又是一巴！
啪！
OK！我認我係柒左，衰多口無啦啦又比人打多巴，柒到我想即刻上高登開個POST問：「衰口臭比人打左兩巴如何不失霸氣？」
但係身處強國上唔到高登，所以我只可以係自己個腦入面搵答案……
好在，我好快都諗到，曾經有個聖人定係神之類o既物體話過，如果比人打左右邊面，就比埋塊左邊面人打，所以我終於可以確定，我個人o既修養已經到左聖人o既程度！
就係如此打飛機般心態之下，我死死地氣執返D咸碟：「我都費事理妳！」
丫！佢又好波喎，仲係唔死心：「而家中國有好多青年都係比呢D不良資訊影響，道德低落，如果你仲有良心o既話，就快D丟曬呢D不知所謂o既野去！」
妳都痴孖根！丟我D生財工具？我靠佢地發達架！
我唔理佢，自顧自走人，雖然唔知去咩地方擺檔好，都係求其坐車去左個偏遠少少o既地方先算。
咦！等陣，不遠處個死八婆係度同個貌似公安定城管唔知咩差o既人向我指指點點。
喂！想點呀？唔好玩野喎，死啦！我連香港法都唔識得幾多條，大陸法係點更加知佢老鼠，係強國賣咸碟犯唔犯法架！
仆街，個公安狀生物真係行過來喎！頂，我都拿拿聲走開，轉過角諗諗計，無理由為左咁少事就跑架！佢就快行到過來，點好呢？
我估應該就算犯法都唔大罪掛？而且又唔係斷正我係度賣，唔會拉掛？拉都應該無咩事掛？但係呢度係大陸喎！會唔會屈我昨天強姦過個阿婆架？
眼尾瞄到，身邊有條大渠，點呢？應唔應該丟左手頭上D貨去呢？
時間無多，我伸個頭出去望望，個公安越行越近，而且仲樣衰衰咁，頂！都係博唔過，無謂比人捉去打滕。
我二話不說，拉開個Porter，將近百美女倒進大渠。
人地德高者視錢財如糞土，我如今直頭視美女如糞便，修為又上一層……屌！講下廢話唔比咩？大拿拿成千銀倒左呀而家，心痛架嘛！
拉返好拉鍊，個公安啱啱好就來到，以凌厲o既目光向我臉上一掃。
「先生……你個嘴邊有d污糟左喎……唔係呢邊…呀係啦係啦！」
原來我今朝食件蛋治d蛋漿整污糟左自己都唔知添，個公安話左我聽之後，親切地笑一笑就走左。丫！邊個話大陸人個個都無良心同冷漠架？呢個公安咪幾好人，如果唔係佢，我可能就成日污糟住咁四維行，比人笑死呀！哈哈哈！都係阿媽講得啱，做人就千祈唔好以貌取人……
屌！等陣，咩佢唔係來捉九我架咩？咁我做咩要丟曬d咸碟佢呀？
你老味我真係好ON9呀！有無人可以話我知我做咩可以ON9成咁架？
思前想後，一日最衰都係個四眼八婆，妳唔好比我再見到妳，如果再撞係我手上，我唔捉住妳中出七十八連發我跟妳姓！
屌，真係好火滾，越諗越慶過火屎，唔得啦！我咩都唔理，去搵間桑拿出一出火先！
講起出火，其實我根本無經驗，原因好簡單，有女洗咩去叫雞？
我唔係話扮情聖，我都只係拍過幾次拖姐，但係自問份人四四正正，自從性慾萌芽之後都一直keep住有女朋友，咁叫咩鬼雞呢？不過對上一個女友係年幾之前散左，一直又未搵到下一春，谷埋谷埋之下，今日比人咁激一激，出下火都唔係罪過掛？
先唔好扯咁遠，返來先，要出火自然要搵間桑拿，我國其中一個偉大之處係男人聖地多如雨後春筍，應該搵邊間好呢？唔好同我講話叫雞求其得啦咁呀！我至憎人咁無要求架啦！萬一去左個屎場，叫雞無雞味咁我咪捉蟲？
但係桑拿又無米芝蓮推薦，分好壞惟一辦法就係靠個名啦！
搵呀搵，終於比我搵到間正野──「佳松桑拿」！
佳者唔洗我多解釋啦！自然係質素上佳咁解，係！我係易信人，我自己都覺得而家呢個時代好似我咁純咁胸無城府既好仔真係好難得！
松者植物中之君子也，如果竹代表一份脫俗，松正正就是一份高雅。
「佳松桑拿」，真係一個出塵不凡o既好名，就呢間啦！