我鍾意咗我親生姐姐，但係佢已經有男朋友？！: 女神候補篇（2）

Nana見到我就好似望住垃圾咁，冷笑咗下行埋我度。

「啊唷唷唷….你咪…啊～成日跟住Molly隻乖狗狗？」

「Nana~乜你識得呢個…. 低劣嘅男人架咩？咁核突又望落中咗核幅射咁…好恐怖啊，小櫻我好驚呀～」

佢兩個女仔用嘲笑嘅態度對我冷嘲熱諷，但係我竟然有少少興奮…

我雖然有少少嬲，不過…





Nana可能基於受過高等教育嘅禮儀，開始自我介紹：「啊啦啦，算啦！我又點會同你呢啲蛇蟲鼠蟻斤斤計較。等我重新自我介紹一下，我叫Nana…你可以叫我娜娜萌。相信你可能聽Molly提過，我就係佢一直都高攀不起嘅大～前～輩～！」

而旁邊個女仔聽完Nana自我介紹完都緊隨其後：「既然娜娜子都肯同你講嘢，咁我都勉為其難咁同你講啦。」佢拆開手上嘅棒棒糖，邊揭開包裝，邊舔弄住糖衣：「哼𧿹…. 本來我係唔應該同你有任何交集，但如果我唔做自介，又好似好小氣咁。你要多謝娜娜仔嘅寬宏大量呀。」

我心諗你唔想講咪撚講囉，講咁多把撚咩。

佢繼續：「我叫櫻蘭…你千祈唔好叫我小櫻，我一定會殺咗你.. 完。」

唔知點解聽完佢地自介之後，覺得好似望緊兩個小屁孩互嗆，好想笑，不過我忍住左。雖則我內心有好多想法，咁梗係唔敢講出嚟呢。





「Errrr……哈哈…你好呀…冇咩事我走先啦，bye。」

我真係好想即刻逃離呢個鬼地方，就算佢哋再靚再可愛，我都唔想當街當行咁引人注目。覺得比囡圍係好威，好自豪，唔麻煩，一定係冇乜食囡經驗。仲要係無啦啦有靚女圍，無事獻殷勤非奸即盜。

我正準備行開，櫻蘭就捉住我唔俾我走：「咪走住，既然你係Molly隻壞狗狗，我哋更加唔可以放你走。（笑）」

「無錯啦，既然佢咁乞人憎，我就要將佢嘅嘢.. 變成我嘅嘢。你無得say no，如果唔係我就大叫強姦，到時Molly知道咗，你就更加水洗都唔清！呵呵呵呵呵，點呀，乖勾勾。」Nana唔知幾時隻手多咗幅手銬。

同一時間，我對魔眼開始起反應。呢個signal係…. 女神候補生，仲要係打孖上…